百事佬手記(19)
百事佬披上戰衣，飈著戰羊，穿州過省，
走遍大街小巷，四出偵查，
索盡最新行程，為大家報導市場上嘅最新消息。
++++++++++++++++++++++++++++++++++++++++++
大家記得呢張既美觀又舒適既電動電影椅嗎?
10個月前行動豬為大家介紹過，
但估唔到闊別數月，佢已經蛻變了。...  前幾天百事佬因為要為星期六既EPSON投影機試影會作事前準備，
所以要再去中環亞洲走一轉。
當我推門行入試影室時，
見到EPSON既HARRY哥正坐係呢張電動椅上面試緊片...  ，
我正想同HARRY哥打聲招呼之際...  ，
突然被眼前既情境叫停咗，原因係見到HARRY哥身體不停咁震... ，
仲左右前後搖吓搖吓...，
心諗：「唔係咁邪嘛...  ？睇戲睇到鬼上身咁乸大鑊？」
此時，電影突然間停咗，HARRY哥亦再無震震吓！
唔通？時運高，睇佢唔到，都係掉頭走為上著...  。
點不知從後有把仲震緊既聲音叫住「百事佬，張櫈好過癮呀！」
我正係心大心細應佢定繼續走之際，
再聽到一聲：「D-box櫈呀，快D過嚟試吓啦！」
頂...  ！原來係張櫈裝咗D-box，嚇得我吖！ 之後亞洲主場明哥上前同我介紹，呢張櫈係D-box ready，
只需要係椅下面已預留既位置裝上D-box主機同升降腳，
立即變成一張D-box椅，我當然唔客氣嘭嘭聲跳上去感受吓啦... ！
Yes！真係同一般加個震子上去既梳化差天共地，
要震啲要FING啲，只要入去個D-box App度推兩野就搞掂....  ，
非常方便。明哥更補充話只要上網連線，
就會自動DL哂所有具D-box既電影數據，完全毋須用家煩惱。
唔明??好彩百事佬剪咗兩條片俾大家睇啫！
百事佬，又話張椅震得好過癮？
段片震都唔震吓喎?!
各位大佬，原先係諗住拍條又震又FING既片，
但就係因為震得濟，成部相機跌咗落地呢... 
亞洲影音試影室原本已經係百事佬認為最出色既家庭影院之一...  ，
而家加埋D-box既加盟，以後都唔使去戲院睇戲呢！
如果明哥可以提供埋包爆谷就真係無得彈嘞...  ！ | 
IP卡
狗仔卡
發表於 2015-7-6 21:08:26
提升卡
置頂卡
沉默卡
喧囂卡
變色卡
顯身卡
發表於 2015-7-7 01:27:12
