Denon BDP-2012 開箱 (加左少少 Report)

MarkKwok · 發表於 2012-2-24 00:27:16

本帖最後由 MarkKwok 於 2012-2-24 01:15 編輯

終於買左佢...

寫少少用後感 :

造工
之前用開Pioneer LX55 upgrade 去 Denon 2012，一開箱攞上手的第一個感覺係build quality 好過 LX55，整體機身甚至遙控都扎實d同重手d ，之後開機試用轉盤開/關好順、好靜，無論機身、遙控的按掣手感都好firm (LX55 個遙控真係單薄d)。

聲效
開機試播碟，第一個感覺最明顯係d聲真係埋身左(或者叫震撼左)，試左 Ironman 同黑夜之神，無論高音既子彈聲、碎玻璃聲以及低音既爆炸聲、Ironman 脚步聲都明顯左同豐厚左，整體聲效係偏向誇張型，好有Denon聲底，宜家終於知道咩嘢係 Denon聲底(之前未用過 Denon既機 )。

另外有一樣比LX55 好既係中置人聲，人聲比之前出左，例如試 Real Steel 內幾幕機械人打鬥戲時的嘈雜聲中，主角的對白都能比較清楚聽到。

個人覺得聲的 upgrade係最明顯既！

畫質
第一個感覺係顏色好搶眼、好豐富、濃厚(不過未致於過火)，鐘唔鐘意就見仁見志，可能有人會覺得佢唔夠自然，不過真係好搶眼。

畫質方面，密度好高且有中階機既風範，畫面好清晰、銳利，但係同時又會保持一點電影感，好似係戲院睇戲果種效果；這點同LX55(或者可以話其他用QDEO精片既機)既畫面係有分別，佢地既畫面係比較重高清感既，即畫面內任何野無論前面既主體同後面既背景都會被QDEO精片處理到好似睇高清電視咁，但其實可能已經失去了應有的景深而變得不自然，亦少了一份電影感。

至於兩種唔同既畫面風格邊個好d? 哩個又係見仁見志，睇你個人喜好啦！

p.s. 另外有一點好得意，就係2012既畫面設定係偏暗既，在我部Samsung TV (出名光既)上要效高3-4格暗位才o.k.；而LX55則剛好相反係偏光既，要效低4-5格才不爆光。