我的慘痛經歷 (Cambridge Audio azur 751BD)

pepsiman

本來；我唔想將呢件事係HIENDY公諸於世，因為；實在唔係一件好風光嘅事，不過為咗唔希望再有會員又或者遊客遇到我同樣嘅不幸，所以我…我…我…，只好挺身而出向大家交代一切， 我承認今次係我好天真同好傻，所以唔會期望有會員同情我…

(以下落嚟嘅對話係經過聲音處理)

2011年12月12日中午12時15分 第一段電話對話

唔係人：喂！百事佬呀？
百事佬：咩料呀唔係人？
唔係人：（笑聲）係呀！你有無聽過部751呀？
百事佬：無喎，好掂咩？咪又係OPPO料！
唔係人：梗係唔同啦！如果都係咁嘅料我就唔打電話嚟毒你啦！
百事佬：咁有咩好過馬仔先？
唔係人：整體嚟講，聲音細緻咗、環繞聲連貫咗、最重要係低音層次多咗，好多之前聽唔到嘅聲都出番嚟，想唔想試吓呢？
百事佬：（心諗：又無咁堅呀？）堅有咩用吖？你部馬仔都賣唔到好價，一來一回要補好多架！呢期好窮呢！
唔係人：唔好話我唔老友喇，之前我出POST賣馬仔無人覆，依家賣咗先至有個買家聯絡我，幾好價架，補多少少就得買到喇，仲可以睇埋BD ISO，我係SSP搵到檔賣751幾平，賣埋部N3佢仲可能有幾舊袋添！
百事佬：咁又係，不過係唔係真係咁掂先，如果賣咗部馬仔先發覺部751唔掂咁點算呀？
唔係人：頂！星期二睇EPSON投影機SHOW時攞俾你試喇！唔啱咪唔賣部馬仔囉，咁你放心啦。
百事佬：（心諗：有無咁好死呀！）咁都好，起碼唔會入錯貨。（此時聽到一陣笑聲從電話中傳過來）

～　待續　～

pepsiman

2011年12月13日傍晚6時尖沙咀 第一段見面對話

唔係人：講真句，唔係好野唔介紹俾老友，秒殺馬仔，不過係人聲同音樂感無馬仔咁靚啫，其他無得比，仲要有雙HDMI出，玩埋3D，無理由唔換！
百事佬：得啦，驚我唔死，你有佣分咩！
唔係人：唔係呀，返去睇吓你就知架喇，記得廳日俾番我喎。
百事佬：如果唔掂俾我都唔要啦！
唔係人：試完記得出POST呀！
百事佬：正X街嚟，又想我同你一齊毒啲馬主。
唔係人：梗係啦，嘻嘻！

我就好天真咁載住部751飛車返屋企喇...

～　待續　～

pepsiman

2011年12月14日上午10時37分大窩口殺戮戰場

一瞓醒牙都唔刷就開盒同部751死過...


唔知仲以為係電話芒添...



個＂唔係人＂連MENU同埋配件都攞埋俾我，唔怪得咁Q重啦...



一於攞幾隻天碟試盡佢先...



先講畫面；無得傾，真係贏半條街，好立體好細緻，但又無綑邊嘅感覺。
跟住到聲；呢方面真係唔可以話全勝馬仔，至少人聲無馬仔咁有肉地、感情，演唱會音樂感差少少。不過其他優點正如＂唔係人＂所講，真係好細緻，飛標聲好行好利，子彈聲軌跡明顯咗好多，飛機由前到後，左到右都連貫咗，但係仲有樣差過馬仔，就係空間感，相比起較埋身。

影幾幅相俾大家了解多啲

pepsiman

2011年12月14日下午3時07分 第二段電話對話

百事佬：喂！真係幾堅喎，同你講嘅好接近，畫面靚過部馬仔好多，新一代即係新一代，聲就正如你所講細緻咗，搞到部Y記有啲P記feel添呀！只係人聲無咁好肉地，不過你部機仲未煲透，遲啲應該會仲正呢。
唔係人：係呀，無介紹錯呢，咁幾時買呀？
百事佬：吓！都係等個買家買咗先講啦，如果放飛機咁點算呀？唔通好似你咁擲住兩部機要濺價出售呀！我無你咁多貨喎。
唔係人：我聯絡過果個買家喇，好有誠意架，唔似係二手佬喎，放心啦！
百事佬：咪搞，都係穩陣啲好。

