Tara labs 喇叭線大比拼 The One vs The 0.8

kachow

Tara labs 喇叭線是Tara labs線材入面我覺得最喜歡的. Tara labs 令我最陶醉既係佢既中高頻的造詣. 聲音開揚細膩, 手到拿來的華麗高頻控制力 真係令我完全投入聽歌既世界.

而The系列或以上, 擁有全頻上平均的表現. 低頻開始感受到佢既力量感同氣勢. 音場更加廣闊. 已經係條十分全面既喇叭線. 現時有既The 系列喇叭線有The Two, The One, The 0.8, 以前有The Three, The 0.5

前一兩年, 美國Tara labs總部發生了一些高層問題, 令到原來天價既Tara labs 大大減價, The One 喇叭線由正常的3萬多元減到後來的1萬8千多元, 而家新代理3T Audio更加黎個新低價: 17,800. The 0.8更加由當年的5萬多元跌到去2萬多元就可以擁有, 令到一眾Taralabs舊fans血本無歸. 因為二手市場都跟住跌價落去. 但係又因為咁樣. 我先有能力可以偷窺下呢類曾經係天價線既威力.

今次相約擁有The one 喇叭線的朋友黎我屋企同我條0.8 黎一個大比拼, 睇下佢配搭JM Labs Scala 同我套機會係有乜分別


首先比較兩條線的外型.無論點比, 0.8 比起The One真係粗2個碼以上, 重量更加多1倍.


Tara labs 全條線都有精密既構造,包括線頭舊鐵入面用上不同既磁環較聲, 線身用上獨家既8N方芯銅, 再套以真空管做防干擾同振盪.





The One



The 0.8


反覆換兩條喇叭線作比較. 發覺The One 有著更加輕型的表現, 頓時令到對座地喇叭聲音更加飄逸, 音場反比0.8 更加闊. 獨步天下既華麗高音令到人忘記左呢對係180磅的Scala座地喇叭. 高音伸延得盡時不會感覺單薄. 非常全面平衡.

換上0.8, 力量感馬上提升了很多, 亦都有著The One做唔到既音場深度, 令到層次感豐富左好多. 每個尾音都比The One做得更加精緻. 低音鼓聲好有沉實既沖擊力. 但是高音上就無The one個種收放自如, 手到拿來的感覺. 比較沉重左d.


照道理0.8應該係全面優勝過The One. 但是聽聽下總是覺得不對板. 覺得聽落比較沉聲同唔夠活潑, 跟住有位音響高人提一提我. 我對喇叭係極高靈敏度,而膽後級亦只有75W. 本來都無問題, 但係如果用太過粗既線材,而無足夠既力量去推, 反而控制唔到對喇叭. 尤其個低頻一大聲會好容易失控. 所以佢建議我一係改用大watt數既石amp, 咁用0.8就會發揮到線同喇叭既實力, 如果唔係就用比較幼身力量傳輸力唔洗太強既線.

所以我而家去到魚與熊掌的抉擇時間, 如果放棄0.8用The One取而代之. 解決了控制力問題, 但係音場深度問題又要再解決. 呢樣極其量可以係房間處理度著手. 但係聲音質素就無辦法會降低少少.

hk63039

喇叭線係好重要一環，有幾大食幾大

gundamfix2005

依你以上分析，揀0.8，跟住改用大watt數既石amp咪解決囉

howin

減左價都買唔起

hkp1196

減左價都買唔起
howin 發表於 2010-8-19 09:54

Agree...............

racewong

kachow, 換後級啦.

老麥kw系列等緊你...^^

kachow

依你以上分析，揀0.8，跟住改用大watt數既石amp咪解決囉
gundamfix2005 發表於 2010-8-19 09:49

係. 但係佢推介我買呢部:
McIntosh 1.2Kw


呢部水貨價都要14萬,行貨最平都要16萬. 我試過低一級既mc501力水只係謹謹合格. 要推得靚聲要呢部..

就算係膽機都起碼要呢部:
McIntosh mc2301

價錢一樣. 附帶每2-3年要換一次16支KT88既maintenance cost. 300W左右.大約等於石機既800w-900w

但係貴到咁..真係一條線激起千層浪...

gundamfix2005

揀得0.8，都唔爭在，你比得起有餘啦，湎席擺小一圍都係到
玩得2 channels，越玩就越貴，一闊三大，貴過玩AV好多

alexwrx

減左價都買唔起 X 3

racewong

我鍾意依部--->

kachow

減左價都買唔起
howin 發表於 2010-8-19 09:54

可以由Prime 系列玩起..當年我都係玩佢既前身Vector 1, 開始中毒. 鐘意Tara labs到套機唔夾Tara labs 都寧願換機都想保留Tara labs. 移磡就船   . Vector 1當年都係有高中音既開揚活潑感覺. 不過低頻就弱左d.

