「K仔會」之有前冇後 - Marantz AV8801

itloan

係細細個嘅時侯，已經成日聽啲老人家講，千祈唔好去夜街，仲會撞到好多壞人㖭！話說有晚小虫就係不聽老人言，走咗出去欄夜街、食糖水，點知真係遇到啲壞人劈友，俾班四Ｋ黨圍住。呢班Ｋ黨真係兇殘，拎住啲百五Ｋ、三百Ｋ、千二Ｋ、千五Ｋ出嚟四圍劈。小虫稍為還兩句嘴，呢班Ｋ黨就擸齊架生上門揾晦氣，仲話明如果唔服燒賣，啲波音707呀、幽靈二三四呀，會續件上門拜年喎。

小虫一向都用開甩士文嚟聽歌，覺得部590A厚暖有感情，但見到呢班Ｋ黨勢兇夾狼，正所謂好虫不吃眼前虧，唯有口中諾諾、心中眇眇，連徐係褲頭窼封老毛出嚟，大叫三聲：「Ｋ仔萬歲！萬歲！萬萬歲！」

返到虫竇，雖然冇左三個六，總算係破財擋災，小虫就係懷住呢個阿Ｑ精神去迎接蛇年嘅降臨。

然而世事往往係福無重至、禍不單臨，就係蛇年嘅第一個工作天，小虫就遇到呢件人稱「有前冇後」嘅奇案。以下就係案發經過，呢啲祈福案情如有雷同、實屬不幸！

.
.
.

話說過年前K仔H撞見小虫：「嘩！呢部8801好Ｌ勁喎！聽講啲空間感仲赢哂 Anthem D2V 㖭！」聽到呢句，小虫真係流哂口水，D2V就買唔起，馬仔8801就仲頂得順。

跟住K仔Q行埋嚟搭口：「係呀！之前我都玩過部馬仔7705，唔錯㗎！呢部嘢貴成倍，冇得輸！」以前小虫用過一部馬仔7500，覺得睇戲馬仔冇乜勁。好彩Hiendy上次搞咗場馬仔演示會，令小虫明白勁度可以用十仔去改善。

呢個時候K仔F又貢出嚟講：「小虫、入得嚟Krell仔會，S1200就啱你用啦！」小虫心諗，嘩！越講越富貴，冚班冷大富貴嚟嘅！其實虫竇得個十呎乘十呎，邊有資格用呢啲架生。

K仔H見到小虫面有難色，拋抵句：「呢部好嘢嚟嘅！不過第一水貨係貴啲，早買早享受，遲買平幾舊。嗱！小虫你不如過年後先買啦！」

如是者到咗華倫天奴日，正常人就緊係去揾女，但K仔Ａ就嚟揾小虫：「嗱！咪話對你唔好，幫你搞掂咗馬仔三寶。一、現貨。二、友情價。三、包埋貨van 車你返屋企，的士錢都慳番！」

小虫心諗部後級都未入門，買部馬仔前級有乜用。K仔A見小虫開始用腦諗，便施施然點起支香煙，跟住向小虫猛噴咗啖煙。就係咁、小虫迷迷胡胡之間放抵銀兩，抬咗部機返屋企。此回正是有前冇後，擺係度罷就！

後記：小虫部貨van都未返到屋企，K仔H就打電話嚟話：「小虫，你部馬仔出咗喎，咁啱部後級未有，擺係度盞壞，拎嚟Krell仔會認真測試下啦！」

ilccmcf

先update 個firmware 先。
不過up成幾個鐘，小心地up,唔好亂熄機，up完仲堅。離銀普。

VW.R36

梗係,電器唔用好易壞....

MarkMak

好可惜去唔到呀

itloan

ilccmcf 發表於 2013-2-17 01:33
先update 個firmware 先。
不過up成幾個鐘，小心地up,唔好亂熄機，up完仲堅。離銀普。 ...

收到，唔該哂

felixk

K 仔i 有病就早D訓 咁夜出Post

katsui

師兄，咁你會用乜後級配馬仔？

alou

正呀, Ching, 買咗幾錢呀, 同埋呢部前級可唔可以搭配 Onkyo PA-MC5500 後級用架?

itloan

felixk 發表於 2013-2-17 04:09
K 仔i 有病就早D訓  咁夜出Post

病到瞓咗兩日，你估我想咩！咪又係Ｋ仔會班大佬一定要小虫出 post，仲話唔使急、但要快

itloan

各位Ｋ仔大佬，Hiendy係一個「正經」嘅搞機俱樂部，唔係搞女俱樂部呀！唔使著到咁呀？

kelvinchow8

恭喜虫哥成為新馬主 !

黍 , 未有後級都要用有源電腦喇叭玩住先 , 頂頂新機引 ~

睇黎你前級唔用K , 後級睇怕你都走唔甩 .

itloan

VW.R36 發表於 2013-2-17 01:35
梗係,電器唔用好易壞....

itloan

katsui 發表於 2013-2-17 08:35
師兄，咁你會用乜後級配馬仔？

預備用 krell s1500、5ch，加埋部 luxman 推前置，玩7.1。小虫得一百呎空間，兼夾用開合併機，查實用邊部後級都會有改善。

katsui

itloan 發表於 2013-2-17 13:13
預備用 krell s1500、5ch，加埋部 luxman 推前置，玩7.1。小虫得一百呎空間，兼夾用開合併機，查實用邊部 ...

我依家都用緊Luxman 507u 聽歌，如果用馬仔前級+其他後級(唔用合併），聽歌會唔會差過剩用合併機？

bigpun1975

alou 發表於 2013-2-17 10:53
正呀, Ching, 買咗幾錢呀, 同埋呢部前級可唔可以搭配 Onkyo PA-MC5500 後級用 ...

Why not

rklpoon

唔使急,但要快,搵番部後級

yuppi

itloan 發表於 2013-2-17 13:13
預備用 krell s1500、5ch，加埋部 luxman 推前置，玩7.1。小虫得一百呎空間，兼夾用開合併機，查實用邊部 ...

馬仔+ Krell, 今次真係馬 krell friend...

我都想試馬仔 + Mordaunt Short 一套西裝既威力

yuppi

katsui 發表於 2013-2-17 13:58
我依家都用緊Luxman 507u 聽歌，如果用馬仔前級+其他後級(唔用合併），聽歌會唔會差過剩用合併機？

...

應該冇 507 咁好

katsui

yuppi 發表於 2013-2-17 20:25
應該冇 507 咁好

thanks

ilccmcf

未update 前玩11.2只可以DSX
up 左就可以獨立 11.2 出dts neo:x
所以必up

另外動態vol 千萬不好用，推到隻環繞邊。有bug
仲有如果用埋AUTO 控制 10仔, 會唔見晒D底音
好似我個CASE , 本身全部喇叭都底過40周, 做左AUTO CAL 之後 最好自行改返 60周以上, 埋身好多
SET 80 周直頭重拳... 睇自己口味