「IT虫」手記 ~ 英雄豪杰有誰獨尊、神Ｑ俠侶拾仔大比拼(四)

itloan

英雄豪杰  有誰獨尊

這夜，本該月圓如鏡萬里無雲，一眾拿着入宮金牌的強豪已齊聚於「波突宮」外。忽然一陣邪風襲來，烏雲四起雷雨交加，難道合該有事？兇兆雖臨，一眾強豪自持身懷絕藝，亦繼續面無懼色地向「波突宮」城門緩緩前行。

這夜，「波突宮」依舊守衛深嚴，在「小肥神」領軍下，御前侍衞皆整戈站列，軍容鼎盛。然聞名不如見面，眾強豪從遠處看到「小肥神」兇猛的身影，皆識趣地掏出入宮金牌待「小肥神」一一查閱，只見「小肥神」在一聞、一索之間，無事者逐一放行，而生事者皆亂棍拿下。（註：查所有金牌皆為小肥神尿液精鍊，只出一宮，不能仿摹，更不需 IC。）

這夜，眾強豪只心繫一事，「英雄豪杰、有誰獨尊？」而能夠一窺全豹，盡覽此夜高手的城樓只有寥寥數個，有道是快者得、強者得！衆強豪亦脫下謙讓的面紗，一擁而上。

此時烏雲已漸退，而肅殺之氣卻不減，衆人雖胸中作悶，皆不發一言，靜候子時大戰來臨。良久，忽聞子時鑼聲响起，嚯一聲，神Ｑ俠侶已一同躍上城頭。

「葫蘇神」步向眾強豪微笑道：「各位巴打，今晚我哋並唔係乜嘢十仔大比拼，江湖上誤傳啫！只係十仔試聽會，等各位巴打有機會見識一吓，各大十仔門派嘅功夫。」

  驚聞此言後，有一貌似江湖上，一聽到有人死便開心的名宿「百事問」破口大罵：「我披上戰衣，飈著戰羊，穿州過省，都係為咗睇人死啫！而家你哋玩我呀！回水！」好一個「葫蘇神」眼不眨、眉不皺，又嚯一聲，已經祭出玄鐵重劍立斬此人於城樓。

此時「小Ｑ女」亦打圓場說：「我哋都係為各位巴打好啫，等有多啲機會見識一吓各門派嘅功夫，將來送啲子姪去學武，都知道邊一派啱自己口味吖！」

「葫蘇神」手按腰間玄鐵劍，怒目再問：「冇問題啦嗎！好！去片！」

一場鬧劇就此收場 .............

itloan

飲飲食食後記

估唔到真係有巴打拎啲西班牙黑毛火腿嚟，想收買小肥神！不過唔係三十六個月，佢唔食，咪我哋食囉。而Hiendy 啲巴打唔止識玩 HiFi，仲識飲識食。兩種火腿一出，首先係食哂啲二十四個月嘅，跟手先食啲十八個月嘅，好嘢！

另外都話波突兄要出支靚啲嘅酒啦！而家俾省港澳嘅「賓周王」一飲就話有渣！幾瘀！

itloan

現場花絮後記

小虫雖然都執到面堅嘅金牌，不過波突兄仍然當一個鐘二十八蚊，要小虫繼續招呼小肥神。所以小虫一次皇帝位都冇坐過，唔敢寫乜嘢感想，呢一部份要靠其它師兄啦！

今次有機會參與，真係學到好多嘢，試拾仔搞到出交響樂，真係才疏學淺唔識嘢，多謝拳王兄指點。

成班師兄不停安哥，係咁意食件旦糕，餓住個肚玩，成十二點幾先離開波突宮去消夜。

呢一睌亦聽到好多名句，恕不能盡錄：

賓周王：「未嚟之前我都以為自己好很勁！」

深虛哥：「呢度啲嘢，唔係民用、豪用嘅，係軍用嘅！千祈咪嚟聽咁多！」

仕的焚：「唔！好 dry! ...... 唔！好有質感！......」

居士

閱文已有身臨現場之感，利害，佩服！ 期待下文。

iwantbd

itloan 發表於 2012-6-3 16:20
飲飲食食後記

估唔到真係有巴打拎啲西班牙黑毛火腿嚟，想收買小肥神！不過唔係三十六個月，佢唔食，咪我哋 ...

