Sommer Excelsior XLR

一休大師

     相信Sommer系專業野既牌子裏面都冇乜邊個唔知道架啦，佢既線材種類多到10隻手都數唔曬，咁點解哩條 Excelsior 又會令小弟有購買意欲呢？就系因有一次朋友既到訪，帶左哩條線來我家，俾我試，我發覺佢既元素，竟然同我要的幾吻合，所以就此購入！

    Excelsior 的性格同佢Sommer哩隻牌子既作風基本上系冇變，都系屬於專業野性格，但系系屬於高質素的。系我家使用途中，唔難發現佢既優勢，例如平衡度，速度，分析力，尤其是大爆棚既時候既氣勢同陣型都系非常之壯觀既，音場龐大，感覺就好似一條冇阻力既超導體一樣，尤其是聽高速吉他既時候，盡顯功架，分析力與速度並存，加上彈跳力真系逼真到極，過癮非常。由此可感受到佢既速度同分析力系上乘既，系聽一D激情既人聲途中，有種放盡既感覺，完完全全地表達到歌唱者想哭訴既情感，而系聽金屬樂器既途中，更加感覺到佢既傳神，佢所表達既金屬感，系光潔亮麗的，非常有金屬味，明顯感受到佢既性格有D似burmester屬於明快爽勁的類型，但當播放弦樂四重奏既時候，我就開始感覺到，佢既不足，雖然佢既平衡度系非常之好，但系佢始終系屬於一D剛陽既性格。播放小提琴或中提琴既時候，木味稍嫌不足，而且轉彎位帶點生硬。寧靜度方面雖然都做得非常好，但亦未算上乘，細節方面自然感覺會有少許粗鞋，所以華麗感會比較遜色一點。系屬於比較直白既類型，所以哩條線雖然做得好好，但系系配搭上有D地方系要注意既，例如，如果配搭burmester既時候，大家都系屬於陽剛性既野，物極自然必反，相信唔會有好既結果。但如果配搭金嗓子的時候咧，一剛一柔，就會得到相對既調和，互補長短。最後，仲有樣特別野要注意的，就系由於哩條線系兩條做埋一條的，如果使用單聲道后級既時候，就會無法使用了，佢既分支位大概得6寸左右，如果后級或合併左右平衡頭分得好開既時候，都需要注意哩點，是否合用。

測試器材如下：
Accustic Arts Drive II
Accustic Arts Tube-DAC II se(JJ ECC803s)
Accustic Arts Pre I-mk3
Accustic Arts Amp III
Franco Serblin Accordo

Transport to DAC : Analysis Plus Digital Oval     DAC to Pre : Sommer Excelsior     Pre to Amp : Siltech Explorer 180ix/Sommer Excelsior/Vovox sonorus/Vovox Textura/Accustic Arts Silver Line     Amp to Speaker : Ocos Pro     Full stock power cable

racewong

夜麻麻又放毒!

好在大師今次放d毒唔係太貴, 我仲可以負擔到...

一休大師

racewong 發表於 2012-5-18 22:56
夜麻麻又放毒!

好在大師今次放d毒唔係太貴, 我仲可以負擔到...

係架，呢D價位其實打工仔儲下錢都可以買到，唔駛得個恨字嘛！大家又可以開心交流，其實平有平玩，貴有貴玩啫，好似條vovox sonorous千零蚊野我都會玩架，最緊要開心同分享嘛！

chowhwk

好試音報告。簡潔到位。

看到大師用的也是AA 的Tube DACeSE，好像是換了真空管用了JJ 的，我也是想換來調調味道，可否分享一下您的經驗？

ROA

Excelsior確是一條難得的中性平衡高班線材

一休大師

chowhwk 發表於 2012-5-19 10:23
好試音報告。簡潔到位。

看到大師用的也是AA 的Tube DACeSE，好像是換了真空管用了JJ 的，我也是想換來調 ...

周翁，我果D文章都系純粹個人分享架咋，同你果D比，真系小巫見大巫，我都成日睇關於你既文章，真系好正，哩樣野小弟真系有排學。

據小弟所知，你都系AA專家，難得與你交流是小弟的榮幸。我依家其實換膽方面，都只系進行測試階段，我擁有測試既12ax7咧，就只有tesla ecc803s,Valvo 45 short plate,brimar cv4004,JJ 803s,full music 12ax7,曙光12ax7。

咁試左咁多隻，暫時比較平衡既就只有JJ既803s，其他就各有長處同特色，所以我暫時用住JJ既803s作參考先，但系咪最好既結果？我覺得暫時未系住，要再俾D時間我

一休大師

ROA 發表於 2012-5-19 21:06
Excelsior確是一條難得的中性平衡高班線材

呢條野只要適當甘運用，的而且確又係可以達到好好的效果架 !

chowhwk

一休大師 發表於 2012-5-20 00:17
周翁，我果D文章都系純粹個人分享架咋，同你果D比，真系小巫見大巫，我都成日睇關於你既文章，真系好正， ...

