Schnerzinger Reflector簡單報告

zelo

我一直都話有新嘢試玩就一定要去Thomas 大哥度，有日佢同我講Edward跟Schnerzinger 主理人Michael上咗佢度做home demo，叫我一齊上去玩吓咁，通常依啲home demo都會血流成河，所以有得推我都會推，我都諗住唔過去，但Thomas 大哥嘅奪命追魂call真係唔嘢少，佢淨係話有新嘢超好玩、市場未有架，又係‘好奇害死貓’，咁就引咗我上釣。





咁有得玩我當然拖埋其他人落艇，於是直踩上去，去到已經見到Edward 同Michael 差唔多做完個demo，但係佢哋好客氣，見到遲到都重新再做多次講解，今次主要係介紹套未出街嘅6件頭Reflector套裝，個性能同EMI protector 差唔多，但係就做成分體式，你可按個人需要放置任何位置，今次帶來係6件裝（1隻master 5 件slaves)，遲啲到正式推出就會有兩件裝、四件裝等選擇，每隻機同EMI protector一樣，有兩個按掣俾你調教頻率同時脈速度，依個就要按地方大小同個人口味去調教。





我就簡單寫少少，我哋試咗幾個玩法，先用4個每個角位各放上一部，個時脈分別用一段同二段去聽，可以咁講，用上reflector効果係好顯著，音場擴闊之餘，好多弱音都出返晒，我覺得好大機會係成套機靜晒，所以之前聽冇咁明顯嘅細位全部出番晒，另外音色都變得更通透，不過我個人覺得時脈用一檔比較合適，二檔有啲噪同快速。之後我哋再試6隻，四隻放角位、兩隻放中間兩邊，可能間房空間比較大關係，我覺得6隻個効果更顯著，到最後當然試全拆走，依個已經唔使講，試過好點返得轉頭…今次套reflector只係prototype，機身暫時係3D打印出嚟，到正式推出會用返金屬外殼，慕尼黑展之後就正式推出。最後當然如我所料，在場人士基本上位位都中，點解我唔去依啲home demo 就係咁原因，問你死未⋯⋯

adyc

Snake oil for sale. Put a bottle of snake oil on top of your speaker will make sound improves by 100x