斗胆--------食了小肥神 ...............................d黑毛豬腿肉

MarkMak

之前有幸獲得由波凸宮所賜嘅一面金牌，尋晚可以再次踏足波凸宮出席十仔試聽盛會，可以一次喺同一地方同一 set up 試聽唔同品牌十仔，真係十分難得

講返對各十仔/組合嘅個人聽感先：
1. Martin Logan Descent: 可能係試第一隻，個人未ready好，或者波凸宮空間太大，個人嚟講D隻十仔只可以話交到功課

2. JL Audio Fathom F113: 自問JL之前都聽過幾次，本來無嘜寄望，但今次真有驚喜，可謂set得最好 (kachow 兄快D揾神Q俠侶幫你攪攪佢)，低音可融入各聲道，最難忘係睇 "忍者"及"艷舞巨聲"低頻嘅彈跳，一下一下，好過癮，難怪有人中毒。但可能個人口味，覺得未夠狠勁

3. MK Sound MX250 + SVS PC13-Ultra (SM): 講開狠勁，SM不愧為狠勁癲狂嘅代表，一開機睇"Island"好快就聞到MK嘅狠勁味，之後坐正睇"鳳凰號"今次真係最勁最正嘅一次，感覺完全入咗部戲喺架飛機裹面，張椅係甘喺度震，D低頻完全包住你，真係好正，當然d2v一定功不可沒。但當睇"麥當娜"時，MK浸聲過硬，一下一下打埋嚟，覺得過咗龍，入咗Disco一樣。另外，記得喺QQ度聽SM 嘅聲溶合好D，無甘容易分到邊隻十仔做嘢，但始終要喺幾日內將兩隻完全唔同特性嘅十仔set好係一件好難嘅事

4. Ken Kreisel MX5000 Mk3 + SVS PC13-Ultra (SK2): 由於本身用開KK MX5000，不其然好寄望聽吓(SK2) D個組合；比起SM，SK2好明顯少咗MK嗰浸狠勁，但兩隻十仔D聲嘅溶合就一定比SM好，豐厚低音完全合到B&W嘅聲底，睇"強戰世界"嘅極低頻同"艷舞巨聲"嘅尾場歌舞可以聽到。相對我屋企，可能細好多嘅關係，我覺得KK嘅我度又punch D

四款十仔/組合裹面如果你問我鐘意邊個，QQ都有問我，我依家先知自己甘重口味鐘意SM (指睇戲方面) ，但我屋企一定放唔落，放到效果都唔會好


最後一定要多謝波凸宮主人-- Harry兄借出地方同甘正嘅器材，勞心勞力，熱切嘅款待，真係有黑毛豬火腿食架，重有紅洒、西餅同其他飲品添


第二緊係要 thank you 神Q俠侶，set 足幾晚十至三點，完全係出於一份熱愛影音同分享嘅心


之後緊要多謝Felix兄同其他師兄借出十仔，虫兄嘅生鬼敘述 (我好鬼鐘意睇)，Benson兄嘅杏仁餅，同各師兄揸車接送，如有遺漏，唔好怪細佬唔識世界

MarkMak

p.s.  有人話之前聽過Anthem 無嘜好感，點知尋晚聽d2v 中晒毒

       不過d2v 睇"m:i:4"、"鳳凰號"同"艷舞巨聲"真係好Q正

MarkMak

p.p.s.  KK 都唔差，尋晚起碼有兩位師兄中

MarkMak

p.p.p.s  QQ口喻，聽完記得post上嚟分享吓 唔係佢親自揾你追返1Q

itloan

iwantbd 發表於 2012-6-3 19:01
斗胆--------食了小肥神 ...............................d黑毛豬腿肉  ...

