香港夜繽紛 - 11 低調中的金光

zelo

前星期收到位飲食界鉅子朋友嘅家訪通知書終於都批咗出嚟，前日收工即刻快步去到佢屋企，先講講呢位師兄，佢份人好低調，但係實力雄厚，每次出招都無寶不落，如之前到代理聽對Alexia V，我喺showroom一首歌都未聽完佢就已經科哂水，嗰種狠勁真係記憶猶新，家中亦有無數寶物，淨係枱波用嘅私家Cue都過10支，John Parris Ultimate都有兩三支（未計寄存嗰啲…）





原本我係諗住等佢對新喇叭到之後上去聽，不過呢位師兄想未到之前叫我哋聽一聽，因為喇叭未到期間佢已經添置咗唔少器材，例如將部金仔stereo後級換上一對A300，K1X添加PS1等等…




一入屋見到金光閃閃，一套二嫂金版K1X Gold，一套金嗓子前後級再加多支Graham金版，再加多條Odin Gold臂線，真係睇到眼都花，外型相當煞食，我都唔客氣即刻坐正皇帝位聽聽先，開始先聽CD，K1X拾訊力好厲害，可能部機已經配埋個原裝鐘，音色非常之好，好有層次，可惜部power supply 因為電源線未到所以今次冇用，如果用埋，個音効應該更好。加上成套金仔，推對Sasha DAW已經綽綽有餘，一貫金仔音色，中高亮麗，不過我發現有少少問題，低頻收得太快，欠缺餘韻，唔太似class a機特性。原來依位師兄套後級新機落地又少開機，基本上係未調節好，所以一齊將套amp個gain逐個位調再慢慢試聽，調到邊個位我都唔記得，總之最後個個滿意。





聽咗一陣，又聽到門鐘聲，原來Simcity大師兄都踩上嚟，傾咗一陣我哋就開始聽黑膠，落針聽咗一隻歌，即刻皺晒眉頭，點解啲聲嗱埋一舊…可能位師兄太耐冇用個黑膠盤關係，求知欲強勁嘅大師兄又本住我為人人精神開始發作，佢話要出手搞番好，由開始先睇個盤嘅平水，微調後再研究支臂，支臂佢大哥有用過，當然駕輕就熟，詳細就唔多講啦，總之由頭開始拆頭拆骨搞足兩個鐘，個個位都有小問題…我當然落足眼力聽書學嘢，







之後再開聲聽，果然係另一個世界，光悅Blue Lace頭加Transrotor Tourbillon盤配上Odin Gold臂線，再搭金仔真係強，人聲絕對一聲難忘，女聲超毒兼好有韻味，嗰種味道可以好肯定部K1X冇可能出到，依家用Sasha DAW都咁得，之後換新喇叭應該更惦。今次套新一代金仔真係令我另眼相看，佢同Wilson 喇叭都好夾，照機價出個咁靚音効，性價比都非常高，如果我有地方可以安放，金仔都會入我考慮之列，不枉餓住個肚去搞番好，成個過程又學咗好多嘢，今次夜繽紛非常充實，期待依師兄隻新Alexia V到埗後能再上去嘆多次。

https://youtu.be/4Y0vIECMsUE

https://youtu.be/ef39htM4G5E

racewong

篤波叫埋我呀

zelo

racewong 發表於 2024-7-31 11:26
篤波叫埋我呀

我叫呢位師兄同你約啦，我之前有同佢一齊上俱樂部，你應該記得佢啩

Simcity

racewong 發表於 2024-7-31 11:26
篤波叫埋我呀

記住 SimCity 講，嗰啲‘漆吓漆吓’嘅無謂發燒友可以當佢冇到，呢啲有無限金錢嘅師兄一定要馬到實一實, Got my message?

好似 Thomas 大哥同 Zelo 大哥，SimCity日日 mark 住佢哋，去到邊跟到邊，一步不離，正所謂識人好過識字，道理就是這麼簡單的🤭🤭🤭

zelo

Simcity 發表於 2024-8-1 14:28
記住 SimCity 講，嗰啲‘漆吓漆吓’嘅無謂發燒友可以當佢冇到，呢啲有無限金錢嘅師兄一定要馬到實一實, G ...

我先係靠黐嗰個喎 加上我已經退燒，冇咩事唔好搵我啦～

racewong

Simcity 發表於 2024-8-1 14:28
記住 SimCity 講，嗰啲‘漆吓漆吓’嘅無謂發燒友可以當佢冇到，呢啲有無限金錢嘅師兄一定要馬到實一實, G ...

你咪鬼咁衰啦.

racewong

zelo 發表於 2024-8-1 15:19
我先係靠黐嗰個喎 加上我已經退燒，冇咩事唔好搵我啦～

你仲衰

Simcity

Hahahahahaha  

jjtiger

睇嚟Simcity 大師兄出山啦喎

Simcity

jjtiger 發表於 2024-8-3 10:42
睇嚟Simcity 大師兄出山啦喎

音響暫時吳玩啊，已到一個點好難再進步，以前好熱衷周圍家訪，用完 Alexx V, 再聽返 D ‘小喇叭’ 實在有D難度😅😅😅

呢位朋友，好謙虛，好有內涵，令 SimCity 好感動，決定出手相助 🙏🙏🙏

racewong

Simcity 發表於 2024-8-3 18:06
音響暫時吳玩啊，已到一個點好難再進步，以前好熱衷周圍家訪，用完 Alexx V, 再聽返 D ‘小喇叭’ 實在有 ...

所以我咪話佢好幸福囉

Simcity

Zelo 大哥， 真係勁抽 ！

racewong

Simcity 發表於 2024-8-7 01:21
Zelo 大哥， 真係勁抽 ！

大師兄大抽D.