唱頭變身了 DS Audio Grandmaster EX

zelo

成個新年假期忙到氣咳，已經預警知道唔會有機會開機，所以年假前快手拆咗粒Grandmaster EX頭俾代理，幫忙送返日本原廠做service，要送返廠原因係廠家要做到精益求精，一直聽用家意見同研究，佢哋覺得個唱頭可以再作小改良，結論係加兩個damping到個唱頭會令到音効更好，今次代理都跟得好好，幫我哋排隊逐個處理，其實之前去過Thomas大哥度已經聽過，佢應該係最早一批改好嘅，不過喺佢度只係聽過一首歌，所以唔知有咩差別，始終唔係自己套機好難知道分別喺邊度，所以都係自己試自己。





原本話要成個月先整好，但昨日已經收到通知可以攞，真係夾哂成個假期。日本人做事真係非常謹慎同專業，個唱頭送返嚟好似全新咁，仲有齊報告兼送廠前、後嘅相，呢啲售後先係路，值得我繼續支持。





今日因為太夜先得閒，所以冇得開喇叭聽，只好將就吓聽返耳筒先，極速裝返個頭由得佢play兩套碟當暖一暖頭先，之後坐定定品嘗，聽咗套Bill Evans Trio，發覺冇乜大分別，只係個尾音有啲拉長，多番少少餘韻，於是我就試吓人聲，播返隻德永英明 Vocalist 2，聽咗兩首歌好似嚟料，依家人聲確實係比之前更有肉地，冇比較真係唔覺，原來之前係比較偏冷，精準但欠缺感情，依家有番多少少模擬味，有番我以前用Ikeda Kai MC頭果種聽感，聽人聲真係好舒服，估唔到小小改動都可以有番咁好効果，真係一個免費upgrade，玩法又唔同哂，今個周未會再聽吓用喇叭播啲大棚嘢。

racewong

大哥, 你屋企越來越多器材喎,

件件精品,  有無比老闆炸型先

zelo

racewong 發表於 2025-2-5 15:53
大哥, 你屋企越來越多器材喎,

件件精品,  有無比老闆炸型先

已經變天，再唔走就洗太平地～

racewong

zelo 發表於 2025-2-5 16:04
已經變天，再唔走就洗太平地～

即係焗你柒街玩啦.

zelo

今年個計劃係首都遷移，依半年要收心養性，務求黐得就黐～

racewong

zelo 發表於 2025-2-6 12:47
今年個計劃係首都遷移，依半年要收心養性，務求黐得就黐～

唔明咩叫首都遷移?

Simcity

Zelo 大哥想咁樣玩法。

zelo

遷都要好大決心，又要燒一大筆錢，要慎重籌備…

大師兄依個太厲害，我應該尾燈都睇唔到…