你咪話自己冇食呀！

iwantbd

itloan 發表於 2012-6-3 19:19
你咪話自己冇食呀！

24個月果Ｄ無

itloan

iwantbd 發表於 2012-6-3 19:23
24個月果Ｄ無

哦！最後個塊俾葫蘇神食埋，我叫住佢留返一半俾Q姐，點知佢好義正嚴詞咁講：「食嘢，我係唔會同Q姐你一啖我一啖嘅，口水會傳染嘛！」

KITCHAN

MarkMak 發表於 2012-6-3 19:05
p.p.p.s  QQ口喻，聽完記得post上嚟分字吓 唔係上門揾你追返1Q

照現時黎睇起碼有幾十Q喎
呢次聽JL113我都覺得係最好既一次



- 發送自我的 iPhone 大板凳應用

MarkMak

KITCHAN 發表於 2012-6-3 19:33
MarkMak 發表於 2012-6-3 19:05
p.p.p.s  QQ口喻，聽完記得post上嚟分字吓 唔係上門揾你追返1Q

你都中咗JL毒la

siuwing

d2VD2VD2V

居士

呢個時候,試聽大會都應該結束左,係時候出報告嘞
暴走顛狂----------------SM
恰如其分---------------Matin Login
盡顯身價----------JL 113
霸氣盡露------SKK
以上係我感覺,至於口味方面,我buy SM,可以我浸Disco 大,我極like 呢個組合.

samchan

居士 發表於 2012-6-3 22:55
呢個時候,試聽大會都應該結束左,係時候出報告嘞
暴走顛狂----------------SM
恰如其分---------------Matin ...

即係點??

講多D 黎聽下

rklpoon

隻ML放在左邊遠角斜向聆聽位置,效角不錯,但播演唱會好似音壓差d,可能同場地大有關.

JL用backfire加左塊雲石板,而位置較ML接近聆聽位置,可能因此佔有地利因素,最過癮是播艷舞巨星時d鼓聲/低頻在後置頭頂由左至右,由右至左,掃來掃去,定位—流.

跟著到SM,SK,兩隻十仔—齊出能量更大,鳳凰號—段其實攪得唔好可以好悶焗惡頂,但兩套都能清楚交待,不過唔知是否坐位不同,播island個黑鬼叫架車去追男女主角其中d對白好似同單一隻ML/JL時矇左/無咁清楚(多左d低頻量影響?)但其他對白又無問題.

harry兄地方有番咁大,用兩隻十仔梗係剌激/埋身/過癮d,佢好似經此一役加多左隻郵筒.我口味較輕,地方又細,唔洗錢老細批放兩隻十仔係我屋企加埋昨晚之音量只會有以下情況發生:-
1)俾人禁鐘仔引致中途不舉候群症進一步惡化
2)老細出街表示不滿/一腳伸左我出街.

最後很高興認識到一班hiendy同好,真係聞名不如見面.

當然要多謝屋主harry5兄熱情招待,各兄弟無私借出十仔,神鵰俠侶悉心調教,咁既陣容場面效果,大膽d講句真係空前,絕後就唔知la(亦都自私地想唔係).重有,要講一講每個成功男人背後都有一個女人-與"波凸宮女主人"雖然緣慳一面,但harry5兄一連數晚招呼我地玩到咁夜/顛,絕無炸型,真係要俾個like佢.

itloan

siuwing 發表於 2012-6-3 22:11
d2VD2VD2V

唔止你一個，仲有其它師兄都中咗 D2V，包括小虫，不過可惜袋中冇銀

itloan

居士 發表於 2012-6-3 22:55
呢個時候,試聽大會都應該結束左,係時候出報告嘞
暴走顛狂----------------SM
恰如其分---------------Matin ...

係呀，啱啱先食飽飽打道回府喳