大家套 hifi 有幾靜?

paulkwan

由於小弟家住新界, 而且環境都幾靜, 近日晚間在玩吓電源線換位時, 無意中發現係不同配置下, 喇叭高音單元發出的噪音水平係耳測上係有清晰的分別.

但這個噪音水平, 無論係高或低時, 都要係夜闌人靜時, 將耳朵放到離高音1呎之內才聽到, 距離超過1呎, 或在皇帝位上, 係一d都聽唔倒.

其實我有個radio shack sound level meter, 試過係無法度到咁低既噪音水平, 所以諗到用手機下載程式去量度底噪, 發現都幾有趣所以分享吓.

我用的是這個免費手機程式,  
https://play.google.com/store/apps/details?id=kr.sira.sound



量度方法係將手機底部咪的部份貼著高音單元的保護網.

當我關掉 amp 時, 量度到的音量是: 40dB, 這個我作為當時環境噪音參考
當我的amp用P電源線直插牆蘇開著時 : 53dB  (好似好大, 但實際上仍然要將耳朵放到離高音~1呎才聽到)
當我的amp用C電源線直插牆蘇開著時 : 48dB
當我用P電源線直插牆蘇取電到P電源濾波器, 再用C電源線取電俾amp時 : 45dB

上述的幾級的噪音水平, 經過ABA重複測試, 用耳測都聽到高低分別, 量度數據亦吻合, 證明唔係心理作用.

咁第時調教 hifi 時 (當然不限於電源線) 話靜咗, 細致咗, 若果係因為底噪細咗, 咁都可量度作為參考. 當然用手機度唔係好嚴格同經過 calibration, 但重複用落發現其量度數據都幾 consistent.

p.s: 小弟無意影射任何線材之高低, 同一條線擺位走線不同已有不同表現, 尤其經常會同其它線材重疊時.

bigpun1975

我都用緊呢個apps

居士

呢個apps 唔多準，部部手機效果都唔同，我部舊款S3,最大去到74db 就停左，借朋友部XTZ 就度到最大係110 db.

hksarac

居士 發表於 2014-1-24 08:58
呢個apps 唔多準，部部手機效果都唔同，我部舊款S3,最大去到74db 就停左，借朋友部XTZ 就度到最大係110 db. ...

三星機屎   ，一早放棄

hksarac

剛開來測試，開了電視，約58db

paulkwan

由於不是經嚴格 calibrate 既音壓計，部部電話度會有差別，所以不用同人地度的數據比較。但勝在可以度到細小的音量。大音量及av 調教我會用番正式d既radio shack sound level meter。

Law記

paulkwan 發表於 2014-1-24 13:26
由於不是經嚴格 calibrate 既音壓計，部部電話度會有差別，所以不用同人地度的數據比較。但勝在可以度到細 ...

重點已經寫得好清楚

bigpun1975

居士 發表於 2014-1-24 08:58
呢個apps 唔多準，部部手機效果都唔同，我部舊款S3,最大去到74db 就停左，借朋友部XTZ 就度到最大係110 db. ...

我部note 過百都得

nagramen

音質所謂背景"宁静"，不是代表細声或lower dB level measured by sound meter 喎！！

Audiophilelp

正常Hifi system著左冇input signal時候應該冇聲聽到，最好是dead quiet, 我套system就耳朵拍住喇叭vol去到3點都完全冇聲（DAC input）,phono 就去到2點先有微弱hum聲，但2／3點已經到preamp最大vol.

好靜！

不過我知道有啲機係唔會dead quiet

ma73

I use db meter app with iphone, just for fun

tennishk

paulkwan 發表於 2014-1-24 13:26
由於不是經嚴格 calibrate 既音壓計，部部電話度會有差別，所以不用同人地度的數據比較。但勝在可以度到細 ...

唔駛錢有得玩下都好既。

chowhwk

這是一個很好玩的實驗。雖然就算用Radio Shack 的聲壓計也不最準確。要準確可能要用更好的，同時一定要calibration。

建議一定要測試沒有開機前的聲壓，這樣是可以知道聆聽空間的寧靜程度。你會發現家裡的空調，外面的雜聲都會產生噪聲。

坦白的許多器材的噪聲，特別從電源或RF/EMI 來的，一個聲壓計可能測試不到，假如測試到有分別，原來的噪聲可能很高。

三文魚腩

離高音1-2cm 都聽唔到...

paulkwan

同意"建議一定要測試沒有開機前的聲壓，這樣是可以知道聆聽空間的寧靜程度。" 可以作為之後量度的系統噪聲基準.

電源, 或RF/EMI, 機線之互相干擾, ground loop等, 往往比器材自身質素更容易做成問題.

各位師兄靚機又玩得好, 令人羨慕啦 ^^

btw, 我樹日間要~2吋內先聽到底噪, 深夜就~10吋內開始聽到. 正是環境噪音, 及每人聽覺都有差別也.

digallhong

請問大家有無測頻率 Hz 的App 介紹呢???