請教擴音機w數與喇叭w數配搭的問題！

hin5509

話說小弟一年前入手p記lx86擴音機，用左五個月左右便出現了問題，剛看完一部片後突然嘀撻一聲關左機，面板燈閃下閃下，
咁之後當然係去著番部機睇下咩事，無幾耐又嘀撻關機，三次自動關機後便不能再開機，只有那mcacc燈閃下閃下，按什麼都無反應，
咁只好入廠維修，維修完話幫我reset左部機，跟住用到幾曰前又發生那情況，又係三次後便lock左機，打去p記同個師父傾，
佢話應該係我d喇叭火數不對，導至部amp over loading而cut機，佢話睇番上次記錄我部amp有過載記錄，
我真係唔明白，我用過好幾部擴音機都未壞過，d十多年舊amp而家都重係正常運作，
反而依家d新款amp咁低能，咁新款既amp竟然不能適應匹配d喇叭！
講番部amp，4歐輸出每聲道係250w，6歐係190w，8歐係140w
小弟用緊既前置係b&w 603 s1，係8歐(最低4.3歐)，8歐負載25w-120w
中置係b&w cc6，8歐(最低6.4歐)，8歐負載25w-120w
側環繞係misson mv-ds，8歐(最低5.6歐)，25w-100w
後環繞係jamo a102，6歐60w/80w
前環繞係b&w ds6，數據暫不清楚
想請教各位師兄師姐！小弟的喇叭是否有問題！？
那師父說如果以6歐喇叭計，要找190w以上才可以，是否真的要如此？？
唉！保用重有幾日到期，又無得續保.....今次整完返黎再係咁都唔知點算好....對p記無晒信心了！

billylwc

我覺得係吹水多，我都未聽過亦未遇同樣既情況

kelvinchow8

我自己試過推4ohm 400W = 8ohm 200W都無問題 , 最多都係唔夠推 , 唔會出保護 .

我諗可能你有喇叭shot線 , 引至起保護 .

hin5509

billylwc 發表於 2013-10-29 22:39
我覺得係吹水多，我都未聽過亦未遇同樣既情況

我就係覺得奇怪，市面喇叭規格都差不多，
普遍家用喇叭都係6至8歐百零w左右，無理由唔能夠支援到，
而且喇叭w數低過部amp輸出，頂多咪燒喇叭！
有咩理由話喇叭火數低過佢會頂唔順over loading,
而且我又唔係開得好大聲，vol都係頂多開到-25db左右，
用過咁多部amp都係第一次遇到聽到咁既情況，部amp一星期都用唔到一次，
這一年數埋都無用超過三十次，咁就要入廠兩次，真係火到黎！

hin5509

kelvinchow8 發表於 2013-10-29 23:43
我自己試過推4ohm 400W = 8ohm 200W都無問題 , 最多都係唔夠推 , 唔會出保護 .

我諗可能你有喇叭shot線 ,  ...

師兄，在上一次維修完番黎喇叭線同hdmi線我都check過，
無發現到有不妥，如果係短路，為何睇左成部片都無事，
而且我所有喇叭d蕉插都用熱縮膠包住，短路機會不大，
同埋在第一次維修時我駁番落部舊amp度用都無事，
頂部有三吋多空間散熱，溫度過高又不太似，
真係頭都大埋……

kelvinchow8

hin5509 發表於 2013-10-30 09:50
師兄，在上一次維修完番黎喇叭線同hdmi線我都check過，
無發現到有不妥，如果係短路，為何睇左成部片都無 ...

甘可能份amp有事。

hin5509

kelvinchow8 發表於 2013-10-30 09:53
甘可能份amp有事。

最慘係p記係話我d喇叭火數低頂唔順部amp而令部amp開了保護……
個師父話一係唔好開咁大聲，一係換w數大d的喇叭。吹賬！
最慘係得三次機會便lock機，重要係入廠先可reset！

hin5509

kelvinchow8 發表於 2013-10-29 23:43
我自己試過推4ohm 400W = 8ohm 200W都無問題 , 最多都係唔夠推 , 唔會出保護 .

我諗可能你有喇叭shot線 ,  ...

師兄，你400w同200w係無問題，
因為你的喇叭係大過amp的輸出，
個師父係話我d喇叭w低，部amp w數大過d喇叭所以唔得。
我只想知道是否部amp 8歐輸出140w的話，喇叭是否一定也要8歐能負載140w以上才能用？？
140w以下便會出現我那情況？？

chhanthony

hin5509 發表於 2013-10-30 10:31
師兄，你400w同200w係無問題，
因為你的喇叭係大過amp的輸出，
個師父係話我d喇叭w低，部amp w數大過d喇 ...

除非開到好大聲，否則一般睇戲都頂盡用幾十 Walt，有時peak先得百零，部機個protect有問題啦，邊有咁易跳，
一係你喇叭接線有問題，check下有無鬆到。

hin5509

chhanthony 發表於 2013-10-30 13:28
除非開到好大聲，否則一般睇戲都頂盡用幾十 Walt，有時peak先得百零，部機個protect有問題啦，邊有咁易跳 ...

師兄，線肯定無鬆到，短路可能性不大，d蕉插已全包了熱縮膠，
那師父話我上次記錄係overload而自動關機，佢話喇叭火數細會有咁既情況。
所以才請教各位！

hin5509

今日收了機入廠了，收到風話都收過很多這系列型號的機入廠，都係跟差不多我的情況的，話都有客投訢過，堅唔堅就真係唔知了。整埋今次就過保用，又無得續保，真係好鬼担心！
唔怪之得p記d機會比較平，原來係有伏的！

CKH28

hin5509 發表於 2013-10-30 19:12
今日收了機入廠了，收到風話都收過很多這系列型號的機入廠，都係跟差不多我的情況的，話都有客投訢過，堅唔 ...

