廢話一篇既開箱文 （14#已經開箱Luxman D-03⋯聽感擇日再⋯)

titus614

成日睇d師兄都有箱開⋯而且自己一直都係靠部飛記BDP-9600 Blu-Ray 作AV及2 channel之用，心唸一直好想正正經經入部CD player 睇吓係咪一如d師兄講CD機同Blu-ray機播出嚟music完全兩回事⋯
由Yamaha SA-2000啱啱推出開售到而家一路周圍試吓又提唔起衝動真係買⋯其實大大話話我由三幾千蚊價位試到七八千蚊；再由七八千蚊又加大budget到萬頭都試咗不下於十幾款型號了，甚至最近連大熱盤馬仔部SA14S1都試吓先啦⋯買唔買後話啦 ！試完無錯係同d幾千蚊貨色甚至同品牌既SA8005都有好大音色改進⋯不過我禁講可能得罪好多師兄，但只係我純個人初步試聽感～SA14S1係整體都好規規距距禁演繹CD本身本質，而且值得一讚控制背景沙石俾我感覺好乾淨！乾淨到感覺好似睇4K電視禁太高淸演繹反而令我有點不習慣⋯

心唸鬼咩自己識咩嘢呀！一路只係用d三幾千蚊既Blu-ray機，同d國產幾百蚊既DVD player AB Test過基本一樣⋯就算你屋企冇人關晒窗好寧靜既環境下一按「 PLAY 」制⋯雖然有CD 音樂聲，但係連帶摩打聲；背景沙石聲咩都一樣播晒出嚟⋯

另外同場都試埋啱Budget D同埋重量都啱我要求d既SA8005⋯呢部就更加普通過普通同再低一grade既SA6004 & SA6005音質上冇咩明顯分別，完全冇衝動想入呀 ！講返重量 ？買CD機講咩重量呀 !! 唔係重手d感覺PRO d咩⋯

禁我要講吓自己既所謂聆聽範圍喇 ！我間公屋總面積先得果三四百呎⋯個廳頂多先一百呎，傾到牙血都出埋先可以斬半五十呎多dd可以俾我玩吓視聽玩具⋯重要有個"Must be"既要求～事原我重有兩個仔分別而家三歲半同一歲半，我老婆擔心個仔攪d器材會有危險⋯結果立令唔可以器材著地 ！頂⋯咪啫係死得...器材唔著地玩條「啫」咩，唔通升晒天呀！叮⋯⋯升天得喎 ！結果我不斷Search點樣D.I.Y個架上天花而又可以負重好d安全d⋯就係禁樣我所有入門級既器材，包括：AV Amp; Blu-Ray機; 兩channel合拚膽機; 穩壓牛; 拖排都上晒呢個50" x 25"左右既絲扞天花釣架上（也就是我既小型小型影音天地喇⋯）所以淨係以上現有器材～20+20+幾kg+幾kg等等都應該Overload了⋯呢次選擇CD player既升級應該都算係我既終極or 次終極器材上既升級 (不過重可以Replace一換一既⋯留返條後路先 ！) 講到好遠添⋯入返正題 ！

所以我今次選擇CD player都算嚴格⋯不過又帶點簡單，因為我唔唸住玩CAS，頂多頂多我再身痕可以入部輕飄飄細細部既DAC啫我就ok了...

去到呢度要暫時停一停⋯賣吓關子先 ⋯！結果皇天不負有心人俾我搵到一部信自己耳仔而令我有感覺既CD 盤了⋯不過唔係咩Made in England; Made in France; Made in Japan; Made in Germany......而係Made in CHINA !

多謝收看...過幾日出埋續集

feellikecyber

Yes.....終於落筆喇

titus614

feellikecyber 發表於 2014-4-2 11:23
Yes.....終於落筆喇

一定會出文啦⋯我哋d草根打工仔有幾何出到個開箱文呀 ！而且呢個箱雖然係呢個品牌最入門最入門果部，不過暫時對我嚟講都算係最貴既一個箱 ！Anyway真心多謝cyber師兄你既幫忙我先買得成 ～

feellikecyber

titus614 發表於 2014-4-2 11:50
一定會出文啦⋯我哋d草根打工仔有幾何出到個開箱文呀 ！而且呢個箱雖然係呢個品牌最入門最入門果部，不過 ...

