「IT虫」手記 ~ 淺談調教超低音喇叭

itloan

  話說「波突兄」招呼完一眾巴打後，見到小虫身水身汗，居然良心發現，對小虫和顏悅色說：「嗱！小虫、我都知你仰慕咗神Q俠侶好耐，見你今日走走糴糴，雖然冇功、但都算有勞。呢兩日我收到風，兩位高人會係省城出沒。不如帶你出去走番轉，睇下會唔會咁好彩撞到佢哋啦！」

小虫腦海裏即時響起傳仲江湖嘅名句，
                神Q~侠侣~英名世代垂~~~~
                神Q~侠侶~千秋萬世推許~~~~
有咁嘅筍嘢，小虫二話不說，立時抆住「波突兄」衫尾，向省城出發、去片！

  説時遲、那時快，呠呠車不消一會已載我倆到達城中，在「波突兄」帶領之下，我倆不斷在巿集中穿梭尋覓。這時我心中納悶，高人應該係隱居於山林之間，呢次係咪又俾「波突兄」老點呢？

過了良久，「波突兄」遙指一處燈火通明丶食客如鰂的食店說：「睇到未！神Q俠侶呀！」小虫極目細看，只見其中兩人如鶴立雞群、與別不同，男的滿面虹鬚一面英氣、溫文有禮，而女的卻冷傲不可方物，令人不敢直視。在「波突兄」引薦下，原來真是大名鼎鼎的「鬍鬚神」和「小Q女」啊！江湖傳聞此兩侶調教超低音功夫之高，雖不知是否絕後，但肯定是空前。

  對住呢對高人，小虫費話少講，立時酙酒向眾人連番勸飲，單刀直入請教調音之道。只見「鬍鬚神」拈住杯汽水微笑不語。無錯！真係汽水！佢兩位同近日江湖中神出鬼沒嘅汽水奇俠有乜關係？小虫已經無時間深究。

「小Q女」冷眼一眇小虫，然後吹一口輕煙，緩緩說道：「超低頻並非只係有能量就得，仲須要適當調教、擺位，咁先得出最佳效果。」

  小虫幼承庭訓，兼夾食慣公仔麺、波仔飯之流來充飢，一切以快及即食為先，連忙追問：「咁有冇乜嘢秘訣呢？」

「小Q女」再答：「超底頻不單止需營造氣氛，仲要忠實反影各物件在戲中的定位。簡單講、首先搞好擺位，再調整相位和音壓。」

  小虫再追問：「成日聽人話超低音係冇方向性，擺係乜嘢位置都冇所謂啦！咁我點先知隻十仔應該放係邊個位呢？」

此時只見「小Q女」呵氣如蘭，口中再吐出數口輕煙答道：「最好嘅選擇是把超低音放在前置喇叭中間，可以容易溶入前置聲音中，做到較準確的定位。耐何因家居擺設問題、空間大細問題、器材輸出功率問題等，很多時候，我們也需把十仔放在牆角或牆前，以求增大低頻的能量。我倆經過大小百戰、生死相搏，現在已到咗尋常家居只需看一眼，便大概知道最佳擺位是在那兒。」

雖然小虫未能領會此心法的奧義，為求即食，惟有繼續問：「咁相位又係乜傢伙呢？」

「小Q女」深深吸一口真氣說：「音頻是一個波型訊號，而超低頻的波長是十分長，我們需要靠調整相位，使超低頻的峰值到達皇帝位時，能夠和其它頻率的峰值盡量同步。所以選擇十仔時，最好係揀有三百六十度調整相位功能的型號，否則未必得心應手。」

唉！又係唔明！無法啦！小虫繼續即食精神再問：「咁音量又點樣教呢？」

「小Q女」此時已氣若遊絲，「波突兄」連忙從䄂中拿出數株仙草說：「呢啲係西方嘅貢品，小食能夠提神醒腦，請快用！」  

一輪擾嚷後，「小Q女」蒼白的面色再次回復嫣紅，然後娓娓說道：「首先將音量掣調較到一半，一般嘅器材係呢個音量值，會喺設計上最佳聆聽效果範圍之內。然後用擴音機調整各喇叭的音壓，無論用對耳、定用器材嚟調教，記住戲院效果係用七十五分貝做標準。但試問又有幾多人能夠係屋企用呢個音壓睇戲呢？所以需要在超低音頻道中加多數個分貝，即係視乎各人慣用的音壓作為微調。」

