改換舊woofer單元 part2+用後感：

hin5509

part 1連結(23樓)：
http://www.hiendy.com/hififorum/ ... 6orderby%3Ddateline

繼上回自己改換左個舊Enerey Woofer單元後，
今日再去ssp買埋個車用woofer音箱返黎，




裝埋之前買果隻大地震12吋：




依隻音箱好特別，分兩層，
單元正面果層用膠片密封住，
靠單元後面果層既氣孔反射低頻出黎！
可以講係前密封式+後反射式！
上網查過好似叫做帶通式音箱！

再改用Sunfire Junior份Amp黎推佢：



因完成後時間太夜既關係試唔到住，今晚用煲woofer聲檔煲佢一晚先！

小小用後感(28-4-2013 下午)：

今日爆左一個下午，覺得依個diy大地震屬於量感型，但反應不會太偏慢，速度都可以的，
可能係密封式+反射式既特性，有密封式既速度同反射式既量感，
唯獨是在開得大聲及在大動態時會聽到明顯既音盆震動聲同噴氣聲，
有可能係個單元用膠料問題同埋音箱反射筒太短！
要解決唯有把音箱裡塞滿吸音物料，剛好有個爛咕o臣係度，

一於用佢d似綿非綿既野塞入個音箱度，

完成後在同音量時d噴氣聲同音盆聲就少到差唔多無晒！
要近聽才會聽得到，塞綿後量感會減少左d ，加大小小音量便ok，
相位0同180分別不大，取其中間90便算。

搞完個大地震緊係黎過雙12玩下啦！
試左好耐隻enerey既相位，大既都係要較到90左右才感到聲量較大，可能係受大地震個相位影響關係吧！
而音量就要調番細小小，否則低頻量會過多！

現時大致上調較到到有量同有小小震到心既感覺，
雙12量感始終好過單12，兩隻音量唔洗開咁盡便能達到我需要既音量，
但好聲就唔講得喇，始終一分錢一分貨，但對於小弟既蝸居同口味都算適合！
最重要係在我要既音量下唔再咁易拍邊，又唔洗浪費左兩個老拍檔！
其實小弟覺得如果依兩隻單元掉轉配效果可能更好，
無奈隻大地震圓週大左小小放唔到落enerey個音箱槽度...

總括黎講，這種diy玩法對於d用緊入門級或舊器材而略嫌有d不足，但又無太多銀兩去升高級器材，
這未常唔係一種經濟既升級方法！

共花費：
兩隻12單元$7xx+$9xx+音箱$6xx=$2.3k內

多謝各位c兄既加分！！

4-5-2013小更新：
唔知係技術上問題還是太陽火份amp真係到期既問題，
五一果日爆左一個下午，到夜晚睇完套韓片後關機收皮，
過左十零廿分鐘左右突然聽到好大既電流聲，
發覺係太陽火推果隻大地震發出黎，左試右試都係有電流聲，
只要一插電就有，而且到個woofer無音源入十零廿分鐘後跳去standby mode時重更加大聲，
到今日下午試下大音量時發覺打出黎既低音係失晒真，最終宣報太陽火份amp係壞了...
幸好重有份陳年建伍sw-900 amp係度頂住檔先

iwantbd

預祝成功

hin5509

iwantbd 發表於 2013-4-28 01:25
預祝成功

thanks! iwantbd c兄！

psming

Good!

corolladv

等你報告師兄。 雙十二喎。

timmywan

自家製好玩

sommer

師兄，好有心機呀

hin5509

corolladv 發表於 2013-4-28 08:32
等你報告師兄。 雙十二喎。

報告以出

kelvinchow8

hin5509 發表於 2013-4-29 01:36
報告以出

雙12" , 小心鄰居投訴 .

DIY ~ Enjoy !

hin5509

kelvinchow8 發表於 2013-4-29 01:47
雙12" , 小心鄰居投訴 .  

DIY ~ Enjoy !

入門級雙12應無咁勁掛...
而且放在櫃上無咁直接震，大門已換實心門，d隙縫已用門隙膠邊封密，
只欠門旁個氣窗未搞，遲d會整塊板用玻璃膠痴實佢上羅絲封埋佢，
只係在星期曰爆下，到6點就收皮，希望唔會啦！

Thomas87

hin5509 發表於 2013-4-29 02:08
入門級雙12應無咁勁掛...
而且放在櫃上無咁直接震，大門已換實心門，d隙縫已用門隙膠邊封密，
只欠門旁個 ...

