Jorma Design Origo PC 及 Digital XLR 報告

kachow

終於都入手左Jorma Design. 呢條線當初係睇日本音響雜誌認識. 跟住再見到外國得到好多用家Comment讚好. 個陣對佢完全無感覺. 香港個陣都有得賣, 但係完全紅唔起. 直到香港尚賢音響做左代理後. 就開始多香港人用. 我亦都係最近有緣試到佢既線先了解呢條線既真正實力.






呢條瑞典線保存一般北歐做音響既特性. 出黎既聲音比人舒服嘆世界感覺. 同瑞士既音響產品例如Goldmund, FM, CH,及瑞典的Entreq 所做出來既風格好類似. 我既第一感覺係有如鬆肉粉般將繃緊既聲音鬆化. 呢d音色對現今好多越黎越高清既音響器材帶黎緩和作用. 而最令我讚賞既地方係.. 我都曾經接觸過呢類線. 但係大部份都係犧牲音效去形造呢類音色. 變相你得到音樂味. 但係少左分析力, 音場. 細緻度亦都減低, 而Jorma Design 能夠保持呢d音響上非常重要既分析力, 音場. 而再加上極濃音樂味既調音. 出黎效果非常豐富.


今次我試了旗艦對下的Origo 電源線及數碼線. 先講Origo 電源線, 呢條同旗艦Prime用既物料一樣 8N純銅. 不過當然無Prime咁足料. 一如我之前所講既舒服嘆世界感覺. 人聲連貫度提高. 而泛音亦非常明顯. 聲音感覺慢左, 我是用Esoteric P02/D02. 分析力非常之高. 但係帶黎就無歐美機咁好音樂味. Jorma Design 就將呢d高分析力既聲音之上調出充滿感情而又豐富的聲音. 溝出黎既感覺非常特別. 因為高分析力同高密度. 令到還原能力高. 而線材調出黎既感覺係令到聲音人性化左. 感覺真實好多. 我之前試過旗艦prime. 我感覺呢條Origo係7成左右. 欠缺左係Prime對低頻改善再大d. 分析力保存得更好. 所以有米又有興趣既Hiendy師兄. 最好一買就旗艦.









至於數碼線. 細緻度相當好. 至於味道就反而無電源線, 喇叭線或者接線咁多. 不過感覺上對Esoteric CD機相當適合. 唔會再只係聽到日本高科技出黎既快狠準. 而係聽歌應有既節奏感. 呢條亦都係在日本好高評價既Jorma Design. 我諗Jorma Design真係溶化左好多日本人既心. 可惜我對數碼線既試線經驗好少. 希望可以有多d 線作比較. 唔能夠話呢個價位係唔係一條絕頂好線, 不過暫時用Jorma Design 數碼線又真係好開心.

我入手呢兩條線其實都有諗過其他師兄擔心既風險. 例如未係好熱門.唔係大廠. 二手價,  (我仲要係分體, PC,同數碼線都要買2條先夠) 不過歐洲野係咁..真正叫得大廠既其實10間都無. 其他都係蚊型公司. 不過創作人有佢既心得. 做出大廠都無既音樂感覺. 而去到Origo或Prime既價錢真係唔平. 所以我都下定好大決心先買. 因為對我套機真係好有幫助. 亦都令我能夠將成套Esoteric 既能力毫無保留咁釋放出黎.




線材比較亂..  岩岩搬屋. 就即刻插機聽. 等我有時間會執執佢先..




大約參考價錢:
Prime 1.5M PC: 3皮幾.
Origo 1.5M PC: 2皮幾.
Digital 1M XLR 1條: 皮幾.

williamchc

Entreq 不是瑞士,是瑞典吧
瑞士和瑞典是不同的,整體音色都是有分別

kachow

williamchc 發表於 2012-5-15 11:35
Entreq 不是瑞士,是瑞典吧
瑞士和瑞典是不同的,整體音色都是有分別

係,Entreq 係瑞典. 我寫漏左, 已改返. 我感覺Entreq線取向同Jorma都係同一方向. 不過Entreq就無咁濃. 所以我個陣係Entreq同Jorma都考慮左好耐. 而Jorma比我感覺更加有goldmund個種味道. 所以好快中毒.

williamchc

哦哦.請教一下,單單速度感來說jorma會比entreq(沒用地盒)快嗎?

kachow

williamchc 發表於 2012-5-15 11:43
哦哦.請教一下,單單速度感來說jorma會比entreq(沒用地盒)快嗎?

Entreq 我用過Konstantin 同Challenger PC. 未試過用地盒. 如果速度感黎講 Entreq比Jorma還快些. Jorma一插入去真係好明顯成套機慢左.

史的墳

williamchc 發表於 2012-5-15 11:43
哦哦.請教一下,單單速度感來說jorma會比entreq(沒用地盒)快嗎?

Should be slower.....

williamchc

thx...似乎未必咁適合我了.個人喜歡用快線.entreq Challenger 沒用地盒試過,個人都覺得有點慢.....

kachow

williamchc 發表於 2012-5-15 12:04
thx...似乎未必咁適合我了.個人喜歡用快線.entreq Challenger 沒用地盒試過,個人都覺得有點慢..... ...

咁會唔會siltech或者nordost個d岩心水D? 個d比較正常速度. 不過就唔係呢種味既野.

williamchc

kachow 發表於 2012-5-15 12:07
咁會唔會siltech或者nordost個d岩心水D?  個d比較正常速度. 不過就唔係呢種味既野. ...

應該就是了.現在用緊nordost和crystal.數碼線就用緊kimber.
我想要速度快之餘又有貴氣和高密度.聽說jorma 的IC水準幾高下,有機會或者去聽聽.

kachow

williamchc 發表於 2012-5-15 12:21
應該就是了.現在用緊nordost和crystal.數碼線就用緊kimber.
我想要速度快之餘又有貴氣和高密度.聽說jorma ...

咁真係向Nordost進法.  siltech就真係要粗少少先會比到大浸貴氣你.

kachow

brkkh 發表於 2012-5-15 12:22
請問Origo PC是否Oyaide 004頭尾?
thx!!

係.

Dee

雖然好似我杯茶可惜...

Jameskyc

價錢絶對合理過蕭踢！雖然都係貴線

chowhwk

三皮幾的電源綫稱謂合理，版主水平真高。

skykids

我同您的情況差唔多，Eso 真好鬼清，搞到我都幾頭痛

1o1o

micmic123

好贵呀！！！！！！！！！！！

kachow

chowhwk 發表於 2012-5-15 14:01
三皮幾的電源綫稱謂合理，版主水平真高。

其實唔知師兄你覺唔覺得..音響係呢10年走向兩極化得好利害. 個陣買部3皮既CD機. 3-4皮既喇叭已經係大部份牌子既旗艦. 線仲更加離譜. 搞到所謂既高級音響越黎越少人玩. 市場不斷委縮. 而廠方因為不能大量銷售而將價格不斷抬高黎維持一貫既收入. 而大眾化產品又因應聽歌可以免費download同科技進步. 少少錢就已經可以擁有一套既高清又多功能既播放器.

番薯

williamchc 發表於 2012-5-15 11:43
哦哦.請教一下,單單速度感來說jorma會比entreq(沒用地盒)快嗎?

請教師兄，用地盒是否能提升速度？

番薯

kachow 發表於 2012-5-15 11:45
Entreq 我用過Konstantin 同Challenger PC. 未試過用地盒. 如果速度感黎講 Entreq比Jorma還快些. Jorma一 ...

請教加州兄，EntreQ Challenger 與 JD Prime 除了速度上，還有沒有其他的分別？