First Watt B1前級 火併 PASS ALEPH L前級

kelvin99

首先介紹兩位參賽選手,其實兩位都係同一個老豆(Nelson Pass)所生,可以話係兩兄弟,大佬大過細佬十幾年,唔知兩兄弟嘅表現邊個好D呢?

今次比併所選用的器材及線材絕不是什麼HIEND名機,也不是貴價名線,只是一些窮人玩的普通器材及線材,而測試用的CD更不是現今的什麼HQ,AQ,HD,SA,M2,LPCD,XR......等等!只是一般舊版普通CD,但舊版我認為是最好聲的,而兩位評判也認同,所以一致挑選了十張靚版CD作為今次的測試,不喜歡的師兄們請勿見怪 (可能我們老餅掛)

首先要多謝fatso兄借出佢嘅First Watt B1前級來作客,來到我主場對我真藏多年的PASS ALEPH L前級
為公平起見,fatso兄的B1須改回原廠的Switching牛才進行比併 (因他早已改了一隻重料DIY 24V牛給B1用)

場地就在小弟家中一個只得幾十呎的房間,請各位不要見笑

後級選用了Conrad Johnson的原子粒石機MF-2250,而CD機則選取了LINN 的 IKEMI,而喇叭就揀選了YAMAHA 的NS-10M PRO Monitor喇叭(這會較為公平)

至於線材方面全用RCA,因兩部機都只得RCA輸入,CD去前用Black Cat Cable Lectraline RCA(取其分析力高及細緻),前去後用Straight Wire Rhadsody(取其平均及自然),而喇叭線就只用古河的FS-303(取其中性冇味精),前級電源線用Voodoo Gold Dragon,後級電源線用CJ原廠線,CD機電源線用WireWorld ELECTRA 5.2

兩部前級須各自Run-in三日,因兩部前級都冇Power制,一插即着,所以用Tuner駁住兩部前級長煲三日才開始火併
三日後大戰一觸即發,由於地方細,只可容納三人(我,fatso兄,elannic兄) 大家準備好就開始.....
先出場係有主場之利的大佬ALEPH L,我們三人都好用心去聆聽他的表現,反覆試了用來測試的CD,研究及討論之下,得出了初部的結果。之後再到來作客的細佬B1出場,大家也很細心去聆聽,播返同一樣的歌曲,經再三研究及討論之下,將兩位的優點與缺點集合作比較,再經我們三人詳細的分析下,得出了結論:

今次的比併結果是兩兄弟沒有那一個可以話全面勝出,而是此終兩兄弟同出一人,聲底是完全一樣的。
哥哥ALEPH L聲音通透乾淨,音色自然好有Analog味,極中肯地演繹每一首樂曲,沒有半點修飾,不加任何味精,即是話你比乜佢,佢就出乜,音場的深闊度尚算平均,樂器的定位也準確及可清晰交待,但略嚴音樂感不足,中頻有肉但略欠小小低頻的動態。至於人聲方面正是他的強項,口型正中,表達感情豐富,厚度適中,極似膽機播的人聲。這方面細佬B1會有所不及的。

至於細佬B1的聲音也是通透乾淨,分析力是他的強項,這方面是贏了哥哥的,弱音清晰定位準確,音場的深闊度也比哥哥去得更盡,音樂感豐富及動態較強。那豈不是全面勝於哥哥? 我們初初分析也是這樣諗,但再細心討論之下,哥哥的自然音色及Analog味,人聲的感情表達,細佬又有所不及,細佬此終是新一代的機種,如用他來演繹一些新一代高清的音樂,他絕對會優勝於哥哥。但如播一些舊錄音,舊人聲,那種自然的感覺,哥哥的表現又會優勝於細佬!

總結:
今次的比併是同廠新一代與舊一代的前級比較,兩部也是Nelson Pass的精心傑作,今次比試可聽出新舊一代聲音取向的變化,舊一代比較著重自然及Analog音色,新一代較為著重高清及動態的音效。新一代喜歡追求高清音樂的發燒友,B1絕對合適。舊一代的ALEPH L,那種自然及乾淨音色,又是我們舊一代老餅發燒友所追求的。
以今時今日,B1的身價遠低於當年的ALEPH L,如今Nelson Pass賣大包益用家,絕對是新一代發燒友的福氣,我們三人也一致認為,以一萬不到的前級嚟講,沒有那一部可全面赢B1
對於追求原音,冇修飾,高分析力的發燒友來講,B1是他們一個平靚正的好選擇,但對於一些喜歡聽味精聲前級的發燒友來講,對不起了,這兩兄弟也不適合他們。
今次的比併會差不多用了5個多小時去測試及討論,再次感謝fatso兄及elannic兄到舍下參與今次的比試!
報告完畢!!!

今次的主角大佬PASS ALEPH L


今次作客的主角細佬First Watt B1


fatso兄親自DIY的24V DC牛給B1供電,可惜為公平起見,沒有參與今次比併
唔講真係比佢呃哂,以為是原廠牛,fatso真係好手工及心機,讚!


