玩Atmos 你準備好未？

Ayyk

Atmos 你準備好未？
自從Dolby Digital訂下了新的音軌制，即Atmos. 由於得到擴音機生產商認同及商機引誘下，近月推出有Atmos的擴音機真的多得眼花撩亂。各有各的卓頭及秘技！
之前，真的沒想過咁快玩atmos, 原因一，荷包無錢；二，待這個制式成熟及价錢去到自己能夠負擔的水平。
但這個想法及計劃突然來個天翻地覆的轉變！唉！人生就是這樣，很多事是預計唔到的！事原在5月份的某一天，朋友詢問有關馬仔8802的事，我這個門外漢當然沒有這材料在手啦！而剛好有朋友跟代理熟悉，就是這樣的無心插柳下連自己都入了貨。
但這個只是開始，正所唯一闊三大。入得這部機，除了是它的新設計外當然就是它兼容了多個制式，其中之一就是坊間討論熱烈的
atmos 了。
既然AV前級已選定了，跟著來的就是power amp及喇叭了。好在，已前都已經為將來的atmos做定準備，所以都有揾定一些心儀的後級所以在這方面都沒有大困難。雖然唔係高級野又唔值錢,但都可滿足吓玩atmos的慾望.

但用什麼喇叭呢？這個真是很頭痛的問題，似乎在這方面都資料還不多，唯一途徑是往網上找。那個方向找呢？什麼地方給你的資料最準確及有用呢？
靈機一捉，現在要玩的不就是atmos嗎！為什麼不到他的官方網頁那裡找呢！
找到了，找到了我認為合理的喇叭款式了。就是天花喇叭。
怎麼攪呀？天花喇叭都可以做家庭影音喇叭？天花喇叭不就是在商場裡做廣播及背景音樂的嚒！真是摸不着頭腦，但已有方案始終都要試試找吧！
找還找，還是都要有些準則。先決條件就是要配合現有的喇叭……
JBL。因為之前都講了，小弟莫財(才)所以……唯有JBL喇！
到JBL網頁看看，真的五花八門，真的不知怎樣入手！
看過了大多数資料後，選定了JBL的天花喇叭，它有8寸及12寸。8寸的連箱有廿多三十磅重 。12寸的連箱有70多磅重 ，嘩！天花喇叭玩到70幾磅重好似有點兒那個。但這两款都沒聽過有人玩，怎麼辨？唯有，又上網上找找看……
有，有些人討論8寸和12寸。看過後決定入手8寸的，須是8寸的的，其實它的尺寸真的不是那麼平易近人。8寸的尺寸是10半高15寸直徑，而12寸那款的天花喇就真的大得驚人，重量更加另人有點憂慮。
貨到了，貨到了！共8大箱， 今次真的有排攪。即時驗吓貨先 ,好大隻,真的好大隻一定要找人幫忙。
擇好日子，上喇叭！
裝好了 ，心情特別緊張，開聲！
有板有眼！
揾隻有atmos嘅戲試試先。
第一次在自家裡玩(聽)atmos, 真的感受到atmos的效果很好，聲音很立体，加強了聲音的包圍感，真正發揮到套戲的氣氛及張力。
試試atmos試音碟又如何？啊，樹葉旋轉的跌落，在身面前飄過，像真度非常之高。試下雨的一段，雨點、雷聲就好像在頭上似的，真的以為自己身處其中在沒有瓦遮頭的地方。
試過一輪，效果真的很好，但又好像還是欠决些東西，就是連貫性及一此迫力，分隔度。於是再次走進Dolby的網頁看看。喎！明白了。翌日，馬上將surround及back surround的高度降低至離地54寸及將所有天花向皇帝位移近一尺。天啊！所有之前所講的問題馬上一掃而空。什麼包圍感，迫力及連貫性即時到位。在這次的經驗告訴我就算是AV的喇叭位置真的很重要，別以為AV processor會為你攪掂一切。
這次的AV升級，真正另我体會到新音響的震撼。尤其是新款馬蘭士AV8802A，它可以把5.1或7.1聲道的影片模擬至atmos的效果，真的十分過引。最後提提大家，如地方容許的情況下天花喇叭一定要8寸起跳，點解？因為我而家用緊8寸囉！事實上，atmos ceiling存在着不少的信息，尤其是低頻。
現在我晚晚都睇戲，atmos真的俾到了很好的娛樂性。

danny0747

大俠又再毒人。上次係你到已中了sim2毒，今次你又攪咁大棚要毒我atoms毒，小弟1. 莫財。2.地方小。因此中毒雖然深，毒到我din 吓 din 吓，口水鼻涕都流晒，都係得過睇字。但上次同行就有人抵受不住你施放的毒，自行上了sim2 lumins 3D uno 啦

Ayyk

danny0747 發表於 2015-7-26 14:35
大俠又再毒人。上次係你到已中了sim2毒，今次你又攪咁大棚要毒我atoms毒，小弟1. 莫財。2.地方小。因此中毒 ...

