令人驚喜嘅隔離牛

sbtn622

去年十月有位高手為我部 Oppo 105D 改 Linear Power Supply (詳情見這個 post)，之後得悉佢仲有其他產品，例如給玩 CAS 電腦用的 Linear Power Supply 和兩聲道後級等。呢個師兄仲啱啱係特許商户開業，詳情見按這連接看他的產品。我本身是玩 AV 的，所以呢啲產品暫時用不着。

農歷年放大假期間路過師兄係油麻地嘅鋪頭，順便入去同佢拜年。同佢吹水其間，得悉佢研發左一隻隔離牛。我初時不以為意，因一直以來我都有為家中 AV system 作電源處理。由電源線、拖板和牆身插都有着手。自舊年中入手 Telos Quantum Noise Resonator (QNR)，整套系统的表現亦有相當的提升。據 Telos 的網頁介紹QNR可作出相位補償減少失真，及吸收雜訊。對為家中電源處理亦覺得滿意。心諗再加隔離牛應該無乜太大驚喜。

但呢位師兄好有信心地同我講一定有料到。佢仲話可以借我返屋企試下。我當時無即刻搬返屋企，因剛剛交左稅，要回一回氣。之後諗諗下見師兄禁有信心，同埋價錢都吾係貴。過左幾日都係忍吾住搬左返屋企試下。

據呢位師兄講，隻牛係自家研發，裏面嘅線路同太極牛類同。總輸出990W，但分三路即 3 x 330W。好處係每一路都各自獨立，將互相扞擾減致最低。每一路都有孖插位，共六個。夠晒上遊器材用。而每路有330W，同時駁兩部器材應該都夠用。但器材少的話，當然各自由獨立攞電最好。此外入牛之前仲有個濾波作第一重處理，務求將效果達致最好。

隔離牛內部

隔離牛

之前呢位師兄幫我改 Oppo 後，無論聲畫已去到另一層次。駁左隻隔離牛，一開機已立刻見到個畫面比之前更sharp同光左，對比度增強，線條感好強烈。Noise亦少左，整個畫面比之前更乾淨同埋好銳利。

試番平時聽開啲 concert，亦即時感覺到有吾同。聲底靜左，弱音和微動態更顯著，聲音更立体，低頻亦有所增強。最特出係啲聲純淨左。聽落有煥燃一新嘅感覺。將整套系統提升去另一層次。AV 的表現也如此，相信兩聲道嘅效果更為顯著。

睇番隻隔離牛原本粒 fuse 只係一啲好普通野。同埋機尾個三組插位亦係一啲好平嘅貨色。但出嚟嘅效果好震撼，有驚喜。不禁令我大開眼界。即係話隻牛嘅線路設計有料到。如果將 fuse 同機尾插位一拼升級，一定更上一層樓。

chakat

Ching,可否pm邊樹買及價錢呢?

sbtn622

Ching,
你可以按這連接看他的地址同產品。個師兄話除990W外，遲啲仲有1450W或訂做更大火數。你可PM佢問下價錢。

臭鼬鼠

灌滿電氣石應再更上一層樓

SamPoon@FB

臭鼬鼠 發表於 2015-3-24 21:40
灌滿電氣石應再更上一層樓

多謝師兄的意見,電氣石已作為圖中的小木盒內其中一種物料,初次級皆有引線到內.

yuppi

SamPoon@FB 發表於 2015-3-25 11:23
多謝師兄的意見,電氣石已作為圖中的小木盒內其中一種物料,初次級皆有引線到內. ...

Ching 好好人, 上次聽完你 OPPO + LKS + LS50, 心思思想攪吓 105D 隻牛

P.S. 多謝你抄俾 Simon 既DSD

sbtn622

隻隔離牛煲左幾個禮拜後效果更好。高低頻表現理想。上次漏左提隻牛仲有個小型地盒。據位師兄講裏面有十幾種物料，用黎做一些壓電效應以減少扞擾。另到成個聲底好靜，樂器、人聲分離度及微動態方面好出色。

玩左一排見隻牛本身既底子真係吾錯，决定再升級慕求更上一層樓。基本上除左濾波、環牛同地盒外，其他都可以改。從來電方向講起，首先換上 Furutech FI-06 IEC，跟住所有內接線駁 fuse、開關制同濾波都換上 2.5mm 純銀線。 Fuse 方面就用 Infinity Power 3 Platinum。機尾個三組插就換上 Furutech 頂級 GTX-D(R) 銠白金插。個師兄仲幫我係每個尾插度加上一顆 Mundorf MCap 電容，據師兄講可以另到啲聲柔啲。這對我有幫助，因通常 AV 器材會另聲音很鏗鏘。

升級後的隔離牛 - 照片一

升級後的隔離牛1

升級後的隔離牛 - 照片二

升級後的隔離牛2

番到屋企一開機又有提升。畫面明顯再光啲，對比度好強烈，層次感表現出眾，noise好少，好滑流。但又發覺整体上無之前今銳利。睇落比之前舒服。應該係粒 MCap 電容既作用。

再試番上次啲 concert。弱音和微動態更為進步，每一個細節都交待得很清楚。高低伸延亦比之前更好。高頻更清柝通透，低頻更為飽滿、暗勁有力。但又發覺啲聲比起之前柔和左少少，無今稅利。特別係人聲。應該又係粒 MCap 電容既作用。

個人覺得隻隔離牛係值得投資，因為電源對整套系統表現有決定性既影響。加上隻牛有6插位，可以供多部器材用，另整套系統更上一層樓。