又甘客氣 .....小弟部Sony CDP-X3000價值$2600咋

kklck

期待開箱下集

Josephyeung426

feellikecyber 發表於 2014-4-2 12:00
又甘客氣 .....小弟部Sony CDP-X3000價值$2600咋

但係你有個超級DAC

Josephyeung426

恭喜師兄！萬丈高樓從地起！師兄加油！

feellikecyber

Josephyeung426 發表於 2014-4-2 12:32
但係你有個超級DAC

見笑見笑.....冷門DAC一臺吧了

titus614

Josephyeung426 發表於 2014-4-2 12:32
但係你有個超級DAC

一部DAC都

leema

引死人啊？下集快啲出啦！

Bcbjbb

最近D人成日話CD會俾人趕絕，冚世界都會玩cas，講真我真是好撚惊。

feellikecyber

Bcbjbb 發表於 2014-4-2 18:20
最近D人成日話CD會俾人趕絕，冚世界都會玩cas，講真我真是好撚惊。

wingLOUIS

期待續集

titus614

本來我之前開Post求推介d細部輕身及budget於10K~15k之間既CD盤去選擇，結果有師兄推介Denon DCD-2020; MICROMEGA CD30 及Goldnote既CD-7 mkII 加外置電源⋯跟住我陸續去試聽，最尾喺旺角上樓某間影音舗試埋CD-7都唸住不過不失想俾$$$$$ 㗎喇，突然望到呢部鋼琴黑配香檳金既「 Luxman D-03 Deluxe版 」好搶眼⋯其實已經知道部CD盤係轉移咗去大陸做，不過即管試咗先啦⋯! 其實試完之後我冇講咩嘢，不過好明顯我既表情出賣咗自己～全程自己咀角不其然向上撓 ！當晚我都忍住手冇俾到錢就走咗～結果成晚心情好似失戀一樣 ！第二日都係乖乖走返去俾$$$$$啦 ⋯

因為呢部鋼琴黑面係" Deluxe "版冇未開過既現貨唯有要等啦⋯跟住連續幾晚都落大雨，見今晚好天d馬上去接部CD 盤返屋企先...聽感暫時唔出住喇 ！見禁多師兄都有興趣睇我開箱，就開住紙箱先啦⋯Luxman既D-08 ; 06 &05 Player 喺網站search我見都已經好多好多Review喇！不過呢部Luxman D-03  ( Made in China )既Player我暫時都未見有人談論過，甚至連官方網站及catalogue 都未有相關資料⋯

(就由我upload埋部D-03個Spec.俾大家參考一吓啦⋯)

相片嚟唔切用單反影，用住手機影粗粗地收貨啦⋯又係時候寫住禁多先⋯唔係誇張～我真係完全集中唔到寫d咩 ！啱啱一路寫一路warm up 住部CD盤及我部Melody super34 ，睇嚟今晚都係瞓唔到，決定調低老婆要同呢位" 新歡 " 浪漫一番先⋯

不過唔好PM我問咩價位喇⋯有興趣就自己動身去旺角上樓果幾度掃一轉啦⋯ 純用家分享唔好誤會我係打手呀 ！各位師兄對不起⋯要再擇日交報告了～ Good night

feellikecyber

titus614 發表於 2014-4-4 02:27
本來我之前開Post求推介d細部輕身及budget於10K~15k之間既CD盤去選擇，結果有師兄推介Denon DCD-2020; MICR ...

Hero

titus614

feellikecyber 發表於 2014-4-4 08:46
Hero

我哋呢d 「環境鬥士」已經去到好盡了⋯我既影音天地放埋呢部CD 盤都真係好滿座了 ！日後已經冇位再加器材，只有replace 1 換 1⋯

feellikecyber

titus614 發表於 2014-4-4 09:08
我哋呢d 「環境鬥士」已經去到好盡了⋯我既影音天地放埋呢部CD 盤都真係好滿座了 ！日後已經冇位再加器材 ...

小弟都已爆rack

kelvinchow8

恭喜。 部機真係好靚。

Raymondcheng888

titus614 發表於 2014-4-4 09:08
我哋呢d 「環境鬥士」已經去到好盡了⋯我既影音天地放埋呢部CD 盤都真係好滿座了 ！日後已經冇位再加器材 ...

Ching，恭喜哂，你台新玩具，好有古典美呀！

請問你用緊部咩牌子同model嘅DAC呀？

Raymondcheng888

feellikecyber 發表於 2014-4-4 09:21
小弟都已爆rack

Ching，出個post，介紹下你套組合吖，全家福，好醒呀！