白虎再登門 – Tiglon 3000X 接線簡單報告

zelo

前幾日見到個post，見到Tiglon對新接線白虎到咗香港，所以即刻用盡關係搵怪醫K幫手問有冇得借試，怪醫K果然有斤兩同江湖地位，10分鐘唔使已經通知我第二日上代理，響佢朶就可以借到，真係識人好過識字。Tiglon啲線材我本身一直用住兩組，一條白虎電源線、另一組係TPL -2000X接線，兩組線我都相當滿意，所以今次依對白虎3000X，我係好有期待。



收到接線後先睇吓造工，手工無話可說，日本產品嘅品質始終係有保證，線身同之前條電源線一樣灰色虎紋，線身略為硬咗些少，柔軟度唔及TPL-2000X，不過唔算難屈，但係要走線的話就要預定多少少空間，





第一手試接線，我通常都會先用耳機系統試吓先，因為套系統簡單直接，對線係咩聲底即刻可以知道，所以拎到返屋企即刻接上部HE1聽，聽咗幾首歌，覺得音樂感比較強，控制力非常好，令到成首歌充滿活力，令我好自然咁會追歌聽，一般我聽耳機時間都係一個鐘左右就會停，但當晚我不知不覺間已經聽咗近三個鐘，當然我仲未有定斷，點都要試埋套大機。





第二日我將對白虎接線搬返私竇，我將對線放咗喺DS Audio去Chord Ultima Pre前級嗰一段，先warm up聽幾首歌，我覺得同我喺耳機系統嘅聽感差唔多，音樂感好強，三頻表現方面，中頻比較之前薄聲少少，但可接受，高音方面就比較亮麗，低頻亦比之前實淨，依方面我覺得控制得非常好，成套機出嚟個効果比較之前更有活力，我個人覺得同對2000X嘅取向大致相同，屬清爽型接線，不過依對白虎係將所有嘢再提升，另外人聲方面，我覺得帶多絲絲甜味，尤其女聲方面真係幾毒吓，調味都唔算太重手，可以當係加小小味精剌激吓冇咁悶，以當日表現，依對線非常夾我套機，可惜快樂時光好快過，話咁快就要還，想俾錢留都唔得，因為已經有好多人跟隊要試，只好乖乖科水等新貨到。





依對接線以價錢vs表現來講我個人覺得相當超值，同條白虎電源線一樣，定價算合理，以同價位計，我諗唔到有咩對手，依家我用開嗰對接線貴佢一大截，應該都要讓路。

jjtiger

Zelo兄，白虎呢樣野，唔係個個受到