從師兄手上接手期待已久既德國鞋帶-WBT版

titus614

一心唸住入咗Player先換缐...不過發現網站有師兄放售呢條缐唔知點解個心有種掛住掛住既感覺...每次開二手區都第一時間睇下賣咗未....一路追蹤咗佢一段時間 !! 睇見未有人買師兄一路減一路減~終於減到差不多我Budget了...要出手PM佢了 !!到成交日可以再減多些少低過我預計添~~慳咗 !!!夠我入多粒"屎" 餵下部膽膽...太心急連開盒相片都未影就駁咗慢火煲緊...只有影下個盒同條舊鞋帶(唔係~呢條舊缐直頭似一對通渠籐竹先啱...超硬 !!) 雖然屋企套兩 channel器材唔係咩靚嘢唔Post全相了, 而且呢條二手線聽得出都未正式煲開... 暫時未能KO我條舊花簱線, 不過初步試Detail位多咗...認真聽我相信呢條德國鞋帶應該 只係未釋放啫...需要點心機及時間煲下一定有喜出望外既聽感 !! 襯煲練期間都繼續尋找緊部啱心水既 Player...

pano

嘩!隻頭會唔會貴過條鞋帶

ivanchan

Ching, 對徳國鞋帶效果怎樣？

titus614

ivanchan 發表於 2013-8-18 08:57
Ching, 對徳國鞋帶效果怎樣？

Sommer呢個牌子好多人都覺得質素只係普通平價嘢...但係呢條EXCELSIOR絕對有功課交 !! 雖然我只係插咗兩日用咗不到十個鐘, 加上屋企用既只係d普通器材:Melody super34 + Pioneer VP 酒桶仔書架喇叭仔, 不過都感覺非常自然耐聽...我自己屋企CD大部份女歌手多...呢條線碰埋膽機能夠帶出一種比之前條Tara Labs RSC 更強烈既女聲嬌媚, 整體人聲凸出咗而且輕快開揚咗...不過如果聽返d大氣動態激昂歌就冇之前條花籏線禁激...(不過我套器材setting都唔係power路線所以唔算大問題~~)正如之前扒文都有提及過呢條Sommer旗艦缐高中頻比較優秀偏輕快類型, 絕對不能少看佢平平無其既包裝外觀, 但質素絶對高價性比...聽賣家師兄講呢條係WBT版本連線身都比普通HICON插頭版本更優質...雖然有點"妹仔大過主人婆Feel＂條缐差不多接近對喇叭價錢好似唔啱比例, 不過我非常滿足今次升級呀...期待Run-In後及升級埋部Player更上一層樓 !! ~~多謝收看入門級既Review

pano

titus614 發表於 2013-8-18 10:22
Sommer呢個牌子好多人都覺得質素只係普通平價嘢...但係呢條EXCELSIOR絕對有功課交 !! 雖然我只係插咗兩日 ...

"妹仔大過主人婆Feel" ... 小弟有少少感想...
有些事情和玩的方法, 真的不要介意其他人的說法, 自已喜歡就好!
如當年玩相機, 我成日同朋友講, 相機 Body 唔好追, 年年出新更新, 功能和像表... 鏡頭, 腳架和波頭, 買勁D高級D, 九世不更新。
有多少人10萬套装推10萬喇叭? 有多少人50萬套装推50萬喇叭? 大家心知沒有一定方案。
有些玩線材的師兄, 下下計落, 電源線, 喇叭線, RCA, XLR, Phono cable...etc 分分鐘可以買多兩套機也不定。
小弟有一不好的 DIY 經驗, 線插用得不夠好, 條線變廢線。

titus614

pano 發表於 2013-8-19 02:26
"妹仔大過主人婆Feel" ... 小弟有少少感想...
有些事情和玩的方法, 真的不要介意其他人的說法, 自已喜歡 ...

多謝分享個人感受...Thx!!

titus614

經過二十日我用部陳舊DVD機悉心煲練...數數手指都應該超過一百個鐘了 !! 今晩早咗收工一於返屋企駁返我部CD機去欣賞一下對鞋帶煲成點先...

攞返自己熟悉既至愛CD一按Play...可能我d至愛係慢歌女歌手CD多~初頭都好似冇咩大改變, 但聽到第二隻CD＂陳潔麗 - Purely"時就有好大正面轉變了...感覺就好似自己戴上大耳牛耳筒一樣lily直頭行前咗喺我耳邊唱"小風波"~有種好入耳既感覺, 比之前條Taralabs RCA 多咗一份更輕快清爽既feeling 加上高音又伸展得亮麗甜美咗...感覺好多段歌都柔順咗有樂器既地方分明咗, 不過可能我屋企對先鋒酒桶仔喇叭先天bass唔係強項加上我好少重Bass既CD去煲低音而且亦都唔方便成日Boom Boom Boom,  所以低音改變唔太大...希望繼續煲練再有多少少驚喜 !! 我亦努力儲$唸住換部好d既CD player & DAC...多謝收看我好初哥既聽後感 !! 不過我真係好推介呢條Sommer 既鞋帶~~Excelsior RCA