杜比全景聲 Onkyo Vs Marantz擴音之戰

ma73

Source from Oriental Daily
聖誕節過幾日就到，同至愛親朋煲應節電影係每年嘅例牌菜，不過今年有啲唔同，皆因杜比全景聲正式入屋！
機Gor出名高要求，梗係嗱嗱聲搵番套Dolby Atmos擴音機，感受天花板喇叭高空轟落嚟嘅震撼。
同影音舖老友吹水，佢哋話近期最具人氣嘅係Onkyo TX-NR1030同Marantz SR7009，兩者均定價萬多元，同時支援Wi-Fi及藍芽功能，一於睇吓邊部先係Dolby Atmos靚聲王。
TX-NR1030壓軸之作
TX-NR1030可說是今年Onkyo壓軸之作，支援9.2聲道輸出，
即是能獨立營造7.2.2或5.2.4環繞聲。不少音響迷同機Gor一樣,屋企已有套5.1靚聲喇叭，其實只要換部AV擴音機再加番幾隻天花板喇叭，便可無痛升級。新機同時取得THX Select2 Plus及isf認證，確保音色及畫質達專業水平，而且音場設定備有THX標準選擇，唔使慢慢Set咁麻煩。

規格表
輸出功率：230W×9（6ohm）

連接：Wi-Fi、藍芽、8入3出HDMI

體積：466.5×435×199mm

重量：20.5kg

SR7009四晶解碼
機Gor有唔少玩開音響嘅朋友係Marantz粉絲，

而SR7009是廠方首款支援9.2杜比全景聲的AV擴音機，

可能想打響名堂，所以特別「落重料」，

採用4枚32-bit DSP解碼晶片來做多聲道解碼及音場校正。

較市場上大部分擴音機只用2枚DSP晶片多，

此設計令MultEQ XT32音場補正技術的定位更準確。

規格表
輸出功率：200W×9（6ohm）

連接：Wi-Fi、藍芽、8入3出HDMI

體積：440×411×185mm

重量：13.8kg

第１回合：空戰鬥包圍
測試全景聲，首要搵隻支援Dolby Atmos嘅《變形金剛：殲滅世紀》藍光碟，內裏不乏空戰場面，用來炸機一流！先將TX-NR1030設定為5.1.4音場，前中置的音頻調校為THX標準的80Hz，試播博派與外星戰機空戰一幕，4組天花板喇叭的高空音場簡直滴水不漏，配合H.C.P.S.高瞬態電流變壓器，令輸出功率達230W。而SR7009的輸出功率雖然不及前者只有200W，但4枚DSP解碼晶片，令聲音定位極之精準，試播柯柏文被攻擊一幕，就算演繹槍林彈雨場面，每顆子彈的軌迹都聽得清清楚楚。

第２回合：接駁鬥方便
選購AV擴音機，接駁靈活性相當重要，皆因機Gor除了藍光機和SACD機外，仲有PS4、高清播放器等訊源輸入，連輸出都要駁上電視機同投影機，如果AV擴音機的插口不夠全面便會很麻煩。TX-NR1030與SR7009均設有8入3出HDMI插口，屬最新2.0規格，支援4K@50/60Hz視頻傳送，為家庭影院4K化做好準確。不過SR7009吸引到機Gor嘅，係對應快將推出嘅Auro-3D環繞聲格式，只要簡單上網更新韌體就搞掂，惟Dolby Atmos與Auro-3D的喇叭設定並唔一樣，影音迷到時要有所取捨了。

第３回合：聽歌鬥靚聲
聖誕除咗煲應節電影，聽Xmas Song同樣重要，機Gor習慣將數碼音樂儲存喺iPhone及DAP出街聽歌，返到屋企就駁番音響，但有咗新機就唔使咁麻煩，皆因兩機均支援Wi-Fi及藍芽傳音，音色更顯通透。TX-NR1030加入TI Burr-Brown 24-bit 192kHz DAC解碼晶片及Advanced Music Optimizer優化功能，能修補因過度壓縮而流失的高低音細節；另支援Pure Audio模式播放純音樂，減少視頻對音色造成的影響。而SR7009播歌亦算細緻，但不及前者有咁多播放模式。

機Gor Report：靈活升級11.2聲道
兩機嘅定價都係萬五元有找，同樣支援Dolby Atmos、dts-HD Master Audio等技術，亦備有8入3出HDMI 2.0插口，定位相當接近。由於機Gor本身用開Marantz後級，配番SR7009既可玩9.2聲道，又可駁埋一齊推11.2聲道，靈活擴充成7.2.4或9.2.2音場，加上支援Auro-3D新一代立體環繞聲，所以今次機Gor投SR7009一票。

達人教路：影音專家Alan Lee：「全景聲技術成熟！」
「市場上的全景聲AV擴音機雖只屬第一代，但基本技術已非常成熟，買機係時候啦！如想強調高空音場的話，天花板喇叭的數目建議愈多愈好，即是7.1.4效果會比9.1.2突出。而環繞聲去到9聲道以上，播放環境又大的話，單靠一部AV擴音機便會顯得吃力，可考慮加駁多一部後級去分擔工作，有助驅動各組喇叭，提升整體音色。」
機Gor,機不離身，不信Spec只信測試，不扮高深，懶理低俗，貪新不忘舊。
撰文：機Gor
模特兒：Elke、Melody（Zmodel）
查詢電話：（a）2429 8148、（b）2610 0120
售價：$14,800（a）

ma73

遙控器下方設有一系列操控掣，可按顏色選擇Movie/TV（紅）、Music（綠）、Game（黃）及THX（藍）模式。

ma73

售價：$14,880（b）

ma73

遙控器頂部設有液晶屏幕，能即時了解播放狀態，亦可透過下方操控掣來選擇DVD、Blu-ray、Game等訊源。

ma73

以TX-NR1030試播空戰場面，高空音場包圍感強，戰機猶如在頭上飛過一樣，而且輸出強勁， 唔怕拉牛上樹。

ma73

進入菜單選擇全景聲，不但能調校各聲道的高低頻，右方更設有圖像指示喇叭布置。

ma73

以SR7009試播柯柏文被襲一幕，以MultEQ XT32音場補正技術來調音，子彈橫飛的速度感表現得淋漓盡致。

ma73

喺機Gor老友開嘅影音Showroom試駁兩機，經投影機作視頻輸出，輸入則駁上藍光機及SACD機， 測試睇戲聽歌時輕按遙控器便能選播，操控簡單全面。

ma73

TX-NR1030備有2組光纖及3組同軸插口，支援接駁CD機等音響，亦能上網播放串流音樂。

ma73

透過SR7009機背的LAN插口上網更新韌體，便可支援Auro-3D，將音效全面立體化。

ma73

TX-NR1030經藍芽播放周杰倫《Jay》，啟動壓縮音樂優化功能，高低音細節更清晰。

ma73

SR7009無線連接iPhone播放孫燕姿《我要的幸福》，接收相當穩定，只是播放模式選擇不及對手。

2011

onkyo