有幾多類似個案就唔知，但就好大機會係個師傅老作，為保住Pioneer的聲譽，一定唔會認係部機有問題。點解咁講？因為我之前部LX-83都有相同問題，唯一唔同就係我部機使用率比你高，幾乎晚晚用，而且係過咗保養先壞，入廠維修整咗$1100，話要換零件，而唔係 reset 部機，可能因為要 $ ，所以佢哋要講真話。部機整好之後送咗比人，唔敢再買 Pioneer，睇咗你個 post ，見 Pioneer 個師傅咁講嘢先至認唔住出聲，我覺得有 D 維修人員持住自己掌握一 D 你唔知彧者唔識嘅嘢就喺度扮專家抛人，我兩年前買嘅plasma，用咗個零月就多了三粒光點，跟住仲壞埋，代理商的師傅帶埋個學師仔上來檢查部機，師傅問我部機壞之前仲有冇乜嘢毛病，我就話多了三粒光點，個學師仔响度扮專家話光點唔會用用下先出現嘅，有的話一定係新機時候本身有，冇嘅話就用到壞都冇，聽到真係火都嚟。

hin5509

CKH28 發表於 2013-11-5 12:06
有幾多類似個案就唔知，但就好大機會係個師傅老作，為保住Pioneer的聲譽，一定唔會認係部機有問題。點解 ...

e d 技術上既野真係有佢講無我地講，
佢要咁講我都無佢符，
我同佢講左好耐佢死都話我d喇叭火數唔對才會出現咁情況，
佢叫我一係換喇叭一係開細聲d，
老實講我都唔係開得很大聲，
而家搞到我都唔知點算好……
部機這一年裡都用唔到50次，
咁就被p記呃左萬三蚊！！
以後都唔會再買p記出品既垃圾擴音機！！

ivanchan

Ching, 會唔會其中有隻喇叭個dB set 得特別高，亦有可能係sub仔問題。

hin5509

ivanchan 發表於 2013-11-5 17:52
Ching, 會唔會其中有隻喇叭個dB set 得特別高，亦有可能係sub仔問題。

師兄，而家係咩問題真係無人知，
我諗個師父都唔清楚，
部機cut三次便lock機，跟本沒有機會去測試，
而個師父話我有過載記錄，真唔真只有佢地知，
最低能係話部amp 6歐190w輸出，如喇叭係6歐便要190w或以上才可，
都唔知係咩道理！？咁咪好多小型喇叭咪唔用得！？
db沒一個超過+3db，主音量只開到-25db，
跟本就不算大聲，而sub仔會係咩問題會搞到amp會熄機？
師兄有過經驗？？
請師兄指教！

CKH28

hin5509 發表於 2013-11-5 17:42
e d 技術上既野真係有佢講無我地講，
佢要咁講我都無佢符，
我同佢講左好耐佢死都話我d喇叭火數唔對才會 ...

我好理解師兄嘅感受，對方講埋晒 D 似是而非，客人又無法印證嘅理論，真係氣在心頭，五、六年前我仲有另一次相類的經歷，不過同 hifi 冇關，唔想浪費大家時間。話說回來，P 記的AV擴音機無可否認有它的優點，例如音響效果不錯，環繞聲定位準確，方向感清晰，但耐用程度就不敢恭維，好簡單一個道理，如果係好嘢嚟，新機推出時的價錢同轉款前的價錢點會相差成 40-45% 咁遠？同埋我覺得 P 記轉款好似零舍怏嘅，又唔見其他牌子係咁？用家們可以做嘅唔多，唯有見過鬼怕黑，以後唔再買 P 記。

lamborghini436

我以前試過用y記2500推m&k s150(前三）和環繞ss150都冇問題

ivanchan

hin5509 發表於 2013-11-5 20:01
師兄，而家係咩問題真係無人知，
我諗個師父都唔清楚，
部機cut三次便lock機，跟本沒有機會去測試，

之前我有部舊av amp 個sub仔set做+0dB, 可能隻sub 仔太cheap, 低音一勁sub仔入面嘅relay 就拍拍聲，然後amp 就入protection mode了。

hin5509

ivanchan 發表於 2013-11-7 16:54
之前我有部舊av amp 個sub仔set做+0dB, 可能隻sub 仔太cheap, 低音一勁sub仔入面嘅relay 就拍拍聲，然後a ...

多謝c兄指教！但
我覺得十仔機會不高！
原因係看片時係無事的，
兩次熄機都是在看完套片後不久自動熄機的，
當時係無音訊輸入的，
如從情況來看，可以說有機會係過熱熄機，
但p記師父話我部機是有過載記錄
咁我問佢點解，佢答我係喇叭火數低便會出現咁情況，
咁當然那位師父係說得比較有技術化，
意思係話因火數低會令部機感應到不妥而啓動保護功能熄機，
防止燒機或喇叭咁話，佢話說明書標明那些輸出是有意思的，
話部機6歐190w輸出，你便要用6歐能負載190w或以上既喇叭先得，
我心諗咁咪好多中小型喇叭咪唔用得！？
所以才請教各位資深玩家這個師父係咪老吹？？

pinkhung

hin5509 發表於 2013-11-7 22:13
多謝c兄指教！但
我覺得十仔機會不高！
原因係看片時係無事的，

請問分頻set幾多同有冇開eq？