Samsung Vs LG 曲面電視鬥法

ma73

Source from Oriental Daily

電視技術發展一日千里，當大家以為4K TV係最新玩意？唔好意思，近期至Hit話題已被曲面電視取代。市面上Samsung及LG兩大韓廠均有推出曲面電視，前者UA55HU9800支援4K解像度，畫質銳利細緻；後者派出55EA9800應戰，以OLED屏幕將厚度縮減至4.3mm。究竟兩款同屬四萬多元的55吋曲面電視，邊部吸引啲呢？比併完自有分曉。
Samsung UA55HU9800 4K 售價：$43,280
LG 55EA9800 售價：$49,980

ma73

Samsung UA55HU9800 4K細節盡現
Samsung點解可以喺電視界霸到龍頭位置？機Gor認為同市場策略不無關係，明明係LG先推出曲面電視，可惜尺寸得55吋一款，Samsung睇準這點一口氣推出78、65、55吋HU9800系列，選擇咁多自然能滿足到不同用家需要。機Gor覺得雖然55吋LED電視賣成四萬幾元有啲貴，但它可說是市場上唯一既係曲面又支援4K嘅電視，而且體感操控、3D顯示等全部有齊，功能吸引。
LG 55EA9800 4.3mm纖薄設計
機Gor早幾日經過中環AVLife影音舖，同店長Herbert吹開水，佢表示：「每次有客入嚟見到LG 55EA9800，第一個反應總係話『好薄』，由於用上55吋OLED屏幕，厚度只有4.3mm，薄過傳統LED電視機好多。而且它每點像素都能獨立發光，暗位層次夠深黑厚實，加上高反應速度，令動態畫面更流暢自然，睇波睇片唔怕再有殘影，確保影像夠清晰。」
附設金屬座枱架，與弧面屏幕襯到絕，惟外形都幾大部，令厚度提升至307.9mm。

採用透明水晶座枱架，驟眼睇屏幕好像懸浮於半空似的，兩邊設有陶瓷喇叭。

ma73

第1回合：鬥可視角畫質：DRAW
部電視咁Curve，打側會否睇唔到或者變晒形呢？呢個咁Tech嘅問題梗係要請教專家啦！Herbert表示：「雖然兩機都冇列明可視角資料，但依目測所見，就算站喺旁邊170度以上睇電視，畫面都冇偏色。只是會出現變形，正如打斜睇平面電視會變成梯形一樣，情況不算嚴重。」畫質方面，LG 55EA9800勝在OLED Panel的暗位夠黑夠實，至於UA55HU9800勝在高解像度，而且沒有Samsung常見的味精感，兩者都值得一讚。
以Samsung UA55HU9800試播4K風景片，山下屋仔雖然細密，但輪廓仍能保持銳利，色彩變化自然，美中不足係屏幕稍稍有點反光。

顯示高對比的夜景是LG 55EA9800強項，夜空深黑結實，建築物的光位不減亮麗感。就算以極斜角度觀看，畫面四角都冇偏色。

ma73

第2回合：鬥纖薄慳位：LG 55EA9800 Win
買得OLED電視，除了喜歡其暗位夠實外，超薄機身亦是賣點之一，LG 55EA9800將機身厚度減至4.3mm，機背更用上碳纖無縫塗層，連跟機座枱架都採用晶瑩剔透的水晶設計，驟眼睇屏幕猶如懸浮於半空，不過機身連座枱架的話，厚度便會增至192mm。而Samsung UA55HU9800的機身厚度廠方沒有公開，機Gor度過有17mm左右，連座枱架的整體厚度更達至307.9mm，以慳位程度來說未免稍稍遜色。
Samsung UA55HU9800的屏幕弧度是4200R，厚度只有約17mm，只是對手太薄才顯得它看似偏厚

OLED的優點是能將厚度縮減，令LG 55EA9800機身厚度只有4.3mm，擺個兩元硬幣在旁就知道有幾薄。

ma73

第3回合：鬥上網方便：Samsung UA55HU9800 Win
作為頂級曲面電視，兩機都支援Wi-Fi無線上網功能，只需於Samsung UA55HU9800的遙控器按Smart掣，便能即時進入網絡畫面，可簡單透過Apps睇facebook、YouTube等，進入WebBrowser更可直接輸入關鍵字搜尋心水網頁，打字時還會出現相關字。機Gor試入「on.cc東網」睇新聞時，中文顯示冇亂碼，Click入「最豪」睇產品時反應亦見流暢，而且能將畫面一分為二，左邊睇片右邊上網，夠晒靈活。而LG 55EA9800進入Internet瀏覽網頁時，輸入關鍵字時有46種語言供選擇，但整體就不及對手又有相關字又有畫面分割咁細心。
以UA55HU9800睇東網的「最豪」網頁，中文冇亂碼，打字搜尋時還會顯示相關字。

55EA9800的網絡畫面分類清晰，較特別的是左上角會顯示一個小電視畫面。

機Gor Report：4K加曲面 發展空間大
其實兩機無論在定位、售價及尺寸都是勢均力敵，連售後服務都齊齊玩3年保養。只是LG 55EA9800的Full HD解像度始終是死穴，當日後4K Blu-ray或串流技術成熟後，便要再搵部4K電視了！而Samsung UA55HU9800的兼容性無疑較大，待將來4K視訊選擇增多，便可透過曲面屏幕欣賞到點對點的4K畫質。

達人教路：中環AVLife店長Herbert：「曲面畫質更清晰！」
「4K TV的售價開始平民化，曲面電視正好趁此時進佔高檔市場。理論上，曲面電視尺寸愈大，畫質會比平面電視愈靚，皆因大尺寸的平面電視，眼睛與屏幕四角的距離更遠，清晰感會稍為降低，而曲面屏幕消除了這障礙，令畫面每一部分的距離都與眼睛呈一致，整體層次會有所提升。」

規格表：Samsung UA55HU9800 4K
屏幕技術：Ultra Clear Panel LED

畫面尺寸：55吋

解像度：3,840×2,160

3D模式：主動式3D

體積：1,232.6×767.6×307.9mm（連座枱架）

重量：23.8kg（連座枱架）

規格表：LG 55EA9800
屏幕技術：OLED

畫面尺寸：55吋

解像度：1,920×1,080

3D模式：被動式3D

體積：1,227×798.5×192mm（連座枱架）

重量：17.2kg（連座枱架）

Profile
機Gor

機不離身，不信Spec只信測試，不扮高深，懶理低俗，貪新不忘舊。

查詢電話：2295 3398

撰文：機Gor

4Ktv

我等OLED 4k 70" 好過

tfortest

我等佢跌到一萬左右仲好

ma73

我等佢跌到一萬左右仲好 X 2

是嗎

有無師兄買左三叔d 部呢

1tony1

如果有７０寸就正啦