香港夜繽紛 - 21 自肥大舞台

zelo

今次家訪依位Benny師兄來頭唔嘢少，由佢初燒開始嗰個小小private corner進化到依家成個音響廳，套機由小組合變成重型組合，仲要係好短時間內嘅進化，絕對係我哋嘅偶像。Benny師兄間屋係相連單已經夠晒大，全屋飾櫃放滿超合金，仲可以留一個偏廳主玩音響，個地方簡直係天堂，你話幾幸福。











一入大門已經見到成棚器材，無錯⋯⋯係成棚，真係要逐件睇都要睇好耐，轉入偏廳見套機真身，Transrotor Rondino Nero FMD唱盤、一套MSB select 、一對CH + L10 mono前級、一對MSB後級、肥Dan phono、一對Magico M3再加全套Magico架，左上角仲裝咗部金光閃閃嘅世紀電箱，個陣容認真強大。








線材全部都係靚線，仲要條條都係頂班，咩Odin Gold、Crystal Connect da Vinci、ARGENTO FMR EE…數得出嘅靚線基本上都有齊，尤其Fono Acoustica Grandiosso同 Crystal Infinity 就非常矚目，背後棚器材其實都唔嘢少，不過主放置後勤器材，Taiko extreme server、L10 mono對power supply、MSB select 對power supply同director 、各種地盒、LPS同X樣配件，分佈得井井有條，依套架生如果俾我搞一定亂到九彩。



好啦，睇完器材就坐定定聽歌，未聽之前其實有兩樣嘢有先入為主嘅成見，第一係M3我聽過數次，但印象唔係咁深刻，應該講係冇乜個性，吸引力比較低。第二係對MSB後級，又係聽過數次都係冇乜好印象，因為次次都係用MSB Digital Pre直入，個效果真係唔係咁惦，所以未聽之前我都忍唔住問Benny師兄套後級有冇打算換。不過點都好，聽咗先算。

坐定定聽咗幾首歌，我心目中嘅疑惑一掃而空，我覺得套L10 mono真係居功至偉，控制力認真一流，完全可以駕馭對後級，加上以MSB select做source加持，對M3真係好聲到不得了，音場、分析力、定位都無可挑剔，成套機好平衡。套器材話就話以數碼為主，但完全冇數碼味，我直頭覺得黑膠都可以唔使玩，因為黑膠盤要出到咁嘅聲，要極好調教功力同時間先做到一樣水準。以當日個聽感，已經知道Benny師兄真係落好多心機落去，要知道部部頂班機加埋，各有各個性，咁多靚材料要炒碟好餸，唔係咁易架。




如果硬要搵個缺點，我只可以講個結像差咗少少，音像唔夠立體，呢個都係小問題，以Benny師兄嘅功力，應該好易解決到。另外我覺得Benny師兄個空間絕對可以容納再大少少嘅喇叭，我覺得對M3已經襯唔起前邊嗰堆超班器材，呢樣嘢聽Benny師兄講已經開始密謀緊，明年應該有大動作。

聽多一陣，我覺得Benny師兄個格局完全係一個舞台縮影，台前即係大廳，全部都見得人又靚聲器材，聽眾坐得舒服又有靚環境、靚燈光，牆後即後台，全部主力後勤工作，供靚電、供訊息，所有雜務後由台處理好，前後互相輝映，依個格局好值得學習，全部機一次過攤晒出嚟真係幾多位都唔夠，亂七八糟咁睇見都唔開胃，依家咁放又工整又舒服，聽歌都聽得開心啲。Benny師兄套器材絕對係上上級數，依家俾我同佢熟絡咗，依個自肥大舞台，我肯定會食住上依時依候去滾攪佢。

Simcity

早幾日我哋一行幾位，去拜訪Benny大師兄，有zelo, Roy, Simcity.

真係正到唔識講，我見Roy師兄都目定口呆。

Simcity 反而坐定定淨係聽歌，冇周圍去睇呢樣睇嗰樣，因為每件器材，每條接線，每個地盒都係天價之列，驚睇完心裏面酸溜溜，又冇錢買，所以唔敢睇

roytam662

Simcity 發表於 2024-11-15 09:58
早幾日我哋一行幾位，去拜訪Benny大師兄，有zelo, Roy, Simcity.

真係正到唔識講，我見Roy師兄都目定口呆 ...

haha, 大師兄, 比你發現左, 因為從最開頭去拜訪Benny師兄果時到今次第3次拜訪,
個進步大左好多好多, 可以講Benny既發燒程度, 認真程度, 同銀包厚度都非常利害,
對所有會影響個聲既配件都會續一去試, 絕對唔會放棄每一個令到套機會靚聲既機會
同埋L10加埋mono既玩法真係好多, 部msb後級又可以校low mid high gain,
所以仲有好多可能性, 另外Zelo師所講結像果part, 應該好易攪, toe in 番小小去
慢慢試就會搵到一點突然叮一聲, 因為我玩M2都係咁樣, 如果toe in 角度唔啱個
結像係會差d

Benny213

Simcity 發表於 2024-11-15 09:58
早幾日我哋一行幾位，去拜訪Benny大師兄，有zelo, Roy, Simcity.

真係正到唔識講，我見Roy師兄都目定口呆 ...

大師兄你冇錢冇人信喎😂

racewong

Benny213 發表於 2024-11-15 10:31
大師兄你冇錢冇人信喎😂

我很贊同

racewong

roytam662 發表於 2024-11-15 10:18
haha, 大師兄, 比你發現左, 因為從最開頭去拜訪Benny師兄果時到今次第3次拜訪,
個進步大左好多好多, 可 ...

MAGICO M係對擺位要求好高

jjtiger

我都好想去Benny師兄度朝聖
點解唔帶埋我去

zelo

jjtiger 發表於 2024-11-15 19:55
我都好想去Benny師兄度朝聖
點解唔帶埋我去

PM Benny師兄啦，佢好好人架。

Simcity

jjtiger 發表於 2024-11-15 19:55
我都好想去Benny師兄度朝聖
點解唔帶埋我去

jjtiger 師兄，做乜今年銷聲匿跡，以為你退咗燒.

話時話，你好似換咗對喇叭一段時間，我都冇嚟聽過

hksarac

racewong 發表於 2024-11-15 11:30
我很贊同

我很贊同x2

racewong

jjtiger 發表於 2024-11-15 19:55
我都好想去Benny師兄度朝聖
點解唔帶埋我去

好耐無見你啦.

jjtiger

Simcity 發表於 2024-11-15 22:14
jjtiger 師兄，做乜今年銷聲匿跡，以為你退咗燒.

話時話，你好似換咗對喇叭一段時間，我都冇嚟聽過 ...

Simcity大師兄，我知你呢排忙於玩另一樣玩具
所以小弟唔唔敢打攪你老人家
加上依家努力煲練新喇叭中
我等你玩夠出山，我又會搵你食飯

jjtiger

zelo 發表於 2024-11-15 20:18
PM Benny師兄啦，佢好好人架。

收到，咁我就厚面皮去搵下Benny師兄先

jjtiger

racewong 發表於 2024-11-16 10:59
好耐無見你啦.

鎗兄，我冇離開過，只係冇出聲啫，主要係食花生

racewong

jjtiger 發表於 2024-11-16 12:02
鎗兄，我冇離開過，只係冇出聲啫，主要係食花生

食得多花生會好肥.

zelo

https://www.hiendy.com/hififorum ... &extra=page%3D4

睇吓呢個post咪搵到 jjtiger 大哥啦