香港夜繽紛 - 28 開卷有益

zelo

早幾日又拉大隊上Angus師兄處，自上一次拜訪後，佢久不久發相嚟引我，次次都係有新玩具，好似入咗金手指無限金錢咁，經添置好多新嘢，再加上佢話個mono頭已經set好，既然你話有mono頭，我都唔執輸帶埋兩隻mono靚碟上去，所以今次一次過試盡佢。



一入到房，見到對G1讓咗個位，俾對Exclusive (TAD) 2251取代，起初睇相以為好細對，原來實物都幾巨形，望上去重量感十足，需然叫做古董，但保養得非常好，箱身木邊仲好靚又實淨。



後面binding post有六個位，其中兩個係接地位，不過今次就冇接，只好之後同Angus師兄再研究。如一般Horn喇叭特性，皇帝位只係得一個正中位，其他位置係一定有偏聲，所以我哋一班人只可以輪住坐，如是者聽咗幾種樂曲，個人覺得依對始終係細型Horn，聽大編製樂曲係差咗啲，會有雜亂無章感覺，相反聽獨奏同人聲就相當唔錯，尤其睇小提琴獨奏，音色跳脫，好飄勉。對喇叭擺位要求唔算太高，以依個size其實都幾適合香港用，前提你要好喜歡horn嗰種獨特音色。



之後到另一環節我係好期待既mono頭播放，事緣之前次次嚟親都話支臂未set好，搞到我次次食白果，再加上前幾日知道光學頭將會出mono頭，所以隻ERC我都忍痛新開出嚟用佢個頭聽吓，聽過之後，果然mono頭配返mono碟結像係清晰好多，Noise相對亦小好多，非常乾淨，去到呢個位我都有決定，心諗之後個mono頭好大機會走唔甩，點知仲有下文….







Angus師兄仲有台巨型玩具，Studer A80 Master Tape Reel銘機，聽佢講呢部機喺德國入手嘅，已經全部翻新過，在場幾位師兄都都係同我一樣第一次聽open reel，真係超興奮，於是成班友好似燒嘢食咁圍住台機，睇住Angus師兄點樣上帶，見Angus師兄非常好手勢，我依啲盲俠都未睇得清楚，佢已經將條磁帶左穿右插咁set好，跟住聽佢講解一輪就播歌，開聲聽咗一小插黑教堂，全部人個個呆哂，大家都估唔到個音効咁強勁，無論音場、分析都無嘢可挑剔，今次仲要用對小型Horn喇叭，但居然成個畫面可以放到咁大，我個人覺得一套頂級黑膠系統都未必可以做同樣音効，同場應該冇邊個走得甩被毒，所以我個Mono頭計劃只能暫時擱置，開卷機已經係我頭號目標，估計其他師兄都開始蠢蠢欲動，今次真係一支地圖炮攪惦全部人。因為呢部殺人機器太強大，我哋位位強烈要求Angus師兄快手換返對G1俾我哋encore ，估計下次應該最後一滴血都被殺光。

racewong

嚇死我, 以為你咁快買左帶機...