先鋒入完廠啦 + 用家意見 (95&55)

xyzero

手術一日完成！醫生話塊板好細好難改！但最終完成！

原裝部份


已改部份


新舊對比


成功裝好



其實我都唔係太見意大家摩改！原因係搵錯師父改分分鐘越改越差！又浪費d錢！我只係冇聊又覺得部機都ok所以至改(之前部95都摩過效果都唔錯)，而家去咗台灣未得閒比較所以都係...
當然我本人並唔期待摩改完會好聲過A1UD、91...聽歌會靚聲過95, 呢d嘢係冇可能發生，我只求畫面靚少少，聲音又好少少就ok!

之前出咗d唔係好專業又初部嘅報告，到而家都對咗部機成個星期都有少少講吓：
1.畫質 - 95同55好難去AB比較邊部好，原因係兩部機個別有嘅setting都唔同，如果用同一部TV或者PJ同一個setting係冇可能公平去比較，如果你TV用開95個setting再去set好部55敢部55都九成輸，皆因55部機setting係唔夠95多，所以TV一定要為55獨立加個setting, 另外要注意兩部機究竟係用RGB、Full RGB、442、444去set, 舉例我試55用Full RGB d黑位好實但d光位就...

2.聲音 - 我唔夠膽講邊部好聲d, 不過有大部份師兄都初部會話55中音唔夠，冇肉地，聲音較薄，呢d我都有同感，但又唔代表係唔好聲喎，希望大家明白自己器材嘅特性，AV都一樣要夾聲！我自己嘅器材唔可以話係好好聲但算係中性！所以我都好認同大家嘅講法！但唔代表我認為佢唔好聲過部95，同埋千其唔好忘記試分析力同環繞包圍嘅效果，一試你就明！聲音各有喜好！呢d我只係覺得係取向問題！如果大家都係中性嘅聲音可以用電源線、釘墊去調聲，配合得宜就可以享受其樂趣！本身器材薄聲就煩d!

3.價錢 - 一部不到3k嘅機係冇可能贏或者效果接近一部9k嘅機嘅想法係錯（我之前講過部95係9k冇錯，但佢賣9k又貴咗喺邊度？環牛？兩聲道粒貴chip?7聲道模擬解碼輸出？E-SATA Out?Wifi 手指？兩份牛兩份供電？除咗最尾嗰樣可能有少少機會外，其他我又唔覺得關睇戲事），所以一定要冷靜分析，唔好俾價錢誤導咗自己！

最後要講嘅係用開93、95嘅用家又唔係大有必要聽完d試音報告話到部55有幾好就走換！我又唔覺得兩者邊部特別好，各有各優勝之處及取向！如果識我嘅人就知本人係絕對唔會賣花讚花香！呢排都玩咗好多好嘢但個人觀感唔滿意嘅嘢我係唔會喺度評論！因為唔係好多人接受倒新買嘅嘢俾人話唔好，所以自己覺得唔好嘅新玩具係唔會在討論區評論！嚟緊又換投影機！部X7要反鄉下！希望部新投投唔好令我失望！星期四就要結果！

以上評論只屬個人見解！如有得罪敬請見諒！

w00tw00t

好高興能夠看到這麽中肯和深入的分析 X 2
如無意外都係買55

xyzero

toysonline 發表於 2011-11-28 22:17
好高興能夠看到這麽中肯和深入的分析!·

Thanks!

Gary33

嘩............ !淨係十隻Blackgate電容已經差不多係25% 55的機價 ，師兄真係捨得用料 ........重未計交連電容...都要一舊水 ！

效果如何？

xyzero

w00tw00t 發表於 2011-11-28 22:22
好高興能夠看到這麽中肯和深入的分析 X 2
如無意外都係買55

Thanks!但師兄係咪用緊LX82呢？我諗唔好心急買55，你睇吓有冇人用先鋒amp+bdp報告!我驚唔夾！雖然大家同牌子！始終部55有輕微薄聲(run in之後唔知會唔會好d)，可能用佢個PQLS又會好d,

xyzero

Gary33 發表於 2011-11-28 22:32
嘩............ !淨係十隻Blackgate電容已經差不多係25% 55的機價 ，師兄真係捨得用料{: ...