裝回原廠Switching牛


比試用的CD機 LINN IKEMI


比試用的後級 CJ MF-2250


比試用的喇叭 YAMAHA NS-10M PRO


經我們三人挑選的十張用作測試的CD (全部舊版)
相信大家都很熟悉吧,不再作介紹了


謝謝各位的觀看!
喜歡的請加分鼓勵
不喜勿插!!!

預告:窮人解碼大比併,即將於同場上演,敬請留意!

fatso

多謝你的熱情招代就真,夜晚仲要請我哋食飯

feellikecyber

有趣有趣

elannic

Kelvin兄，我建議你買多幾罐可樂，啤酒同麥精好難揀囉，最後罐可樂比fatso 搶埋

steven-kk

好正的一場測試報告

gundamfix2005

Nice report

k500a

kelvin99兄，
謝謝分享報告。

williamchan

Kelvin兄又一精彩的前級報告,期待你的解碼報告

kt888

我朋友用緊部B1都聽得好開心,PASS的前級我都玩過幾部,由Threshold開始,Nelson Pass的制作簡單而直接,料唔駛多,設計線路最緊要!
B1內部得幾粒零件,設計簡單,但好好聲!這証明了Nelson Pass的功力,我哋比錢買部機都係為咗靚聲,唔係去計機內零件值幾錢,比錢係買設計者的心思及技考,簡單的線路就是靚聲的根源,這個理論我絕對配服Nelson Pass!

ma73

thanks for sharing, good report

CKL

B1 kit from Pass is very very cheap!

CKKeung

Kelvin99 hing,

How much further improvement there will be if 加上 fatso兄親自DIY的24V DC牛 給B1供電呢？
Thank you!

zoneaudio

CKL 發表於 2013-9-16 15:46
B1 kit from Pass is very very cheap!

要nelson pass出手做，同自己做價格差好遠啊，

我都忍唔住訂左塊PCB番來DIY

fatso

CKL 發表於 2013-9-16 15:46
B1 kit from Pass is very very cheap!

師兄,你這塊版是在PASSDIY買的,是供給喜歡DIY的發燒友去自己砌機,而在PASSDIY網上也可找到B1的線路圖。
但原廠機塊版是不一樣的,唔係個個發燒友都識砌機(包括我),Nelson Pass大方地在網上發報B1的線路圖及提供線路板給喜歡DIY的發燒友購買,在網上亦有很多DIY發燒友去砌B1前級,這也是一種樂趣,但自問無經驗及無心機去買零件試,所以都係買廠機好D

kelvin99

CKKeung 發表於 2013-9-16 15:53
Kelvin99 hing,

How much further improvement there will be if 加上 fatso兄親自DIY的24V DC牛 給B1供電 ...

Hi CK:

當日fatso兄帶埋佢親自DIY的24V DC牛來到我家,嘅然帶到來,點都要試吓啦,點知換咗隻牛之後一開聲,我同elannic兄兩個你眼望我眼,O哂嘴,點解差咁遠??? 而fatso就望住我哋兩個奸笑,開頭心諗最多會好5%左右,點知一試之下我敢講起碼15%以上提升,Switching牛同一隻靚嘅線性牛聲音可以差好遠,最大分别係音場背景靜哂,高頻的通透度提升不小。但問fatso連工包料要幾銀,佢話多謝成為$2500 不過我們兩人都覺得值得比的,就當是買條線都要啦,因為D聲真係差好遠!
可能成本問題,Nelson Pass只跟一隻普通Switching牛,而牛是直入底板沒有經過任何插頭,所以換牛極之方便,不用焊錫!
Fatso剛已Post機內圖,可以參考吓

kelvin99

zoneaudio 發表於 2013-9-16 15:54
要nelson pass出手做，同自己做價格差好遠啊，

我都忍唔住訂左塊PCB番來DIY ...

師兄:砌好咗記得Post上來分享吓

CKKeung

kelvin99 發表於 2013-9-16 16:47
Hi CK:

當日fatso兄帶埋佢親自DIY的24V DC牛來到我家,嘅然帶到來,點都要試吓啦,點知換咗隻牛之後一開聲, ...

Thanks for the info!

zoneaudio

kelvin99 發表於 2013-9-16 16:47
Hi CK:

當日fatso兄帶埋佢親自DIY的24V DC牛來到我家,嘅然帶到來,點都要試吓啦,點知換咗隻牛之後一開聲, ...

就咁睇nelson 可能改細左提供偏壓既濾波cap來調聲,
因為15000uf size好似細左d,
利害利害,其他太細睇唔到,
佢改得呢粒cap證明有大影響,
diy或者mod機師兄要留意一下,
可以從呢度開始tune聲

zoneaudio

kelvin99 發表於 2013-9-16 17:03
師兄:砌好咗記得Post上來分享吓

我地呢d咩野都唔識,
只係識焊下野手作仔有排玩,
希望整得成

CKL

原廠B1果然不同凡響! 我的DIY真是cheap, 不用HK$1k. 也有FET的暖聲。