夢想出發 2 玩具到手+初部報告

xyzero

苦等咗一個多月終於前日落機啦！見圖都知佢唔並靚仔又冇鋼琴色！
先講吓佢嘅歷史先，佢出世自瑞典，出世因由係歐洲DTS總部要求工程師建造一個完全乎合DTS24/96錄音室（試音室），但最終未能成功，原因係試過市面上大部分喇叭都唔能夠完全乎合DTS24/96嘅要求（我都唔知佢用d乜嘢喇叭），跟住我緊係問代理乜嘢叫做乎合DTS24/96，佢哋回答係要乎合24／96最終必須要喺800呎（甚過千呎或以上）以上大音壓大動態下都保持極底失真，以及24／96要求比THX標準更嚴格！所以DTS工程帥最後花咗數年時間去開發可以達此標準嘅喇叭，敢最終緊係成功啦！初代嘅喇叭並冇出售喺市面，最主要用途係用於DTS嘅試音室及影院上（初代d樣仲哀），之後得到外界讚賞及認同後才開始計畫銷售，第一代為而家大佬P8, 佢具備8吋單元，而P6為第二款產品單元為6.5吋，而設計上高音單元唔採用傳統絲膜，而係自行研發類似號角嘅高音設計，高音覆蓋範圍有著左右90度上下為60度，聲箱就類似M&K全密封設計，此喇叭並非全頻設計，分音最低為70hz就會停止工作！而此牌子冇分前置、中置、後置，只分縱向或橫向，所以五聲道可達完全一致！另外此喇叭擴充甚高，可另購一隻被動式10吋低音變成全頻喇叭，亦可選購自家出品嘅後級+DSP變成主動式喇叭！

初步試音報告：（只用上前三隻P6,後置仍原用MK SS150, P6係完全冇run in過），喇叭係求其擺，相同音壓去試！

1.功夫熊貓：冇乜特別，人聲尚中性但欠一點肉地！

2.容祖兒No.6演唱會：之前用Dynaudio S1.4+SC 嘅感覺係小型演唱會，人聲欠少少味道，而家用P6就好似喺個Hall度聽敢！大咗成個尺碼，結他聲比之前更清更有質感，人聲亦較吸引！

3.地球毀滅密碼：ch6 男主角大雨中喺車箱內講電話，嗰d雨聲比之前聽多好多，雨嘅密度好高！

4.軍天勇將：船員背景後嘅叫聲比之前更遠更深更清楚！

5.鐵甲奇俠1：男主角喺地下室睇緊新聞嘅時候，報新聞嗰條女嘅對白亦比之前清楚，跟住著戰衣嘅時侯d金屬質感更強！

6.亞瑪＂信＂迷藏：男聲對話未算吸引，中低頻嘅拳聲暫時唔係好得，比起煲好嘅Dynaudio尚有距離！

總結：喺零run in嘅情況下已經收晒貨，何況重未裝後置！前三隻嘅包圍包、密度、質感、現場感、速度都相當滿意！現期望run in好後男聲肉地會更好及中低表現會提高！




- 發送自我的 iPhone 大板凳應用

kachow

幾錢一隻?

xyzero

每隻$14k（唔係每對）, 好薄身啱晒你要求！絕對冇聲箱薄嘅缺點！因為我買之前喺細房用部天龍3311推套已7、8成run in嘅P6都已經中毒！仲要一樣係試前三隻！已你財力都係冰山一角

kachow

xyzero 發表於 2012-3-5 17:00
每隻$14k, 好薄身啱晒你要求！絕對冇聲箱薄嘅缺點！因為我買之前喺細房用部天龍3311推套已7、8成run in嘅P6 ...

有無張掛左前置既相? 等我比老婆參考下..問佢肯唔肯..

同埋知唔知佢隻subwoofer貴唔貴?

xyzero

我未裝上牆，因為個幕未到！唔介意嘅話呢個星期尾send張相俾你！至於個十仔就大約28k, 屬於速度快、有質但唔打心口，潛得唔算深！但禁薄嘅十仔出倒敢嘅聲已經利害，價錢就..

kachow

xyzero 發表於 2012-3-5 17:08
我未裝上牆，因為個幕未到！唔介意嘅話呢個星期尾send張相俾你！至於個十仔就大約28k, 屬於速度快、有質但 ...

