本帖最後由 heihei 於 2012-11-13 14:33 編輯
平時我都好少會出post,因為文筆比較差,唔想出醜
不過今次不能不講講心裡既感受比大家聽聽
話說有個傻仔有日打掃既時候,見個黑膠盤好似有少少塵咁,就拎塊3m布抺抺佢,點知塊布大左少少,
布尾一個唔小心勾到支唱針........ ,之後一睇......仆街鳥...支針咁就
係好心灰之際,我即刻打比棍哥哥,問問有咩解決方法,佢二話不說就叫我:唔好整啦,買個另一個啦
你地班大哥當然無問題啦,話換就換,但對於收入重低過特手民望既我離講,當然係有得整就整啦......
(不過心諗,因為本身用緊個mm頭,都心思思想換個mc頭,睇下係唔係真係咁大分別 )
聽完佢咁講,即刻請教佢有咩好野介紹下啦,佢好好心咁比左兩個頭我睇,由於細佬對黑膠咩都唔識,就叫佢求其幫我二選一,點知佢真係咁求其,唔洗2秒就話呢個啦......
心諗,有無咁求其得咁緊要 ,就咁係半信半疑之下,膽粗粗就自己動手,試下第一次自己換針,
整個過程大約10幾分鐘,好好彩無整到支針,果刻覺得都唔係咁難啫
攪掂哂之後,即刻拿拿聲拎隻膠膠出來,試下係唔係真係咁堅,
當一出聲之際..........點解大聲左咁多 ?平時用原裝mm頭,個amp要開成42度先叫夠聲,
依家32度已經好夠聲啦,唔只大聲左,原來之前一直聽到既聲,係咁難聽,依家d膠聲出返來,果刻真係好感動 ,原來黑膠真係咁好聲,雖則我知自己套機又唔係d咩貴野
同埋新手過唔新手
但出來既表現已經好過哂我之前由cd機所出既聲............覺得今次呢個少少既升級十分超值
待續........
繼上之換左個正頭之後..........發現左有幾個嚴重既問題
1. 當一落針既時間,個頭好快咁已經向內掃左埋去,之後隻碟就花左少少
2. 當聽到高音or大聲既時間,有拆聲既情況出現
3. 發現d聲好似好重好實咁,有少少怪怪地
4. 支臂有頭高尾低既情況出現
係呢個時間,我當然又打比棍哥幫拖,佢就打左一段水蛇春咁長既野比我.......
呢段水蛇原來係黑膠秘笈
但由於棍哥佢身負重任,未能傳受內功心發比我,所以我只可以做到有形無實........
因為咁,我就請教左另外兩位高高手幫幫我,他就是人稱毒梟既kyu888,佢既內功真係深不可測,只係用三言兩語,就解決到小弟既問題,有機會一定要去佢既毒氣室吸吸膠毒
而另一位就係hifi德明哥,佢個人真係好到無朋友 ,佢教左我好多黑膠既setup時要注意既野,同埋分析黑膠係咩一回事
係呢度我要多謝呢幾位大師,令小弟獲益良多 ,最最最後..........
當然重要多謝一個人,佢就係set盤大師三通roymand啦,因為佢好好人咁平左d工具比我,雖然我之前同佢訂左個盤,到最後因一d私人問題不能幫襯佢,但佢大人不記小人過,真係好多謝佢.
講左咁耐,都要介紹下邊幾樣工具,
呢三樣就係我現在有既最機本工具
到最後再比張叫做set好少少既相比大家過目下,影得唔好set得唔好請指點指點
|
IP卡
狗仔卡
發表於 2012-11-7 00:20:36
提升卡
置頂卡
沉默卡
喧囂卡
變色卡
顯身卡
發表於 2012-11-7 09:52:00
