真係估唔到Esoteric G-0s Rubidium咁易壞

peter2000325

係一個月前既某一個晚上，有一粒叫rb既燈開始閃閃下，當時我都知應該出事，不過無諗過原來咁大鑊。第二朝即時打去大昌維修部，點知佢既回覆係佢地都唔識整呢部機(因為G-0S太高科技)，有無攪錯呀代理都話唔識整！！！我問佢點算好？師傅就叫我拎返去check check先再覆我，檢查費$450 + 運輸$160，當時既情怳梗係返廠檢查下先啦(而且價錢都算合理)。點知收左返之後過左一個星期都無消息，我就打去追問佢地，有位好好人既陳師傅話我知佢地真係唔識整呢部機(因為G-0S太高科技)，而家問緊日本果邊點整，不過果邊重未覆佢，之後我又再等多一個星期但仍然無人覆我，我又再打去比陳師傅問下，點知一問之下先知大鑊，師傅話要先飛去日本比果邊check左先可以報到價，淨係運費$4,000蚊(日本果邊維修費及零件費另計)，嘩!!!咁即係未檢查已經比左成5,000蚊，重要唔知埋單要多錢！咁我再問師傅可唔可以叫日本果邊報實個價？你都無價錢你叫我點考慮整唔整呢？不過師傅最後都係堅持要運返日本先報到價，但係佢再補充話之前試過整過一部，都係飛去日本整(大約整左萬幾蚊)，不過今次可能會貴d，因為上次日本方面只係要求寄個核心過去整，而今次就要成部運過去check，師傅話其實已經收平左我，因為今次咁岩可以夾埋幾部機一齊寄，如果凈係寄一部會貴好多。考慮左幾日之後我最後定唔整了，叫佢送返部機比我，因為我覺得實左太唔合理了。

(1)有咩理由一部當年八萬幾蚊既原子鐘咁易壞?
(2)我真係估唔到大昌既售後服務咁差，連自己代理既產品都唔識維修
(3)如果你唔識整部機，你點樣提供保養服務比客人？(唔通次次壞機都要寄去日本整?)
(4)有咩理由部機放低左係維修部成二個星期都唔知壞咩?又唔知幾錢先整得好?
(5)除左clock之外，大昌重有邊款自己代理既產品係唔識維修?

Evomusic

Ching部機過左保養期?所以要自付運費同維修費?

peter2000325

Evomusic 發表於 2011-11-21 20:16
Ching部機過左保養期?所以要自付運費同維修費?

過左了

Evomusic

代理所售的產品,吾一定要識整先賣得,問題係過左保養期,所有費用客人自付.
Ching 不如問下有冇其他渠道可代辦是次維修,因為過左保養期的維修費用一樣照mark up,賺多你一筆

peter2000325

Evomusic 發表於 2011-11-21 20:33
代理所售的產品,吾一定要識整先賣得,問題係過左保養期,所有費用客人自付.
Ching 不如問下有冇其他渠道可代 ...

其實我都預左要自付
不過最得人驚係報唔到價

Evomusic

不過透過今次經驗,可以體驗到無論間代理幾大規模,產品有幾hi end,賣幾多大廣告都好,都係有前冇後,只有top sales,冇top technician.

rogers910

esoteric產品代理很多唔識整，要送回日本廠整才行

rogers910

esoteric G-0S自已用郵包寄去日本整運費會平些吧

rogers910

以我寄開20kg ems來說運費唔洗二千，來回四千 一定得

澳門客

原子鐘是有壽命，當使用一定時間後，鉫包振盪就會不準，因而而更換（根本無得修）

Billy

澳門客 發表於 2011-11-21 22:13
原子鐘是有壽命，當使用一定時間後，鉫包振盪就會不準，因而而更換（根本無得修） ...

咁快就要同部Esoteric G-0s Rubidium＂送終＂

peter2000325

澳門客 發表於 2011-11-21 22:13
原子鐘是有壽命，當使用一定時間後，鉫包振盪就會不準，因而而更換（根本無得修） ...

其實我都知到原子鐘係有壽命，大約十年左右就要換，
但係而家4年壞就有d過份

smartone1228

試試EMAIL 去日本 ESO 問問是否真有其事，香港代理不能維修？必須寄回日本維修？GOOD LUCK！

OldHenry

即係買水貨同行貨既分別只係頭一年, 好灰!

peter2000325

smartone1228 發表於 2011-11-21 23:09
試試EMAIL 去日本 ESO 問問是否真有其事，香港代理不能維修？必須寄回日本維修？GOOD LUCK！ ...

而家問緊大昌如果唔寄去曰本整，直接訂個核心返黎換得唔得
不過問左成個星期都無回覆

smartone1228

吾洗灰心，好彩係行貨，大昌都會同你跟，至多貴D，如果係水貨，你家下都幾頭痛。

joejoe1233

其實我覺得而家代理同水貨佬有咩分別，除左買個時地方大D，SALES笑容多D，售價貴D，其他都冇咩分別，好似呢單野咁，2星期仲未報到價，同埋當買行貨時，邊個會諗到好似水貨咁要番原產國，我理解行貨，你代理得呢個牌子，就算你係香港唔識整都要俾部番新用得機用家，如果唔係憑咩收人行貨價，唔通APPLE產品話呢度冇得整就叫你俾錢寄番去美國整，你認為得唔得，根本搵借口

kei8864

行貨代理的角色只是方便用人們不用等待, 可以即比錢即攞貨 ? 幫忙在當地打廣告 ?

其實買得行貨既人, 大多數都係想用行貨跟水貨既差價去買產品既售後服務,
有時候行貨跟水貨的真正價錢差價可以有一倍或以上, 假如其中一個客戶的產品出了問題需要寄去原廠, 運費也可以從其他客戶的利潤去分攤一下(保養期內代理只是付運費, 真正的維修費不用代理去付)

如果售後服務都做不好, 出了問題爰理不理, 你急佢唔急, 這樣的代理有需要存在嗎 ?  
打一個電話或SEND一個E-MAIL 需要用一個星期以上去做嗎 ?
還有, 為什麼連運費和檢查費也得用家自付 ?
是為了防止濫用 ?
如果為了防止濫用又好像說不過去......

把喇叭或厚重的擴音機搬去代理處是一件簡單輕鬆的事 ?

tung05

似乎近來某代理人氣好高咁

frankiechun

其實好多做代理的真係好一般...