Ginga三代黑膠唱盤124kg重量級減震 :)

xerxeshowie

Ginga三代黑膠唱盤124kg重量級減震 :)

黑膠唱盤是透過唱針接觸唱片上的坑紋來讀取模擬音訊，極之微弱的震動都會影響音色，故唱盤穩定性是靚聲之本。日本Kondo第三代Ginga黑膠唱盤是當中表表者，單是轉盤已重達46kg，轉動極之穩定自然，加上供電、摩打及三文治式石板底座，令總重量高達124kg，廠方明顯是想透過大石壓死蟹方式來趕絕外來震動及自身諧震，表現出黑膠圓潤音色。

石板底座趕絕震動
Kondo早於2008年推出第一代Ginga，其後於2011年作出改良，踏入2015年終於推出Ginga三代目，雖然外形與上兩代大同小異，但用料及技術都有明顯改善。不少音響迷為了減少外來震動對黑膠唱盤的影響，都會鋪設石底座，而第三代Ginga跟機已附有一個600×400mm的專屬底座，可將唱盤、供電及摩打部分放上去。底座採用三文治式設計，由兩塊花崗岩石夾着一塊銅片構成，約厚90mm，重量達62kg，廠方表示花崗岩與銅片的配搭是經過多次測試而定，不但可趕絕諧震，更令聲音減少生硬感。此外，重量達46kg的轉盤由鋁合金、不銹鋼及阿加力膠板等不同物料構成，雖然轉盤極重，但透過軸承上的滾珠，轉動時極之寧靜流暢，難怪音色如此自然。從底盤延伸出去的唱臂座，備有一塊厚銅板降低諧震，安置唱臂的支架內部填充了矽、油、沙等混合材料減震，將穩定性提升至前所未有水準。

分體供電無縫綿線
為了減少電源對轉盤的影響，新機採用分體式供電設計，供電與摩打設於轉盤左側，由一個鋁合金機箱包圍，將傳統唱盤的噪音問題完全解決。而機面設有調節掣，能簡單選擇33、45、78rpm轉速，同時提供轉速微調功能，確保播歌時不會時快時慢。此外，傳統唱盤都是採用皮帶或膠帶來驅動轉盤，容易因老化而受到影響，反觀新機採用綿線來驅動，優點是不易老化。若各位細心的話還會發現綿線完全沒有接縫，該線全日本只有一家公司有足夠技術製作，必須手工仔細地將綿絲撚揉而成，可見製作認真。

http://orientaldaily.on.cc/cnt/lifestyle/20150705/00321_003.html

pp101

嘩！…………电

pinkhung

嘩！大

ma73

nice,

hksarac

咁鍾意露爸，不如外邊那件唔著啦。

granville

喜歡Hi-end音響的人幾時候變成咸濕阿叔的代名詞？其實好多喜歡音響的人更專注設備唔係個胸吧，老蘭或淺水灣大把啦。哎。。。

GREENSPAN

granville 發表於 2015-7-5 11:25
喜歡Hi-end音響的人幾時候變成咸濕阿叔的代名詞？其實好多喜歡音響的人更專注設備唔係個胸吧，老蘭或淺水灣 ...

Granville 兄,

你可能冇睇過舊年嗰㧗相,  每張相都係刻意用兩個打針波壓住件器材, 嗰種下流賤格姿勢重賤過141.

當時呢道個個拍晒手掌, 記得只有我同AA881兄話過離譜, 畀我媽咗幾次下流賤格後變番斯文咗著番衫, 近期又再度出波! 但已經冇以前咁肉酸核凸.

其實件產品影埋啲咁嘅相只係自取其辱,自眨身價.  如果我係製做商一定收回代理.

利申: 個人不喜大波, 只喜歡微波.

marsover

hksarac 發表於 2015-7-5 16:09
咁鍾意露爸，不如外邊那件唔著啦。

只穿外面個件, 無左個黑巴. 會自然好多.

granville

GREENSPAN 發表於 2015-7-5 19:38
Granville 兄,

你可能冇睇過舊年嗰㧗相,  每張相都係刻意用兩個打針波壓住件器材, 嗰種不流賤格姿勢重 ...

咁又係，唔多見老麥，金仔，二嫂這類牌子用這種方法。可能以後凡見到這類照片的牌子，可以唔需要考慮，因爲照片話得個樣。

Oscar

重量高達124kg.....連埋車頭燈？