官恩娜 "Take A Shine To…"

Jovanne

不經不覺, 官恩娜已經出道了11年, 而專輯也出了6隻, 可是我也是從她在超級巨聲中一首"Endless Love"開始留意她, 到了今天的"Take A Shine To…". 這隻專輯只售60多元, 原來只得5首歌. 不過中間的3首歌我也覺得不錯, 所以這$60元是值得的. 但是在超級巨聲一鳴驚人過後, 她出了"Being" 及現在的"Take A Shine To…". 但唱片公司沒有吸取雷頌德的建議, 選曲方面也不能完全發揮官恩娜的真正實力. 這是十分可惜.



首先介紹"依依", 這首曲是由官恩娜親自作曲. 雖然我自己不太喜歡該曲的旋律, 配樂也有點嘈, 不過是她親自創作的, 十分難得. "夜潛者"的歌詞十分容易上口, 旋律亦適合官恩娜的風格. "母忘你"與 "夜潛者"十分類似的旋律, 唱腔上終於可以釋放官恩娜的少少實力, "一劇感應"是一首相機廣告歌, 輕快的旋律, 耳熟能詳的歌詞, 不過不知如何有點容祖兒的感覺. 無論聲線, 風格也十分相似.  而"由他去"的聲線開始時則比較低沉, 要聽到中段先開始有更大的變動. 整隻碟是不過不失. 有熟悉的, 有陌生的.






由他去




依依




夜潛者




一刻感應

bigpun1975

佢出英文碟我一定買

camelblue

你d分享真係好正！

datacoma

娜姐有歌藝，唯獨欠飲歌；重有運氣。
但只要唔放棄；一定會有遇風化龍呢一日...
因為上天寫既劇情一定係咁。

bigpun1975

娜姐有歌藝，唯獨欠飲歌；重有運氣。
但只要唔放棄；一定會有遇風化龍呢一日...
因為上天寫既劇情一定係咁 ...
datacoma 發表於 2011-8-26 15:51

    同意，暫時佢都未有一首能令佢彈起嘅歌，你睇下當年盧巧音—首  好心分手   幾咁勁!

datacoma

同意，暫時佢都未有一首能令佢彈起嘅歌，你睇下當年盧巧音—首  好心分手   幾咁勁! ...
bigpun1975 發表於 2011-8-26 16:54

盧巧音既好心分手係塞翁得馬，得失互見....
我由BLACK & BLUE聽佢唱到好心分手就停左.....原因係~
我覺得比隻好心分手佢唱；感覺就等於將一隻本來飄逸係半空既精靈一野拉落凡塵咁，因受寵若驚而跌入迷失....最後埋葬於卡啦OK中。

盧巧音同官恩娜唔同，官恩娜對於自己既風格同定位咁多年仍在摸索階段，佢只爭一個伯樂。
盧巧音則一早找到了自己的道，CANDY比較似家駒；BEYOND有自己的道...直至唱喜歡你...。
而家駒跟盧巧音又有些分別，家駒係知道點解要有改變，而終點係會返去邊度....只係個天冇比佢多D時間去証明。
盧巧音變則比較被動；而且得到既黎得太快，佢信念冇家駒咁強，壓力肯定就會令佢迷失；唔識亦返唔到轉頭...
跟住重玩埋拍拖逃避，咁個運又點會唔離佢而去。成也好心，敗也好心，真令蕃薯如我何等神傷黯然....衷心希望佢能捲土重來啦。