～　待續　～

pepsiman

2011年12月15日中午4時40分深水埗 第三段電話對話

唔係人：係邊呀？
百事佬：深水埗行緊街，咩事？
唔係人：咦？去買機呀？
百事佬：梗係唔係啦，都話賣咗部馬仔先買咯。
唔係人：唔怕喎！買埋先啦！廳日都交收啦，買咗返去廳日咪唔洗再仆出嚟買囉。啱啱收到OPPO新firmware可以對應埋外掛字幕，相信751下個firmware都可以，更加值門票價。買家同係邊度平都幫你搵埋咯，仲諗咩喎，快啲去買啦！
百事佬：嘩！一條龍服務咁荀？諗諗吓到底果個所謂買家係唔係你虛構出嚟架？你唔係用埋啲咁嘅乸渣招數嘛？
唔係人：頂！咁都俾你諗到。放咗工喇，唔好成日用啲偵探頭腦去諗嘢啦！
百事佬：我見你咁比力sell，真係好易令人懷疑。
唔係人：。。。。。。。。
百事佬：好喇，我依家去買喇，你心息啦！

～　兩個小時後電話嚮起　～

唔係人：點呀，買咗未呀？
百事佬：唉！去到已經閂咗門買唔到。（其實751已經到手）
唔係人：妖！（好失望嘅聲音）
百事佬：X街，買咗喇，開心啦！
唔係人：咁快啲返去出報告啦，一定要毒埋果班馬主呀！
百事佬：自己買咗又唔出嘢要我出，你話你幾賤吖！
唔係人：我出親都俾人扣分，所以唔出。

～　完　～

馬仔嘅遺物


新歡照







登基



聽高手講要煲足二百幾個鐘先入狀態，即時整隻XLO Test & Burn-in CD佢嘆吓先...



A/B 重覆第 9 TRACK ＂System Burn-in＂盡快炆淋佢...




成個慘痛經歷就係咁喇，你地都要小心啲呢個＂唔係人＂呀！我都好擔心重覆佢嘅所為，點解 ?? 點解我都講埋啲咁嘅說話架 ?? 唔通我已經受感染 ...

pangling

Interesting, like reading novels some 30+ years ago.

andy88

條5係人早兩星期前己打黎毒我

pam_jack

出心又出力…果然唔係人…

chinovince

係唔係俾人裝咗彈弓呀?!

STANLEY2468

鹵友haha

MC485

pepsiman 發表於 2011-12-16 20:46
2011年12月13日傍晚6時尖沙咀 第一段見面對話

唔係人：講真句，唔係好野唔介紹俾老友，秒殺馬仔，不過係人 ...

"人聲同音樂感無馬仔咁靚"

bigpun1975

要講配合

claero

唉，又多一個受害人,我睇呢個騙徒會繼續犯䅁，大家要小心

Gary33

佢唔係人。。。。。係動物

pinkhung

Gary33 發表於 2011-12-16 22:35
佢唔係人。。。。。係動物

你都唔係好人，呢鑊嘢你有份

史的墳

MC485 發表於 2011-12-16 21:40
"人聲同音樂感無馬仔咁靚"

錯，煲過兩百個鐘後佢既表現....... 09FD 都行埋一邊呀！ 我想只有 A1UD + Denon Link 先可以打敗佢

cyberken

751要幾錢？

史的墳

cyberken 發表於 2011-12-16 22:58
751要幾錢？

依家街價 7,xxx

bigpun1975

史的墳 發表於 2011-12-16 22:58
錯，煲過兩百個鐘後佢既表現....... 09FD 都行埋一邊呀！ 我想只有 A1UD + Denon Link 先可以打 ...

史兄有冇用佢來聽過CD? 聽講是840C 份料來的

史的墳

bigpun1975 發表於 2011-12-16 23:02
史兄有冇用佢來聽過CD? 聽講是840C 份料來的

只用佢黎聽過一次李雲迪 Multi-channel SACD，都得意！