用了五年的Sunfire Junior Subwoofer 的 woofer 單元 最近亦壞了, 亦準備自製 Subwoofer.

在 Sunfire Junior Subwoofer 的 plate amplifier 拆下來及檢查及發現一切正常之後, 在美國 Amazon.com 網上買了一個 4 ohm woofer 單元 (如果不肯定 plate amplifier 的輸出 ohm 值, 最好買 dual coil woofer 單元, 之後可以用不同接線方式把 ohm 值設定為 2, 4 或 8 ohm).

http://www.amazon.com/Earthquake ... =earthquake+dbxi+12

部份 Amazon.com 的零售商是不會把貨品付運至海外, 所以購買的時候, 可以使用由 comGateway.com 集運公司 提供的美國本土地址收貨, 之後, 再由comGateway.com 付運至香港地址.

個人心得, 使用 Aeon VISA 付款比較安全, 因為每次網上付款交易, Aeon 保安部會致電手提電話來核實.

現在衹欠最後一步, 找人在淘寶網購買 12 吋空音箱.......

有沒有師兄介紹如何在淘寶網購物及支付費用??? (我沒有大陸手機號碼,沒有大陸銀行戶口, 沒有大陸地址等等)

http://item.taobao.com/item.htm? ... &id=14698980557
http://item.taobao.com/item.htm? ... &id=16042416738

hin5509

Thomas87 發表於 2013-4-29 19:09
用了五年的Sunfire Junior Subwoofer 的 woofer 單元 最近亦壞了, 亦準備自製 Subwoofer.

在 Sunfire Ju ...

小弟英文差網上購物真係唔懂，而且感覺無乜保障，
如果c兄你係訂購左Earthquake DBXi Series SPL Car Subwoofer DBXi-12 ，
我睇佢同我果款紅色Earthquake設計用料差唔多咁，我建議你買音箱最好買密封式先，
因為佢個音盆用d類似膠既物料造，大動態時果音盆會有d唔知乜野聲，但又唔似係拍邊聲，
我之前試過密封式效果係好好多，反應快及低音會實d，控制力ok，
反射式會低音過慢，聽快歌死得，d低音慢半拍咁，大既係因為隻woofer係粗邊衝程大既關係吧，
如到時覺得密封不好才開孔加反射筒都未遲。
淘x買野最好有大陸朋友幫手。如果無聽講話可以在7-11買淘x幣入落自己個acc度，詳情小弟都不清楚！

Thomas87

去 Amazon.com 買的原因是香港零售價太貴了.

http://www.caraudio.hk/product/earthquake/DBxi12.html

用 VISA 網上購物, 信用卡保安支援很重要, Aeon VISA 是每次皆會來電核實, 感覺上比較安全.

因為從來沒有在淘寶購物的經驗, 將來機會亦很少, 所以打算用代購服務.

www.bidinone.com

hin5509

Thomas87 發表於 2013-4-30 10:08
去 Amazon.com 買的原因是香港零售價太貴了.

http://www.caraudio.hk/product/earthquake/DBxi12.html

呢個代購網如收費不貴都好似幾好咁！
c 兄為何不直接網購一個現成woofer??
Amazon我見d woofer都好平！只係唔知運費貴唔貴！

Gary33

DIY

七彩小生

激爆時噴氣聲 - 拿走出氣膠蓋 ! 唔信可試下

hin5509

七彩小生 發表於 2013-4-30 12:58
激爆時噴氣聲 - 拿走出氣膠蓋 ! 唔信可試下

c兄意思係拆走塊透明膠冚？？

七彩小生

hin5509 發表於 2013-4-30 13:27
c兄意思係拆走塊透明膠冚？？

no.

拆左這出氣膠管道, 應好易折裝. 開工前留意下噴氣聲是否在這位置

hin5509

哦，即係唔要噴氣管就咁得個洞？？
等小弟得閒試下先！多謝c兄指教！

七彩小生

hin5509 發表於 2013-4-30 15:41
哦，即係唔要噴氣管就咁得個洞？？
等小弟得閒試下先！多謝c兄指教！

yes, 就咁得個洞, 我試過兩次, 兩次都是這噴氣雜音問題solution. 你可試試.

淨番是聲箱雜音, 用黑麻石壓下, 減許多雜音, 淨番的雜音, 極限左就冇計了. 由它吧! 反正要求高都入左JL 112 啦