|
|
本帖最後由 faivan 於 2024-11-18 21:18 編輯
好耐冇出post，是咁的，入手咗粒小弟覺得非常物超所值嘅唱頭DS Audio W3必須分享🤗，近排正在物色添置一粒新唱頭，起初冇諗過會買光頭，見自己部soulnote E2 可以玩光頭，不妨考慮吓，一聽到光頭，之前諗住一定係數碼聲㗎啦，不過都照做吓功課….
原來原理上同普通唱頭一樣有針竿，針頭，分別在拾取黑膠唱片既訊號engine部份由磁圈改為光感，這樣令到唱片嘅重量輕左唔少，訊號嘅放大亦都由MC要放大一百倍，而光頭只需要放大大概只有四倍，技術上好似贏晒…. 不過所有嘢都要耳聽為實，spec咁嘅做reference算….
咁啱公司響九龍灣，所以就同個老友lunch後一齊約上九龍灣代理聽下，同場仲有粒Lyra Kleos，我老友流晒口水，因為佢正考慮入手呢粒頭，showroom demo 緊粒DS audio M3 同 Lyra Kleos 入同一soulnote e2 phono.... 都唔記得代理哥哥轉左幾多隻碟, 最後試到唔知時間🤣 (有機會先詳細講吓呢兩粒比較), 我哋都非常鍾意DS Audio M3啲聲同表現，返到公司成個下晝都冇心機做嘢😫，但係M3 over 哂budget…. 亦覺得soulnote E2 未必可以發揮到M3 嘅功力，而對下一級嘅W3好似好啱我呢啲窮L… 3萬樓下，用boron針竿，外國評價好高，試吓WhatsApp 代理哥哥傾下，代理哥哥都認為W3 最夾E2 phono 能夠發揮最好，都唔知好唔好彩，受制於用緊soulnote E2 phono 但亦都唔夠budget買佢隻7萬蚊以上嘅原厰phono，問咗有現貨，收工彈閘上代理度俾錢帶佢返屋企…
同屋企人食咗晚飯即刻開檀！搞咗一輪，終於開聲，先唱人聲，無論男聲玉置浩二，女聲Eva Cassidy，陳潔麗，輕音樂的伴奏，都非常有質感，嘴型恰到好處😍，再試Jazz， live Band sound 場面比之前大咗足足一倍以上，動態非常之好，定位結象亦都準成，好有氣氛，而黑膠嘅味道亦都響度，呢粒光頭並唔係暖聲，亦唔係冷聲，而佢係中肯地將黑膠嘅訊號完整直接咁俾你，黑膠碟嘅密度同音訊非常細緻清晰咁呈現出嚟，呢個價位能夠買到咁高分析力同咁真實嘅表現，小弟覺得物超所值，聽咗幾日非常鐘意，希望run in 後表現更好😁
|
評分
-
8
查看全部評分
-
|
IP卡
狗仔卡
發表於 2024-11-18 21:04:06
提升卡
置頂卡
沉默卡
喧囂卡
變色卡
顯身卡
發表於 2024-11-18 21:41:12
，你之後應該會一路玩上去。
