試聽160萬NAIM STATEMENT

蒲東

好耐無上《音技》吸毒，上星期某日收到草哥電話﹕「喂蒲東，今日你一定要上嚟試聽Naim嘅Statement！聽日要運走啦。」
記得草哥上一次咁緊張搵我試聽器材，已經係成年幾前嘅事。我同佢講，收得工再過《音技》要成九點幾，但草哥話唔介意，唔使驚阻佢收工喎。咁我就肯定呢壇嘢 非比尋常，於是放工急call「快的」去《音技》……（由於事出突然，喺無帶相機之下只用手機影相，各位巴打望莫見怪~~）


入到試音室，嘩嘩！只見一隻好似飛船，又似《2001﹕太空漫遊》嘅神秘金屬黑板，放咗喺對白金證據後面。（器材為---T+A PDP 3000 CD盤+NAIM STATEMENT+DYNA白金證據）
呢對嘢正正係Naim Statement前後級﹕NAC S1同NAP S1。

當中NAC S1使用全新設計，所有輸入端子都安裝喺一個黃銅框架，訊號喺傳輸入主要模擬電路前會利用Naim自家嘅 spring-loaded suspension system隔籬。所有輸入端子都獨立隔離，就算同時間有多個訊號連接都唔會造成互相干擾。

NAP S1可提供 746 W/ 8 ohms，1,450 W/ 4 ohms，同驚人瞬間輸出﹕ 9,000 W/ 1 ohms！Statement前後級都裝有一個線性電源供應。NAP S1更擁有一個大型4000VA的環形變壓器。
由於當晚重有《音技》另一寫手，有「黑膠王」之稱嘅焚哥在場試新膠膠，佢呢位高手中嘅高手已經摸咗Statement成日，我梗係要向佢請教聽乜軟件最好啦~~~~「嗱，蒲東，我今日帶咗兩套同一歌集嘅CD同黑膠版本嚟，又俾你聽聽嘞~~~~」

第一隻聽嘅係MASTER SOUND版本嘅「Friday night in San Francisco」CD同膠膠，幾位大師級結他手狂Jam，如狂風掃落葉的飛快感、能量感傳入我耳，難得做到密集但又層次分明，每一下彈弦聲都清清楚楚毫 不含糊。大家知白金證據並非容易服侍之輩，但喺NAP S1狂大火力之下，被推得貼貼服服，我彷彿聽到NAP S1好串咁叫我﹕「嚟吖嚟吖，扭大聲啲吖笨~~~~~」

之後再試樂隊10cc嘅「The Original Soundtrack」，一聽到第1首歌開始時嘅單車響聲、玻璃橂倒地聲、人聲等，我幾乎成個跳起！因為一對白金證據竟然可以做到環繞聲效果！單車彷彿由前方向我身邊走過再去到後方！呢種驚人嘅結像力我之前喺草哥屋企聽蔡琴都試過一次！嗰次係聽到青蛙喺我後邊叫。當然，除咗器材優秀，要用兩隻喇叭做到有環繞聲效果，重要睇玩家嘅擺位技術同房間形狀同物料，先可以利用反聲聲做到呢種效果。草哥嘅功力同《音技》嘅環境，我喺呢度讚都無用，係要上過去試聽嘅人先真係知有幾好。

試完結像力，焚哥再攞嚟一隻Robert Hohner嘅「Far more drums」，聽佢第6首<Ketiek>，係一啲印尼土著嘅求雨舞。呢首曲最考器材功力嘅地方，就係同時間有大量嘅樂器同土著嘅低吟聲，不過聲壓會由極低去到極高，又由極高去到極低，極考器材動態能力，以Statement推動白金證據，喺大聲壓嗰幾段當然遊刃有餘，最難能可貴嘅係喺極低聲壓時（重要同時間有好多樂器）每粒音仍然聽得清清楚楚，除了因為Statement將白金證據控制得貼貼服服是事實，但另1個因素，是《音技》的試音房Noise Criteria控制到一個很低水平的緣故（我想有NC25以下），優質環境配上極強器材，當然相得益彰。