西利呀！Gary兄一睇就知我用Blackgate， 其實改+人工+古河頭+JS接線都要成部機機價50%,不過是旦啦買粒釘都唔止，何況電源實在太緊要！而家仲喺台灣未有機會正式試！

lut

xyzero 發表於 2011-11-28 22:44
西利呀！Gary兄一睇就知我用Blackgate， 其實改+人工+古河頭+JS接線都要成部機機價50%,不過是旦啦買粒釘 ...

粒交連係musicap?? 定係Vcap呢 北雞全餐真係超級重手 , 係咪位醫生真係覺得55中頻薄, 所以落重藥想整厚啲聲......但橫鼠都係, 點解唔換埋粒fuse呢

史的墳

其實想問下可唔可以將成塊鴨記換過第二塊？

w00tw00t

xyzero 發表於 2011-11-28 22:38
Thanks!但師兄係咪用緊LX82呢？我諗唔好心急買55，你睇吓有冇人用先鋒amp+bdp報告!我驚唔夾！雖然大家同 ...

係用緊LX82,就係貪佢個PQLS分析力更上一層樓

w00tw00t

xyzero 發表於 2011-11-28 22:38
Thanks!但師兄係咪用緊LX82呢？我諗唔好心急買55，你睇吓有冇人用先鋒amp+bdp報告!我驚唔夾！雖然大家同 ...

雖然賣左部83,但都唔太心急

xyzero

lut 發表於 2011-11-28 23:04
粒交連係musicap?? 定係Vcap呢  北雞全餐真係超級重手  , 係咪位醫生真係覺得55中頻薄 ...

係Vcap!我同醫生講我唔要暖聲唔要重味（腎唔好）！我只要質感強及盡可能平衡！Fuse 喺AV來講係絕對唔可以亂玩！玩Fuse我都玩咗幾K嘢！最後都係全部插走！兩聲玩就冇問題！用喺AV始終有得有失，所以...

史的墳

xyzero 兄，果然同我有相同樣見解，好野！！

但你都好似未講摩左同未摩的分別

xyzero

w00tw00t 發表於 2011-11-28 23:23
雖然賣左部83,但都唔太心急

原來如此！

xyzero

史的墳 發表於 2011-11-28 23:26
xyzero 兄，果然同我有相同樣見解，好野！！

但你都好似未講摩左同未摩的分別 ...

史兄你好！我仲喺台灣！返嚟才可再試試！

lut

xyzero 發表於 2011-11-28 23:24
係Vcap!我同醫生講我唔要暖聲唔要重味（腎唔好）！我只要質感強及盡可能平衡！Fuse 喺AV來講係絕對唔可以 ...

Vcap.....咁相信唔止一舊啦 , 不過blackgate比較厚同慢, 特別落喺第一級高頻濾波度, 都係等師兄番咗香港, 再試清楚出包膠

lut

其實55塊PCB同4110嗰塊係一樣


不過線路走位用料就執靚咗啲, 起碼主供電組粒整流都好咗

pepsiman

xyzero 發表於 2011-11-28 23:28
史兄你好！我仲喺台灣！返嚟才可再試試！

可唔可以攞出嚟同其他機拼拼佢呀...
vs. 原裝版 & oppo95...

xyzero

lut 發表於 2011-11-28 23:43
Vcap.....咁相信唔止一舊啦  , 不過blackgate比較厚同慢, 特別落喺第一級高頻濾波度, 都係等師 ...

之前部95改都唔覺有問題，返去再試試！

xyzero

pepsiman 發表於 2011-11-29 01:14
可唔可以攞出嚟同其他機拼拼佢呀...
vs. 原裝版 & oppo95...

Ok!但等我run in 吓先！