聽到這裡，小虫心知口訣已經到手，咁點去練呢？小虫為求學成神功，惟有硬著頭皮再次扮虛心請教：「口訣聽落簡單，但自己係屋企又點知有冇練錯呢？」

估不到「小Q女」真的傾囊相授說：「擺位和相位、只能在不同位置和相位的角度，細心續一比較。亦應該先選擇一兩段熟悉的劇情作為參考，以便幫助自己比較各種設定。而音量就視乎個人口味，因為增減低頻量會改變整體的音色，可先嘗試加兩到三個分貝開始，再續少增加分貝，尋找自己合適的聲音口味。切記試片時應該使用正常及充足的音壓，這樣才能得到正確的結果。我倆過往練功之時，有些片段亦觀看了上千片啊！」

至此小虫方明世上無難事，只怕有心人•••••

itloan

後記：

首先多謝「波突嫂」細心打點當晚食物，當我哋四條茂利吹水唔抺咀之際，都冇叫「波突兄」快啲打道回宮。讚 （另借波突嫂相片一用）



另外文中所提口訣、心法等等，皆是小虫穿鑿附會，把小Q女所述上刪數千字、下加數百字所成。試問小虫又點可能吸收到小Q女啲心法吖，如有巴打跟此文修煉而走火入魔，小虫概不負責！

rklpoon

繼續…………

MarkMak

c hing 真好文采



我心目中嘅神Q俠侶 ，男才女貌

qq1122yq

嘩！你錄我音呀...一字不溜嘅？！？！  



有無偷拍埋裙底video先？

rklpoon

qq1122yq 發表於 2012-5-13 00:28
嘩！你錄我音呀...一字不溜嘅？！？！  

有真人表演助慶娛賓?

qq1122yq

itloan 發表於 2012-5-13 00:05
後記：

首先多謝「波突嫂」細心打點當晚食物，當我哋四條茂利吹水唔抺咀之際，都冇叫「波突兄」快啲打道回 ...

波突嫂好賢淑但又好玩得，有次仲整蠱我...

itloan

rklpoon 發表於 2012-5-13 00:22
繼續…………

潘sir，邊有咁多料寫吖

bigpun1975

蟲兄文彩真一流
如果比人寫成人專欄真係不得了

itloan

MarkMak 發表於 2012-5-13 00:27
c hing 真好文采  

我講緊呢出喎


主題曲
        http://v.youku.com/v_show/id_XMTc0MTQ5NDA=.html

rklpoon

itloan 發表於 2012-5-13 01:08
潘sir，邊有咁多料寫吖

你有既,唔洗咁謙,吊下我地癮gei.

itloan

qq1122yq 發表於 2012-5-13 00:28
嘩！你錄我音呀...一字不溜嘅？！？！  

你點止過咁少料呀！不過內容太長要 cut

仲有點敢影你裙底吖，但係如果鬍鬚神行開咗就 .....嘿.....嘿

qq1122yq

itloan 發表於 2012-5-13 02:07
你點止過咁少料呀！不過內容太長要 cut  

仲有點敢影你裙底吖，但係如果鬍鬚神行開咗就 ..... ...

唔好話過料，大家交流吓姐，我都係不斷學梗野...

果日我無着底底架...

itloan

bigpun1975 發表於 2012-5-13 01:31
蟲兄文彩真一流
如果比人寫成人專欄真係不得了

咁要睇下賓板主會唔會帶小虫出去家訪囉

felixk

賓版主尹度支鋼筆  以後吾洗寫咁辛苦

bigpun1975

felixk 發表於 2012-5-13 09:54
賓版主尹度支鋼筆  以後吾洗寫咁辛苦

itloan 發表於 2012-5-13 02:43
咁要睇下賓板主會唔會帶小虫出去家訪囉

qq1122yq

itloan 發表於 2012-5-13 02:43
咁要睇下賓板主會唔會帶小虫出去家訪囉

去左波突兄度玩sk2未？   

itloan

qq1122yq 發表於 2012-5-14 10:22
去左波突兄度玩sk2未？

呢兩日病病哋，又冇巴打俾我抆衫尾去

hkp1196

精彩過睇武俠小說..................