相隔兩個月, 鎗王又帶各位HIENDY兄弟去聽現今最頂級器材, 今次我考慮了很久, 還未想出去那一間代理聽歌呢?
最近很多朋友都不約而同入手MAGICO, 聽聞最新款既MAGICO M PROJECT已運到威達位於銅鑼灣的試音室, 其定價更高達百五萬.
前旗艦MAGICO Q7, 我先後在兩個前輩家訪中感受過Q7的威力, 比我最深刻聽感是這麼大型的喇叭, 離箱感依然強橫, 當然去到這個級數的旗艦喇叭, 全頻連貫, 速度都是無可挑剔.
那究竟這最新旗艦M PROJECT在聲音上, 比Q7進步多少呢? 相信好多MAGICO FANS都很想知道. 所以我今次就約左威達代理, 比兩三個小時給HIENDY會員及我, 慢慢地, 靜靜地聆聽這對新MAGICO M PROJECT.
當日, 我約了一群[快閃會]會員, 一齊去到位於銅鑼灣世貿中心35樓的威達公司.
由於這次約會約了星期四晚, 所以約定18:00開始聽歌, 先到先等! 我當然一早到步影下相先啦.
威達公司
一入門口就見到最大賣既牌子放晒喺最當眼的玻璃櫃裡面. 好似有..
除左HIENDY最多人用既NORDOST外, 仲有老牌子AQ. 當中最新最熱賣既Water, Earth, Wind, Fire系列就放在最顯眼的飾櫃. 有機會我都想借番黎試下最新既AQ進步左幾多.  你地又想唔想 試試呢?!
在隔離的飾櫃, 仲放左AQ自家設計研發的電源插頭. JUMPER等等.
位於銅鑼灣世貿中心的威達公司, 除左一排大型飾櫃外, 仲有三間分別係入門 (大約350尺), 中級 (大約500尺)與發燒房 (大約700尺), 以供不同毒引的顧客可以更方便咁試聽到自己BUDGET的器材組合配搭. (由於當時入門試音房正有客人試音, 所以我一入就入左中級試音房, 第一眼就見到一對好似PROAC, 但又唔係太似PROAC既喇叭. 細問之下, 先知這對PROAC係全球第一對，仲未正式發售既全新旗艦K8，佢最大特色就係用左ATC特別為ProAc訂造既大肚臍中音，配搭鋁帶高音及兩隻英國Volt秘製低音單元，而定價方面, 因為仲未發售, 所以暫時未有。
而推動對這對全新PROAC就使用威達公司最新代理的Brinkmann audio Marconi 膽∕石混種全平衡前級，還有四台Mono 單聲道後級。
不過今次既鎗王嘆世界既目標係j定價高達百五萬既MAGICO M PROJECT, 所以唯有急急步走去大房. 一入房就見到幾個快閃會會員已經坐定定咁聽緊歌. 眼對這對最新M PROJECT. 造功真係靚到無可挑剔. 上網睇番佢地既資料, 新既M PROJECT比上代Q7主要提升兩項重點, 包括:
1) 聲箱左右側板改為碳纖維，因此體重明顯下降
2) 而 M Project 配備28mm直徑，借助特殊生產技術舖上鑽石粉末的嶄新MBD28 鈹震膜高音，造就超高伸延和聲音還原度進一步接近完美境界
而推動這對M PROJECT, 就使用NAIM旗艦STATEMENT. 大部份線材都用番NAIM線, 當中包括電源線和喇叭線. 至於訊源方便, 威 達為我地安排左CAS, CDP及黑膠.
CAS
CDP
黑膠就使用brinkmann盤 + phono,
大家見到幅相片, 可能會問: 咁有無試用全套CONSTELLATION推M PROJECT呢? 哈哈. 這問題小虎兄已第一個問了代理. 但很可惜, 對CONSTELLATION旗艦後級已經賣出了. 而部老頂CONSTELLATION PHONO又剛剛賣出. 所以今次鎗王嘆世界未能一嘗CONSTELLATION+M PROJECT的威力.
好在威達仲有部過百萬既NAIM STATEMENT坐陣.
當我坐定定聽左幾首CAS & CD後, 發覺這部STATEMENT依然流著NAIM的招牌音色. 和暖而音樂味豐富. 力水方面, 作為旗艦, 當然都唔少野, 由8ohm輸出746w, 落到1ohm時, 更可以提供9000w輸出. 推動任何喇叭都不成問題. 當我上網想搵更多資料既時侯, 比我發現左一段youtube. 分享比大家睇睇.
NAIM STATEMENT比我既聽感有齊頂級音響的元素, 當然, 佢唔係最好力, 佢亦唔係最幼細, 但講到音樂感, 我話這套STATEMENT應該在頭五位應該無咩人會反對吧.
這晚威達員工亞孫及波仔為我地打碟, 由最初既CAS, 到CD, 最後黑膠. 我地一行八人, 試左好多碟, 人聲,JAZZ及古典, 樣樣有D. 不經不覺就聽左兩個鐘. 最後聽到人家收工我地先捨得走. 當我起身的時侯先發覺原來有四條友仔自己過左隔離房聽套BRINKMANN+PROAC. 攪到我都想入去聽埋一份, 不過費事阻左人地收工. 唯有再約下次先再聽聽BRINKMANN推PROAC係咩聲音啦.
各位元老們師兄, 你地有無興趣陪我一齊去聽下BRINKMANN推PROAC先?
|
IP卡
狗仔卡
發表於 2015-4-27 09:36:03
提升卡
置頂卡
沉默卡
喧囂卡
變色卡
顯身卡
發表於 2015-4-27 09:42:59
