尋找我的CD機 - Playback Designs MPS-5

kachow

自從進入左兩聲道世界後. 對聲音既認識都多左. 對要求又唔同左. 曾經係有聲出就得. 跟住要有分析力, 令套機能夠播出原來既聲音, 但係發覺唔容易做, 就走去追求味, 聽人聲要甜, 要醇. 厚又濕. 但係聽聽下發覺自己越黎越走火入魔. 不斷周圍試聽, 又聽其他師兄心得. 呢段時間真係學到好多野. 有d師兄唔識教人, 但係自己個一套概念已經經過千年累月既浸淫. 如果能夠從中偷到師. 真係獲益良多. 不過令我最學到野. 係有d師兄前輩. 佢玩左好多年機. 已有自己一套理論. 但係從不聽其他人既意見. 佢地認定左既理論就算咩野人講d乜佢都唔會改變. 結果功力就停留係度. 套機係自己, 咩野聲係個人既. 但係想更進一步. 就要聽下其他人既意見同玩法. 呢類師兄多數屋企套機都難以吸引到我.

要講求音效既機, 其實去到高階市場內面唔係太多, 而且要平衡就更加難上加難. 係搵機過程聽到一部CD機 - Playback Designs MPS-5



結構方面, 用上Esoteric VRDS 盤. 解碼亦都係當年係Emm labs 擔任副總裁兼設計師的Andreas Koch 發明. Andreas 在Emm labs後期極力推薦用Esoteric VRDS盤.但係Emm labs 就反對. 仍然繼續用返Philips SACD盤. 結果Andreas 離開Emm labs創立Playback繼續佢既設計理念. 但係當Andreas 離開後.. Emm labs都不得不接受Esoteric盤係現今世上最出色既CD/SACD唱片.結果開發了Emm labs XDS1.




整部Playback design 外型比較簡單, 亦都不笨重.


後面接駁方面亦提供USB 以供電腦輸入作CAS, 免除外加解碼器. 不過據講暫時只有24/96 , 日後有更新.


遙控都係簡單易明.

實地試聽

一開聲, 聲音同Emm labs 既TSD1/DAC2 十分相似, 都係高分析力, 高密度, 高平衡度, 動態大既機. 而家我感覺到佢既定位稍稍好過emm labs. 可能係房間處理做過功夫. 人聲十分準繩. 無任何過火位. 樂器大小都係恰到好處. 好多地方都好忠實地還原. 完全無加味,亦都唔會有平凡同悶既感覺. 只係感受到一部極高水平既機係度播緊歌. 而且做到emm labs個種唔埋身但係唔會令你覺得斯文過頭既感覺.

聽完後, 諗住比錢, 因為個陣剛剛出無耐. 代理比左個十分筍既價錢我. 但係當我下一句"咁比一部我. 下星期送黎". 我太座終於出聲. 點解部機咁似舊陣時部任天堂. 咁樣擺係廳. 緊係唔好喇. 女人既野..好多時候先入為主. 個樣唔得佢歡心.. 佢就會彈好多野. 又話部機d聲無感情.. 又話聽聽下唔得自然. 結果最後黯然離去......  個老細又當時極興奮既表情變得極失落..


大家評下..係唔係真係咁似.






部機真係好機.亦都唔洗去到emm labs既價錢. 已經有7-8成相似. 可惜到最後都無辦法擁有...個陣有d遺憾.

supercow

我就覺得佢好靚仔{:5_99:}....任天堂好係名機來的....邊個70後無玩過呀.

kachow

其實我都覺得佢好有型..唔知係唔係我女友當年屋企唔肯買任天堂比佢..所以對任天堂極之憎恨.

loklam

我都覺得唔錯喎，我細個呀爸呀媽都唔買任天堂俾我，唯有宜家自己買啦~

supercow

PLAYBACK 同 EMM 個DESIGN真係好似..都係極品級名機.

cyberken

我接受唔到佢外型...

lovefancy

唔知playback和esoteric x-01d2比素質上如何呢

kachow

我都覺得唔錯喎，我細個呀爸呀媽都唔買任天堂俾我，唯有宜家自己買啦~
loklam 發表於 2010-9-7 15:52

見 lok兄幅相..睇黎有所行動喎..

loklam

見 lok兄幅相..睇黎有所行動喎..
kachow 發表於 2010-9-7 16:15

如無意外。。。下星期我部機就會到，希望冇意外啦～{:5_99:}

火機

我接受唔到佢外型...
cyberken 發表於 2010-9-7 16:05

me too....:L

supercow

我在中環見過, 我又覺得幾靚仔啊.

loklam

me too....
火機 發表於 2010-9-7 16:31

好彩樣不嬲都唔係我玩HIFI其中一個我選擇既條件～

kachow

如無意外。。。下星期我部機就會到，希望冇意外啦～
loklam 發表於 2010-9-7 16:24

Wa. wa wa!! 又一部10幾萬既CDP...一到步聽完真係快d有詳細報告..

loklam

Wa. wa wa!! 又一部10幾萬既CDP...一到步聽完真係快d有詳細報告..
kachow 發表於 2010-9-7 16:43

KACHOW兄你部機到未呀？我排緊隊去你度見識吓架～

hk63039

lok hing Playback 回家後Crystal Dreamline XLR一定要試

kachow

KACHOW兄你部機到未呀？我排緊隊去你度見識吓架～
loklam 發表於 2010-9-7 16:46

我都等緊

kachow

唔知playback和esoteric x-01d2比素質上如何呢
snooker147 發表於 2010-9-7 16:14

比我揀,我會買Playback.. esoteric分析力可以話仲高過Playback同emm labs. 係單一方面幾乎都勝過晒playback. 但係一夾埋一齊聽, 就覺得esoteric比起Playback 欠缺左少少音樂感. 不過我諗呢d可以用線材就.

loklam

lok hing Playback 回家後Crystal Dreamline XLR一定要試
hk63039 發表於 2010-9-7 17:31

你借我試？

kingyan

hk63039

Crystal Dreamline XLR
kingyan 發表於 2010-9-7 20:02

    咁快返