比起一般AV喇叭既最大分別係邊方面? 戲院感十足? 全頻度高? 呢隻喇叭睇好多外國網站都話係av界 hi-end中既hi-end.. 但係真係未有機會聽過..

xlarge

kachow 發表於 2012-3-5 17:11
比起一般AV喇叭既最大分別係邊方面? 戲院感十足? 全頻度高? 呢隻喇叭睇好多外國網站都話係av界 hi-end中 ...

叫左你考慮呢隻野啦。。

kachow

xlarge 發表於 2012-3-5 17:14
叫左你考慮呢隻野啦。。

但係p6掛兩隻係前面..真係好難過我老婆個關.. 除非掛低d..接近hifi架後面就當睇唔到..不過會唔會徙左對喇叭?.. 仲有..最大問題係好貴..   呢期裝修真係家財盡散..

xlarge

唔好理勒，一於買埋隻p15超低。。。惦晒！

xyzero

kachow 發表於 2012-3-5 17:11
比起一般AV喇叭既最大分別係邊方面? 戲院感十足? 全頻度高? 呢隻喇叭睇好多外國網站都話係av界 hi-end中 ...

同AV喇叭分別係佢唔粗聲，開到大大聲都唔會叫仲好淡定！高音音域好闊！分析力都幾高（已我來講）！包圍強！耐聽質感算好！現場感一流（好少讚得禁多）！最緊要皇帝位以外嘅坐位都唔會差過皇帝位好多！唔駛好似MK要點對點式擺位至有好效果！至於戲院感唔算特別強（相比JBL）,但d嘢好清晰（唔代表幼細）！佢唔係全頻喇叭所以唔敢講！

xyzero

xlarge 發表於 2012-3-5 17:28
唔好理勒，一於買埋隻p15超低。。。惦晒！

P18仲恐怖！

是嗎

上次玩已愛上你隻十仔，而家全套天

xyzero

是嗎 發表於 2012-3-5 18:16
上次玩已愛上你隻十仔，而家全套天

已經同上次隻十仔唔同咗，而家我用緊嗰隻嘅單元同聲箱都改良咗，雖然未煲好但效果已更上半層樓！失真係我暫時用過禁多隻最低！

xyzero

是嗎 發表於 2012-3-5 18:16
上次玩已愛上你隻十仔，而家全套天

其實冇諗過全套用佢，皆因呢個價位覺得唔係好值而且重有好多其他牌子選擇！但當中試過好多大牌子都唔啱食（例如Revel、JBL Aray、JMLab）,點知一試P6就出事，仲要用平機推！真係非一般AV喇叭，佢令我真正明白影音分家嘅意思！玩淨AV用番AV喇叭就算爆到九彩都唔駛擔心頂唔住！不過另外發現佢聽演唱會確係唔錯，聽兩聲道就唔敢講！我諗都唔多好

andychan

是嗎

xyzero 發表於 2012-3-5 18:39
已經同上次隻十仔唔同咗，而家我用緊嗰隻嘅單元同聲箱都改良咗，雖然未煲好但效果已更上半層樓！失真係我 ...

是嗎

xyzero 發表於 2012-3-5 18:56
其實冇諗過全套用佢，皆因呢個價位覺得唔係好值而且重有好多其他牌子選擇！但當中試過好多大牌子都唔啱食 ...

買到自己鐘意既喇叭先最緊要，唔係一定要大牌子既~

話哂你要日日見住佢，就算大牌子都好，唔鐘意就係唔鐘意

felixk

嘩 夢想第一步。dry 睇都興奮 恭喜

xyzero

是嗎 發表於 2012-3-5 20:49
買到自己鐘意既喇叭先最緊要，唔係一定要大牌子既~

話哂你要日日見住佢，就算大牌子都好，唔鐘意就係唔 ...

講得啱！

xyzero

felixk 發表於 2012-3-5 20:52
嘩 夢想第一步。dry 睇都興奮 恭喜

謝謝支持！