Hiendy 兩週年大革新

wingchow

Hiendy 兩週年大革新

大家好！時間過得好快，又到Hiendy成立兩週年喇！謝謝大家既熱烈支持，令到Hiendy越黎越旺，還記得初初搞Hiendy時，胸懷大志，諗住可以得到好多香港hifi界既人、代理、鋪頭既幫助，等我地可以做多d 推廣香港影音既事情。點知個陣Hiendy無人識，處處碰壁。好彩有你地既支持，令到呢度越黎越多人留意，令到而家香港玩hifi既人都多左認識Hiendy。

而睇返Hiendy既討論層面，其實已經超出左好多Hifi網站提供既一般資訊，甚至乎我見到好多其他地區既hifi網站都會引用Hiendy既圖同文字。一方面Hiendy用家比較多，又肯投資好多時間同金錢係呢門興趣入面，令到好多最新產品，都會好快有開箱同報告。另外會員之間交流度亦非常高，借機借線，互相家訪，最後又會係Hiendy分享，再加上有不少代理參與，令到Hiendy既內容非常全面。

Hiendy兩週年即將來臨，我地亦會搞不同既影音節目，希望大家踴躍參與。而討論區上亦會加入新既環節，務求令到大家能夠更加投入參與。

1. 活動報名形式大改革
因為Hiendy多次舉辦既試聽會都出現好快爆滿既現象，所以往後既試聽會，都會預先2-3日以PM形式或者公告通知大家報名時間，等大家可以有足夠時間準備去報名。


2. 獎狀勳章
為希望大家能更投入參與Hiendy討論，我地會以不同型式發放獎狀勳章，呢個電子獎狀會在閣下既頭像下面顯示，例如本月之星、最高出帖量、扣分第一人。


3. 扣分制度
因為不少會員反映，驚一出帖就被人扣分，但係呢個扣分制度亦令到整個討論增添不少樂趣，我地希望繼續保留呢個制度，但係會修減扣分既規模，跟名銜高低由可以扣1分到最多10分。


4. 會員音響組合分享區重重有賞
努力構建一套心愛既音響器材，果種滿足感同快感實在用幾多錢都買唔到。但係有無諗過將佢地上載到HIENDY同會員分享吓呢？HIENDY為咗鼓勵更多會員分享自己套心愛玩具，由即日起凡喺音響組合分享區出帖既會員，重重有賞，由現時既按圖加分既制度，一律大幅增加至100分，希望會員將心愛器材、線材、以及擺位用相片同文字展現喺其他網友面前。獨樂樂，不如眾樂樂，朋友，你仲等乜？


5. 兩聲道新版主 - 鎗王現身
一直有留意我地Hiendy討論區都會認識racewong鎗王, 佢由Hiendy開網以黎不斷在Hiendy同大家分享心得. 亦都醉心於兩聲道. 有見及此, Hiendy終於用誠意打動鎗王, 做兩聲道新版主, 佢除左網面上既討論外, 亦會帶大家四出試聽不同既音響組合. 而supercow版主就會轉戰音樂區同家訪區. 繼續佢既超牛家訪.





6. "明醒你"系列
有留意開AV區試聽會既網友，都會知道我地舉辦左幾場週五雄熱，pinkhung版主亦都被人熱捧為皇上，而試聽會內容係pinkhung版主將佢認為精彩既試機片段同大家分享。而"明醒你"系列係另一個全新形式既試聽會，會由明教主hkp1196版主四出搜尋唔同既機種，再加唔同風格既試機片段，當中亦會有少少比拼既項目，等大家有另一番體驗。而pinkhung版主因為近日龍體抱恙，等佢休息好後會繼續同大家週五雄熱。

　


7. 兩聲道線材比拼大賽
而無搞活動好耐既兩聲道，亦都比最近既線材比拼帶起左。將會好快再黎一場大比拼，至於內容係點？而家仲係兩聲道討論區熱烈討論中，請大家請留意兩聲道討論區。除此之外；7月頭會有新音響器材既試聽會，希望大家多d參與。


8. AV研習課程
自AV研習班初階課程開班後，得到相當多網友既支持。初階課程將會再開班，同時亦著手籌備中級班。而擁有ISF認証既chrisclw版主亦都會加開投影機調較入門課程，將專業技術帶到課程當中，令到大家都唔會覺得調較投影機係一件難事。




9. AV前級大龍鳳
近期在Hiendy 影音區出現好多夢想級數既AV組合，大家會唔會心郁郁都想聽下佢地既實力呢？我地計劃緊一場壓軸既試聽會，集合最近期熱門又頂級既AV前級，來一場正面交鋒，等大家可以在同一場合聽晒咁多部響噹噹既AV 前級。


10. 兩聲道試聽會
好耐都無搞既兩聲道活動又再活躍返，我地會走訪不同代理同店舖，搜尋最新最有話題既兩聲道器材，進行試聽活動。打頭陣將會係最近開始活躍番既JMR，而代理亦在最近引入旗艦座地喇叭 Concorde Supreme，我地會進行一場試聽會活動，希望大家熱烈參加。




11. 兩週年晚宴
同上年一樣，一輪試聽會後，會舉辦一場大型晚飯聚會。我地無免費晚餐，無超級獎品，無星級嘉賓，只希望同大家聚一聚，談談hifi經，講下網上熱門話題，識下其他hifi友，開開心心食番餐。

Law記

節目一浪接一浪!!!

racewong

無端端個版面唔同左..

以為入錯左網址添!

obee

我都見到呢區版主換左.
恭喜 racewong鎗王 做左版主!
恭喜 Hiendy 成功招攬鎗王!

jefftam

恭喜 racewong鎗王 做左版主!
FULLY support

tamm

藤原拓海

支持,
咁 howin 點算? 變番初級會員

藤原拓海

racewong 發表於 2012-6-20 15:57
無端端個版面唔同左..

以為入錯左網址添!

恭喜鎗版主

JanHau

WELCOME 槍王RACEWONG做HIENDY2聲道版主
以槍王既HIFI風月歷史同經驗,一定可以令HIENDY2聲道區生色不少

JanHau

racewong 發表於 2012-6-20 15:57
無端端個版面唔同左..

以為入錯左網址添!

有D咩唔同

JanHau

藤原拓海 發表於 2012-6-20 16:00
支持,
咁 howin 點算? 變番初級會員

理9佢啦

GF777

恭喜鎗版主，沖涼按摩有折扣呀

racewong

obee 發表於 2012-6-20 15:58
我都見到呢區版主換左.
恭喜 racewong鎗王 做左版主!
恭喜 Hiendy 成功招攬鎗王! ...

THANK YOU

racewong

GF777 發表於 2012-6-20 16:06
恭喜鎗版主，沖涼按摩有折扣呀

THANK YOU

如果係個網係1X1, 我諗我會開心D...

racewong

JanHau 發表於 2012-6-20 16:04
理9佢啦

我很贊同!

racewong

jefftam 發表於 2012-6-20 15:59
恭喜 racewong鎗王 做左版主!
FULLY support

THANK YOU

racewong

藤原拓海 發表於 2012-6-20 16:00
恭喜鎗版主

THANK YOU 神人

MetalNuts

GF777

racewong 發表於 2012-6-20 16:09
THANK YOU  

如果係個網係1X1, 我諗我會開心D...

圖中 X 係 4 定 6 先 ，再度恭喜鎗王

JanHau

GF777 發表於 2012-6-20 16:06
恭喜鎗版主，沖涼按摩有折扣呀

佢平時唔沖涼,所以無折