我只是換過一次，找代理從廠方訂原方經過測試認為最乎合的一對。己經兩年了。所以想偷師。因為試真空管頗為花時間，要等它五十小时Run in。

也有朋友說bugle boy 效果不錯。

cckong

大師你好，我有個friend近來喺府上聽過你的音響及線材配搭出來的音色，亦讚口不絕，所謂讀萬卷書不如行萬里路，小弟仍是一隻井底之蛙，現在自身器材經過長年累月的悉心調校已到達個人的極限，即係已開始迷失方向不知應該怎樣才可再突破，然看見大師所用的線材並非凡人不能及那些天價線亦能調出好聲，小弟遲些完成了手上工作後會有時間，想籍此機會拜訪府上，希望從大師身上得到啟發，讓這隻小蛙能看見外面的世界，望大師成全!

一休大師

cckong 發表於 2012-5-20 10:20
大師你好，我有個friend近來喺府上聽過你的音響及線材配搭出來的音色，亦讚口不絕，所謂讀萬卷書不如行萬里 ...

師兄，千祈唔好咁講！其實有陣時都系亂打亂撞，左試試右試試架咋！上來互相交流心得當然歡迎啦，

leoking

大師

小弟有多對Excelsior係用Chord系統時配落, 覺得它各方面都很平均，但頻寬略窄, 配Chord 一類機很合適, 但用落Soulution 就覚得頗悶！以價論聲就不能苛求.

其實條線都有分開的, 不過要多幾舊水。

講錯勿怪!

7500martin

leoking 發表於 2012-5-21 00:11
大師

小弟有多對Excelsior係用Chord系統時配落, 覺得它各方面都很平均，但頻寬略窄, 配Chord 一類機很合適 ...

Leoking大哥！

你攞你D Odin比，乜鬼缐頻寬都窄啦！

一休大師

leoking 發表於 2012-5-21 00:11
大師

小弟有多對Excelsior係用Chord系統時配落, 覺得它各方面都很平均，但頻寬略窄, 配Chord 一類機很合適 ...

king sir，你講得冇錯！我試過哩條Excelsior系幾個唔同既地方，得出既結果都會有D唔同，所以其實配搭都真系好緊要，你閱機無數，難得有你既分享，更是大家既榮幸！

一休大師

7500martin 發表於 2012-5-21 00:17
Leoking大哥！

你攞你D Odin比，乜鬼缐頻寬都窄啦！

Wakakakaka

leoking

一休大師 發表於 2012-5-21 00:18
king sir，你講得冇錯！我試過哩條Excelsior系幾個唔同既地方，得出既結果都會有D唔同，所以其實配搭都真 ...

大師閱歷小弟真真自愧不如! 不過因路過入嚟八下而矣!

見大師用ocos pro 喇叭線, 小弟都有一對(係唔係pro就唔知啦), 單論頻寬我就寧選Ocos。

馬田大佬, 咪以為我乜都odin得架! 我都有其他好嘢嘅。

一休大師

leoking 發表於 2012-5-21 00:45
大師閱歷小弟真真自愧不如! 不過因路過入嚟八下而矣!

見大師用ocos pro 喇叭線, 小弟都有一對(係唔係pro ...

自從得到chord會長提點之後，小弟就此對Ocos種下情根，加上佢又安份守己，所以重來都冇想拋棄佢，雖然中途曾被引誘，好左最後都能撥亂反正 !

johnmo

想八下條Sommer Excelsior XLR大概是什麼價位?

一休大師

johnmo 發表於 2012-5-21 00:57
想八下條Sommer Excelsior XLR大概是什麼價位?

ssp 2m XLR $6780

cckong

johnmo 發表於 2012-5-21 00:57
想八下條Sommer Excelsior XLR大概是什麼價位?

我見網上都有得訂購，不過未計匯價，唔知化唔化算?http://www.sommercable.com/excelsior/2/index.html

johnmo

cckong 發表於 2012-5-21 01:19
我見網上都有得訂購，不過未計匯價，唔知化唔化算?http://www.sommercable.com/excelsior/2/index.html ...

如果這個價位,我會選番ANALYSIS PLUS,CARDAS,WIRE WORLD,VIARD,MADISON,ENTREQ囉