丹尼兄, 聽說你處都很毒喎!真的又要揾時間上去你處學野同吸毒先得啦!
八卦吓, 邊個咁快手入部Sim2 uno? 係呢度講唔會有人知既.

danny0747

Ayyk 發表於 2015-7-26 14:45
丹尼兄, 聽說你處都很毒喎!真的又要揾時間上去你處學野同吸毒先得啦!
八卦吓, 邊個咁快手入部Sim2 uno?  ...

大俠，咪我隔離鄰舍。好似話下星期安裝，到時咪一雞兩味。
我到堅鬼堅馬，冇atoms, 仲由7.2 變5.2

Ayyk

danny0747 發表於 2015-7-26 14:53
大俠，咪我隔離鄰舍。好似話下星期安裝，到時咪一雞兩味。
我到堅鬼堅馬，冇atoms, 仲由7.2 變5.2 ...

5.2 好, 7.2好, 玩得好一定靚過Atmos
你隔離鄰舍果部應該係c3x喎

Ayyk

danny0747 發表於 2015-7-26 14:53
大俠，咪我隔離鄰舍。好似話下星期安裝，到時咪一雞兩味。
我到堅鬼堅馬，冇atoms, 仲由7.2 變5.2 ...

我呢度D野求其搭著有聲出有畫面就算架喇.因為自己從來都無要求

KelvinLiu@FB

師兄你套野好正唱！

Ayyk

KelvinLiu@FB 發表於 2015-7-26 16:13
師兄你套野好正唱！

Kelvin兄, 多謝你的讚賞.
只是小弟一些分享, 在各師兄面前班門弄斧而已！

timmywan

真係好堅

on90on

強

dragonball911

Ayyk 發表於 2015-7-26 15:13
我呢度D野求其搭著有聲出有畫面就算架喇.因為自己從來都無要求

咁都叫冇要求，咁我地要收皮了!

Ayyk

dragonball911 發表於 2015-7-26 23:20
咁都叫冇要求，咁我地要收皮了!

龍珠兄, 小弟套野就真係見笑至在分享.
不過,現在晚晚睇套幾兩套戲, 個藍光庫存好快就睇完

Kelvin11

原來大俠都學咗掌門的咋帝神功


真係好耐無去拜會大俠了。

dt825

嘩！大俠呢壇嘢非同少可，係時候要排隊去朝聖學藝了
自己都整左套小學雞級數7.4.1atmos但覺得效果一般，希望可以領略下真正atmos嘅威力

dragonball911

dragonball911 發表於 2015-7-26 23:20
咁都叫冇要求，咁我地要收皮了!

除代理外，可能識得人少，喇叭組合玩鴨毛，暫時算你最强，
不過好快應該有啲行二，三十聲道嘅出現
當然我唔知邊個啦！香港地咩事都會發生

bmb_hd

Thanks for Sharing!

Ayyk

Kelvin11 發表於 2015-7-27 07:25
原來大俠都學咗掌門的咋帝神功

才子兄, 我唔識乍帝神功 事實系玩到現在瓣瓣都還是新手，初哥. 所以每次都有進步空間
亦都希望才子入黎指導指導。

Ayyk

dt825 發表於 2015-7-27 08:37
嘩！大俠呢壇嘢非同少可，係時候要排隊去朝聖學藝了
自己都整左套小學雞級數7.4.1atmos但覺得效果 ...

825, 唔好咁大頂帽粒落黎.我呢度得啖笑咋, 等你聽完就知.
任何時候都等緊.........

Ayyk

dragonball911 發表於 2015-7-27 09:32
除代理外，可能識得人少，喇叭組合玩鴨毛，暫時算你最强，
不過好快應該有啲行二，三十聲道嘅出現
當然我 ...

龍珠兄, 應該這樣修飾吓會啱啲"除代理外，可能識得人少，喇叭組合玩鴨毛，暫時算你算最强差人意"

Ayyk

今晚睇咗隻Birdman成set drum個像真度真的很高很好, 尤其是個kick drum
試過用7.3.4聽CD包圍感同音色都很好, 值得推薦使用.