如何分辨真假flac ape 甚至wav檔案

granville

就算日本和臺灣，都容許特定時間内合法租唱片，但香港97后由極權議員通過法例令大家唔可以再合法租唱片。

如果，又唔中意成張CD買，就只有辛苦去指定網絡購買正版下載，但就算甘， 檔案品質有咩保證？部分網站的所謂Flac或Ape無損格式又有咩保證。

爬咗部分文章，有人提議用audition分析檔案頻譜，認爲如果檔案係由MP3這類低檔文件作爲來源，會出現高頻急跌現象，從而分別原始檔案真確性。例如128K mp3會在15K-16K后失去高頻訊號。而CD wav檔案出的flac或ape文件係應該連續去到22K都有飽滿既資料。甘都好似好有道理。

但睇睇小弟的發現

圖中綠色係我一張正版流行歌CD做出來既WAV檔案頻譜。紅色和橙色係從網絡下載的另一首歌的兩個格式，紅色係mp3 320K, 橙色係flac。 從頻譜顯示，flac檔案那首歌應該很好，因爲在20-22K都有豐富内容；就算mp3 320k也表現神勇，去到20K先無咗資料。相比下，我首原裝CD出來既檔案在20.5k后就跌咗好多。從這裡看，大家應該覺得flac檔案首歌播出來，應該好過我那個wav檔案。

但是，事實下載那兩個檔案播出來的聲音拆得好厲害，好似一個低檔mp3文件食咗大力丸后over咗所有聲音既結果。從整張圖睇，那兩個檔案全程頻率聲壓都比我張正版CD強，但係15K后，條綫好平，好似示波器出得甘正，但320k檔案内，又做戲做足到在20k后突然失去動力。這個結果，比我一個解釋係有人可以製作一個甘完美既假冒檔案，以低檔聲音源冒充原音檔案，甚至做到頻譜都欺騙埋。甘唔知有無CHING，有辦法分別音樂檔案係唔係來自原音。還是我使用audition既方法錯誤？  如果甘都可以做假，正版HD網絡店售賣既HD音樂，都一樣可以用CD通過upsampling谷上去，之後唔知用咩方法好似上面甘，連頻譜都做到假。

一直相信音樂係用耳分析最靈敏，但同時覺得頻譜應該係客觀分析既良好工具。但睇來我既知識係有問題，頻譜圖會出現好大既誤導，甘D錄音室用乜標準工具去評測？真係好多疑問

elannic

你張正版流行歌CD係咩年份?

granville

elannic 發表於 2013-9-18 08:54
你張正版流行歌CD係咩年份?

網上文章也提到部分多年前的CD在高頻方面做得唔好，因爲製作時候既態度和設備問題。不過，我那個WAV檔案係來自一張今年韓國製既K-pop流行歌CD。

首先，我既理解係mp3後面既128k，320k以至CD 1411k係sampling，代表analog/digital轉移既品質。頻譜内既k係該首歌曲製作時候比返幾多頻寬我地，可以係首歌本身出幾寬既頻寬、錄音或製作設備，或製作人想比返幾多出來。兩個係獨立但又相關既資料。由於mp3需要放棄部分資料，往往放棄高頻部分，所以先用頻譜來檢驗。但顯然，這個方法並不可靠，一首非常差既音樂檔案，頻譜顯示非常正。



我做多一個圖，紅色係Susan SACD碟内以CD模式做既， 藍色係張學友K2，黃色係山口百惠精選。粉紅那個就是疑似玩野既Flac歌曲。從圖中發現，流行曲其實在20K后至22K，大部分都比唔出或故意唔比出來，可能目前科學話比大家聼，其實20K都已經唔係甘多人聼到，何況21K或以上。同時，我發現音壓大部分歌曲都應該係在-19dB 100Hz 至 -70dB 20kHz，如果超過這個平均值，好大可能係經過人手加鹽加醋。唔知甘樣理解有無錯誤。

同時，甘不斷追求硬件設備上既spec超越20K甚至22K既時候，但原來好多軟件根本唔會出到。

henry余

我無用過audition.......

不過如果拆聲，即係出現砍頂，就係會出現好多諧波失真：超過22KHz都得。
（或者話：因爲拆聲，所以頻譜超過22KHz）


睇黎，都係靠耳仔，無計......

ma73

flac ape 甚至wav檔案做假?冇想過.

audioquest

我都想知, 所以走去爬左陣文, 最後揾個呢篇野

http://dsync.blogspot.hk/2012/02 ... lossless-music.html

granville

audioquest 發表於 2013-9-21 16:37
我都想知, 所以走去爬左陣文, 最後揾個呢篇野

http://dsync.blogspot.hk/2012/02/how-to-spot-fake-lossle ...

多謝資料。馬上下載試下，唔知CHING你有無試過。 我發現根據網文既設定係會出現error， parameters只能設定為--output %d。

結果係：
拆聲既那個文件：CDDA-99%
MP3 文件           ：MPEG-95%
CD wav 文件     : CDDA-100%

甘既結果唔算差，但又唔算完美。

另外，我係兩個來源不同既地方獲得同一首歌既兩個flac檔案，用audition比較音壓dB和頻譜，結果發現頻譜全條曲綫一樣但音壓不同。一個文件爆格，一個就正常D（用上面既方法，顯示都係CDDA-100%）。我自己rip CD不管用那個軟件，只要係wav，根本無得更改内容，那何來兩個flac檔案有不一樣的音壓？甘即用軟件增強或減弱過整體音壓，但文件還是wav或flac，甘就唔係原音咯。其實分享網站D人按常理無需要甘做，除非用作飛車黨他們喜歡增強音樂聲音在車内爆機（好大可能).

愚見係，如果數碼文件和平台係音樂將來既大勢，甘要有攝影界既raw文件類似既東西比音響界。如果唔係，根本無任何工具可以客觀證明一個音樂檔案是否無損和無經過修改。 目前我覺得wav檔案係最理想，但可惜無咩人用係分享網站。

audioquest

我當然都有試過啦，其實隻野原理好簡單，如果首歌被cut頻，例如只去到17k, 咁佢就話唔係CD, 因為多數lossy compression都會cut高頻。
我用係d精選蹀，結果有d歌話係 CD, 有d Mpeg. 咁反影部份歌個種唔好。
好準唔講得，多個參考姐。
仲有折聲不等於cut 頻，可能有其他原因都未定

granville

audioquest 發表於 2013-9-22 11:24
我當然都有試過啦，其實隻野原理好簡單，如果首歌被cut頻，例如只去到17k, 咁佢就話唔係CD, 因為多數lossy  ...

如果係用刪除頻寬作爲標準，甘我之前已經講過咯，這個方法唔多有效，我用audition都做到，而且獲得更多資料。

之前那位CHING講過拆聲導致超高頻叢生，我都覺得係原因咯，估計製作這個flac文件既人，可能真係取用CD，不過這個CD可以係類似東莞貨哪裏叫汽車CD，做過增益，不過做到過咗好遠。或者作者本身手痕，故意把整首歌增益，結果搞到over。

可惜，到現在原來根本無辦法驗證無損音樂真實性。