本帖最後由 fatso 於 2014-5-29 12:22 編輯
等了差不多半年, 由過年前已訂購的AudioArt Power1電源線, 終於在兩個星期前收到貨, 今次收到的是新款的Classic版,線身包了黑網,睇落高級好多, 而用的古河插頭也是最新款的N1版, 新的N1版改良了夾線位, 由之前的膠物料改成全金屬物料, 質感好得多, 而且感覺上也比較穩陣及耐用, 整條線望落去高級好多, 完全唔似係一條平價線, 現在以團購方式購買, 還可享有特價優惠, 2m美式只不過是2k, 真係超筍價, DIY價錢買到廠線, 而且淨係對古河頭都要千幾蚊, 真係平到無話可說, 但佢嘅表現如何呢? 據團購搞手Frankie兄所講話, 此線屬大電流線, 適合用在拖板,Amp, 後級或電處之上, 最初我諗住買來插拖板用, 但心想...不如試吓插落我部Diablo試吓佢嘅表現 ,同埋想知佢輸幾多比我用開的貴豐online mk5, 現在已插住煲了差不多兩星期, 昨晚終於坐定定聽了一整晚, 反覆聽了好多碟 ,以下是小弟對此線的小小評價:
初插落我的Diablo上,感覺一般, 我用開條online mk5早已煲熟, 亦已清楚了解他的特性及聲底, 初換上Power1, 感覺各方面都輸, 但其實又唔係話輸幾條街咁多, 只係各方面都輸小小, 表現冇乜驚喜, 本來想即刻拿走換返係online mk5, 但心諗新線又未煲, 不如煲多幾日先, 聽吓有冇變化再算啦, 跟住長煲佢幾日之後, 發覺聲音開始有變化, 各方面表現都好咗, 最明顯係低頻, 之前一開聲, 低頻一舊舊, 又亂又埋身, 而家變得有返曾次, 有返線條, 唔亂, 而且潛得更深, 這是另我有最大驚喜的一環, 而且動態變得更有力及凌厲, 亦可以說是不會輸比online mk5, 這一環節大家打和不分勝負。
至於中頻方面, 人聲表現尚算合格, 感情表達及密度亦唔太差, 只是欠缺小小厚度及肉哋, 口型比online mk5大了小小, 但定位也算交待得清楚, 比起一般身價高過佢嘅線還要好, 但此終越級挑戰, 輸亦正常, 這一環節Power1輸15-20%比online mk5。
到最後一環嘅高頻方面, Power1的表現中規中矩, 比起online mk5欠缺小小透明感及伸延, 但他表達出來的高頻也屬於通透有分析力,唔會吉耳, 思文幼細唔粗聲, 亦尚算OK, 而這一環節Power1輸20-25%比online mk5。
總結:
以Power1這條電源線的價值, 2K我認為已超哂班,交足哂功課, 當然佢輸比online mk5係好正常, online mk5身價貴佢9倍, 輸亦正常, 但Power1低頻表現出色, 動態凌厲, 表現出眾, 值得一贊!Power1屬於大電流電源線, 適合用在一般大電流器材, 如Amp, 後級, 拖板之類, 會有更出色的表現。今次比較亦証明了平嘢未必一定唔好, 之前我亦試過好多貴過Power1嘅電源線, 表現也不及Power1, 聽過Power1之後我亦敢講, 以2K價位嚟講, Power1一定冇得輸, 而且還要贏了好多貴佢一兩倍的電源線, 加上他出身於美國, 廠線而又用上公認靚聲的古河插頭, 只收你2K, 今時今日, 一條咁超值抵玩嘅線, 真係好難揾得到, 我肥蘇誠意推薦
|
IP卡
狗仔卡
發表於 2014-5-29 12:24:39
提升卡
置頂卡
沉默卡
喧囂卡
變色卡
顯身卡
statement好貴呀,而且代理都冇入貨,所以冇得試
請問你用來插AV Amp效果如何？
