分享一d想法，我真係幾擔心

king

擔心咩？音響業的前景囉！！

我有三個體會：
1.話說我舊年年尾參觀廣州的音響展
會場內少不免有行家周圍吹下水

我響場內聽得最多係：
問：老x，生意點呀？
答：你話呢？同你一樣咁差囉！家陣生意難做呀！！

內地已經係世界hiend音響需求最大的國家，你地都話生意難做？咁咪

2.我有屋企人，呢幾年走左去做廠，咁岩係響內地做音響生產線（最衰又唔係超級hiend廠wo！唔係益下我都好啦！ ）
佢地廠主力做d大眾牌子的oem
但連佢都話：呢d生產線家陣摺得就摺，大眾化音響？家陣年輕人係玩iphone，ipad，數碼音樂，邊有人再響屋企放對喇叭咁on居架（我咪係囉！ ）佢間廠早幾年都有oem一d 插iphone用的微型音響，但佢話家陣外國連呢d產品都唔係咁賣得，有d公司仲摺埋左，拖左佢地幾M USD數未找！蝕到hihi 家陣有大牌子搵佢地做下mini hifi，int amp都已經好好，但買少見少啦！！！所以佢地廠都要轉型做耳筒，佢話家陣耳筒先係hifi工業最好賣同最賺錢的

3.其實睇新聞都知，歐美，甚至日本，年青人的失業率愈來愈嚴重，過去的消費大國，佢地新一代連搵份工都有困難！！早十幾年前過美國，見佢地d後生，入大學已經買左錢七代步，有錢的更加係開名車，但我聽聞家陣老美d後生仔已經唔多愛車了！寧願坐下公共交通工具慳d錢......咁你話，響佢地國家，奢侈品類，hifi排到老幾？

講近d，台灣一向係hifi熱賣地區，但睇過新聞，家陣台灣大學畢業都係月入二萬新台幣，折合港銀五千大洋左右，咁的人工，點負擔愈來愈天價的音響？佢地老一輩，賺錢的黃金時代都過左，有錢都留番黎養老，仲會花費幾多落hifi度？

再近d，神州大地，雖然大款駛大錢的時代未過去，但習李新政上台，呢d瘋狂消費似乎要收一收火！再講，以往所謂超級富豪，多少都係靠「地下資金鏈」而暴富，家陣呢d鏈開始斷斷地，你睇溫州幾大鑊就知！家陣祖國開始要清算d不良信貸，身有屎果班部署緊著草！我又有親戚響內地做房地產，佢話家陣唔做內銷啦！改賣國外的投資房！一架架飛機就車d大款去東南亞買樓＋移民，呢d睇樓團團團爆，仲勁過旅行團！你話冇左班大款瘋狂消費，所謂的hifi音響，仲靠邊個撐落去？？？

我玩hifi，斷斷續續都有十年，感受最深，係d定價火箭式上升！你睇十年前，jmlab都叫做一個抵玩的入門級牌子，80x系列都係一萬樓下，要90x先開始過萬，今日focal要收你幾多？？價格上，我諗除左av野冇咩點改變（受惠於技術的提升，其實仲抵玩左），兩聲道產品都係下下攞你命三千！！

我最擔心係，hifi產品定價愈來愈同社會脫節，一來趕左唔少新一代玩家，二來當老一輩玩家都要舉手投降時，咁，擁有悠久歷史同豐富技術的廠家，就隨時一夜之間game over！就好似恐龍滅絕咁！！最大鑊的，係倒閉潮之後，家陣當紅的音響工程師退的退，又或者改行賣咸鴨蛋，成個hifi工業就會出現技術性斷層，甚至毀滅！ 舉個例子，就好似d晒相師傅咁，呢幾年玩數碼相，少左人學晒相，學的都係玩票性質，好多特技都冇人學冇人教，過多十幾年，能夠成功晒到張相的，已經係大師傅了！！

如果hifi業真係到左咁的一日，我真係驚到左二三十年後，我地要千辛萬苦咁去搵一部產於2000年代，而運作正常的古董音響去重拾「玩hifi」的樂趣！（個慘況就好似家陣我地搵六十年代靚膽咁！）

希望我係杞人憂天啦！！！

johnmo

最多越來越小眾,少幾個牌子/鋪頭,幾本hifi書收皮,無哂中間個層,普通人家唔會玩而已

hifi以奢侈品來說,又唔算話最貴個d (比起古董,錶,藝術品,珠寶之類),大款點都會買幾件番來當傢具擺下做裝飾卦

天下第一刀

家陣當紅的音響工程師其實99%系半桶水﹐，成個hifi工業近15年已經出現技術性斷層.
我發現一個50年代的中音比現在99%的中音喇叭好聽。

CountDeMoney

Hifi 從來都是小眾玩意. 一來本身貴, 間屋又要夠大, 二來要時間心機玩, 相關資訊不透明, 三來在擺位、聲浪和財政三方影響家人, 要他們都接受, 四來有廉價替代品, 講真只要有好音樂, ipod配耳機其實ok, 最後就是Hifi不能像衣服手錶珠寶般可以帶出街彰顯身份地位.

小弟不會太悲觀. 古今中外的人都喜歡音樂. 只要欣賞音樂, 總會有一部份人追求更好的音質. Hifi廠汰弱留強是必然定律, 但始終會有一定需求. 除非headphone科技發生革命, 和hifi差不多好聲.