可以睇下Boy兄推介:
http://www.hiendy.com/forum/view ... &extra=page%3D1

講講下變左Tara labs打手..  我下次講下siltech.... 呢隻又係我好鐘意既接線..

howin

可以由Prime 系列玩起..當年我都係玩佢既前身Vector 1, 開始中毒. 鐘意Tara labs到套機唔夾Tara labs 都 ...
kachow 發表於 2010-8-19 12:12

    小弟套野聽下聽下反而覺得人聲唔夠暖...如果再加Taralabs我驚會雪上加霜...而家用緊Mark Levinson 26+332一套西裝推Vienna Acoustics書架...開頭聽覺得好正...音場又闊又立體...高音d空氣感正頭有包住你ga感覺...對喇叭完全隱哂型...但自從喺一個高手度聽過Jeff Rowland之後反而開始覺得唔需要太hifi..想音樂感多d同把聲曖d已經好正...之後加左條PAD落去其實已經好左d....跟住再搵左對Kef ref 203嚟頂替我對VA(但仲未試過效果因新屋仲裝修緊)...就係希望可以加多d音樂感...所以我驚如果加條Taralabs落去會有反效果...不過其實我未認真聽過Taralabs個d聲究竟係點...多數都係睇人地review...kachow兄你有咩睇法?

kachow

小弟套野聽下聽下反而覺得人聲唔夠暖...如果再加Taralabs我驚會雪上加霜...而家用緊Mark Levinson 2 ...
howin 發表於 2010-8-19 12:41

如果部機係比較冷聲就千其唔好用Tara labs. 我個陣用金仔C-2110 + A45, 再用JMLabs 書架, 音場壯闊聲音華麗, 一加Tara labs 聲音又標又叫, 音場撐大到好恆. 變得又薄又冷.低頻嚴重不足, 聽完兩首歌, 座上客已經想走.  到而家換晒d器材之後, 最近我套機又run-in左一排, 黎既人都唔願走.

PAD我只係試過平價Musaeus個款XLR, 聲音真係厚聲. 但係個條能力有限, 所以平衡性不足. 不過我估Venustas個d應該非常好. 如果想musical同厚聲濕潤d 用PAD係好好選擇, argento都係一個選擇, 佢無PAD咁厚聲但係聲音順滑, 音樂連貫度高.

howin

如果部機係比較冷聲就千其唔好用Tara la bs. 我個陣用金仔C-2110 + A45, 再用JMLabs 書架, 音場壯闊聲音華 ...
kachow 發表於 2010-8-19 12:52

    小弟能力有限都只係玩緊Musaeus xlr ....暫時都仲滿足到...所以而家乜都唔做住等我屋企搞掂哂之後聽真d Mark仔夾KEF掂唔掂...再睇下爭d乜先對症下藥...或者到時換機都未定

cyberken

小弟能力有限都只係玩緊Musaeus xlr ....暫時都仲滿足到...所以而家乜都唔做住等我屋企搞 ...
howin 發表於 2010-8-19 13:16

mark 仔 幾時post 套野上黎比大家見識下呀?

howin

mark 仔 幾時post 套野上黎比大家見識下呀?
cyberken 發表於 2010-8-19 13:21

    全部都唔係咩好野...不值一提 ....等我屋企搞掂哂先可以俾大家睇下...到時請咁多位大哥俾俾面...手下留情...唔好踩得咁盡

supercow

我都好同意, THE ONE + SCALA 真係更加輕型的表現, 頓時令到對座地喇叭聲音更加飄逸, 音場反比0.8 更加闊. 獨步天下既華麗高音令到人忘記左呢對係180磅的Scala座地喇叭. 高音伸延得盡時不會感覺單薄. 非常全面平衡.

lovefancy

各位c-hing好,小弟初來報到,最近也有一直留意tara lab線材, 很想試下the one bi-wire, 唔知夾唔夾b&w喇叭呢?希望可以得到指點,萬分感激

kachow

各位c-hing好,小弟初來報到,最近也有一直留意tara lab線材, 很想試下the one bi-wire, 唔知夾唔夾b&w喇叭呢 ...
snooker147 發表於 2010-8-20 00:03

師兄用緊咩野器材, 對B&W係書架定座地?

我自己覺得Tara labs The系列既特性係中高華麗飄逸, 音場加闊. 聲音活潑開揚.  而分析力, 動態, 高中低頻已有一定水準同埋平衡. 唔會整差你套機出黎既聲. 缺點係近呢一年出既線線身硬難屈, 聲音方面不適合已經好尖同薄聲既機/喇叭..

kachow

各位c-hing好,小弟初來報到,最近也有一直留意tara lab線材, 很想試下the one bi-wire, 唔知夾唔夾b&w喇叭呢 ...
snooker147 發表於 2010-8-20 00:03

岩岩睇到師兄既簽名. 全套luxman + 805d, 師兄係唔係鐘意d厚暖聲底多呢?   Taralabs如果係你套機可以增加輕快感覺. 同埋The one唔會減弱低頻. 會有幫助. 但係師兄想把聲係咩野類型多?