最後聽「星際啟示錄」soundtrack，題外話這雙碟包裝極之精美，封套是會發光的星雲圖，很是吸引。這隻碟全部曲目都由Hans Zimmer主理，氣勢磅礡。曲目中大部分都有用到管風琴，那種大氣勢與接近20hz及打下的超低頻，Statement+白金證據表現得鬆容不迫，有貴氣，極有大將之風。

蒲東

唔知點解呢幾日ATTACH唔到相，版主可否幫我睇睇ACCOUNT有無事呢，謝謝。

OldHenry

D相有少少濛濛地

tst123

小弟去聽時是以DCS 做 source ，希望大所以有點失望，覺得Naim 的低頻控制力不足以匹配它過百萬的身價。相隔不久之前所聽的長空則以長空較合個人口味，但長空又易死機，有待改善

Oscar

160萬?

leoking

tst123 發表於 2015-3-3 12:24
小弟去聽時是以DCS 做 source ，希望大所以有點失望，覺得Naim 的低頻控制力不足以匹配它過百萬的身價。相 ...

Hifi show 听過佢推 Magico Q7推到一著菜咁，係咁多hiend 组合至水皮一套，比起前年用Constellation 差得太遠了，同一对喇叭、㘯合，还能歸咎誰！

ice_man

leoking 發表於 2015-3-3 13:08
Hifi show 听過佢推 Magico Q7推到一著菜咁，係咁多hiend 组合至水皮一套，比起舊年用Constellation 差得 ...

部Naim Statement得唔得我就唔清楚，不過如果我現兜兜有百六個的話，唔水諗一定係725+701

leoking

ice_man 發表於 2015-3-3 13:13
部Naim Statement得唔得我就唔清楚，不過如果我現兜兜有百六個的話，唔水諗一定係725+701 {:5_4 ...

有得百六萬、分分鐘可以725+四件701biamp 推你对Tidal, 到时....

ice_man

leoking 發表於 2015-3-3 13:17
有得百六萬、分分鐘可以725+四件701biamp 推你对Tidal, 到时....

百六個夠買一件七二五加四件七零一咩?
可惜我沒有...

diamondblack

套statement我覺得配線要落功夫

leoking

ice_man 發表於 2015-3-3 13:20
百六個夠買一件七二五加四件七零一咩?   
可惜我沒有...
...

補稍稍啦！一次過買咁多、代理搏埋老命都儘做啦！
有百六萬我会咁做：買对701 同Q7mkII, 725訊號入现有700、再经700slave 出去俾701。700推高中、701推低，true biamping、連分音都唔使用！

ice_man

leoking 發表於 2015-3-3 13:42
補稍稍啦！一次過買咁多、代理搏埋老命都儘做啦！
有百六萬我会咁做：買对701 同Q7mkII, 725訊號入现有70 ...

原來傻佬信咁玩法可以唔使另加電子分音咁爽

ice_man

leoking 發表於 2015-3-3 13:42
補稍稍啦！一次過買咁多、代理搏埋老命都儘做啦！
有百六萬我会咁做：買对701 同Q7mkII, 725訊號入现有70 ...

不過百六萬King Sir隨時都攞到出黎啦...

leoking

ice_man 發表於 2015-3-3 13:59
原來傻佬信咁玩法可以唔使另加電子分音咁爽

7系可以、5系唔得

henrykee

ice_man 發表於 2015-3-3 14:00
不過百六萬King Sir隨時都攞到出黎啦...

可能已經玩緊，未煲熟唔share啫

leoking

ice_man 發表於 2015-3-3 14:00
不過百六萬King Sir隨時都攞到出黎啦...

百六萬Euro都有、不過唔係禾

leoking

henrykee 發表於 2015-3-3 14:04
可能已經玩緊，未煲熟唔share啫

曾經用700+710推20.1，可惜兩者功率太缘殊、效果不及single amp! 但已足夠俾我感受到700推either高中或低利害至極

ice_man

henrykee 發表於 2015-3-3 14:04
可能已經玩緊，未煲熟唔share啫

禾都想，係的話開箱即share....

ice_man

leoking 發表於 2015-3-3 14:04
7系可以、5系唔得

希望我呢世人有機會擁有一次七系就滿足了...

ice_man

leoking 發表於 2015-3-3 14:07
百六萬Euro都有、不過唔係禾

唔使驚啵，都唔係問你借錢....