Bomb_Dance

我又覺得不用那麼擔心就是……

音響之所以少了人玩，是因為現在多了東西要花錢。
音響市場會萎縮是事實，重要的是看音響廠家如何迎戰。

更何況音響市場不單要跟現時的品牌競爭，還要跟一大堆二手器材挑戰。
如果不是比舊有器材好，消費者根本不會買單。
不過這也正好推動廠家不斷進步，對消費者還是有好處的。

ilccmcf

個世界是轉動
錢其實唔會唔見左的
今日中國人有錢
當廠商慢慢離開中國返回自己國家時
其他國家就慢慢富起來
好似日本.... 衰左咁多年.... 慢慢慢慢之下好多都回歸返MIJ
MIJ 係一個保證... 慢慢慢慢就多人買返... 日本都開始回復起來... 你唔見多左好多人去日本咩???
APPLE 都搬家了... 富屎康迫人跳樓扮自殺都唔會再發生了

sealteam4

根本經濟就流動，我只知香港愈來愈無前景，生活愈發困難，有錢人愈來愈少，中產都無法居有定所，咩玩咩音響
至於大陸，它只是近十年不正常暴發，遲早也會在發展的模式下步入正軌
你唔駛擔心，美國歐洲市場甚至日本都是一樣，市場蕭條左好多年
大陸市場轉淡靜係正常，在暴發過後市場自然淘汰一批業內人士也是正常，當然為你朋友家人市場內的人祝福，希望佢地是捱下去進步成成熟廠商的一批
我作為玩家當然也希望愈來愈平，但有些大廠開始走平民化路線推好多入門級平產品，你回頭聽返會寧頭，無法，中左深的毒只有努力搵錢，返唔到轉頭，只能再去毒更多朋友毒埋其他人

diamondblack

別杞人憂天。任何生意行業都沒必勝法，況且hifi從來都不是大眾化玩意（音樂是，hifi不是），在我老爸的年代他又未嘗不是要升級就要食樹皮度日？

Cyrustam

仲好, 多啲歐洲廠仔做音響..... 唔洗吓吓被大廠dominate晒.....

Law記

品牌生產商加代理都係殺雞取卵

westdoor

幾年前做廠嘅驚聞国內甚麼宏觀调控再加個甚麼新勞工法规，個個都话果次死梗，结果又係年年難過年年過！
名牌HiEnd高訂價係比富豪專用，一般用家可以不理，最近同一個親戚執左套萬零蚊嘅全包宴，開聲後連佢刀話點解咁平刀咁好腥嘅，同D十十聲嘅组合真係唔輸好多喎！平價貨其實一樣可以好有水準！

Audiophilelp

同意!
音樂是必須品,但音響器材是豐儉由人, HIFI不會滅絕!

不要太悲觀!

kelvinhin

講真, 依家音響市場已經走向M形化, 即係大陸Lo-end貨漸漸強盛, 歐美hi-end貨愈出愈貴, 反而中價貨個market就縮水.

obee

係咁架啦, 有飯你好食... 今日唔知聽日事.

chengvin

我估强國都有D有心有力人士推自家品牌延續個市場，DAC，喇叭，膽機。。。。當然$是大眾化。退一歩稔，再過十年八年就吳駛高價買膽。

天下第一刀

sealteam4 發表於 2013-8-5 10:19
根本經濟就流動，我只知香港愈來愈無前景，生活愈發困難，有錢人愈來愈少，中產都無法居有定所，咩玩咩音響 ...

‘中產都無法居有定所’系12年前以美國為首的全球所有政府變相壓榨人民收取更多稅金的一種手段﹐系一招隔山打牛收錢必殺技﹐---
賣樓的﹕利潤所得稅
買樓的﹕你的樓比以前昇值三倍﹐交兩倍的房產稅吾過份J﹗
銀行放出的貸款﹕利潤所得稅
房東說﹕樓價上昇了三倍﹐租金也要上昇三倍﹐不然如何還銀行貸款及保障投資利潤﹖
老闆說﹕本來想比D伙記加三倍人工來抵消當前房價﹐無奈租金昇左三倍﹐大家有飯吃已經吾錯。。。。。。。。

到目前為止﹐美國還不讓銀行拍賣還不起貸款的房產。。。。。。。。。。。。

結論﹕人民的錢被政府變相收光左﹐還有錢消費嗎﹖

redwing

CountDeMoney 發表於 2013-8-5 10:01
Hifi 從來都是小眾玩意. 一來本身貴, 間屋又要夠大, 二來要時間心機玩, 相關資訊不透明, 三來在擺位、聲浪 ...

我老婆都成日話買三幾十萬一隻錶，仲有價值過買十零萬一套hifi，佢話hifi係得你一個玩，又無乜人睇到，帶隻名牌錶，出到街好多人都識。

其實而家玩得起hifi既人真係少左，玩得到既一定要有充足地方同$$$$，而家hifi市場同我十幾年前唔同晒，果時一萬幾千大把入門野選，而家我朋友想用20K買部合併都無乜選擇。

mahi

年青人玩head－fi也不是個個聽iphone算數，好多都係有要求，吾係Dheadphone和headphone amp點會成行成市？老實果部A&K我都吾捨得買呢！

他日呢批人有能力揾錢，聽慣高質野又點會玩mini套裝機甘簡單呢

ivanchan

師兄勁！由hifi講到全球經濟。

king

ivanchan 發表於 2013-8-5 17:10
師兄勁！由hifi講到全球經濟。

hifi始終都係一個產業嘛！

七八十年代日本經濟如火箭般起飛
同期又有亞洲四小龍

呢個正係hifi業最興旺的時代！

hifi唔係咩必需品，環球經濟唔惦，再加上生活模式改變
hifi興旺的時代似乎一去不返