新手對"HiFi"的隨心隨寫

mpv

這篇是睇完rumor兄的"新手遊記"後隨心以寫的分享....由2010年初至今, 自知樽頸要突破並非容易, 便退燒齋聽......抽離HiFi友心態在旁觀望, 與各C兄分享討論"代理與零售的定位", 神秘的價格" 及"有贊冇彈的報告"

代理與零售的定位:
市場理論代理及零售角色是很清晰, 但HiFi鋪都幾奇, 代理做埋零售(當然很多商品也只得代理沒有零售, 我唔係指果d....), 我作為丐幫會員上零售就真係要嗰比劉華嗰廣告巨睇.....完全冇服務可言,大佬, 唔識問多2句就好似欠咗巨咁, 唔好話即場試....預約試咗唔啱又比人凶加落閘....唔通零售班友真係好似要做都小販咁, 要d客"還價即成".  零售唔係應該可集各代理之大成, 提供代理不能提供之鈴聽組合既咩.....吹脹!  代理在預約試機方面可試射程範圍以內的機種甚至高一級及低一級作比較....價格就可圈可點....這種環境真係令到零售商只需做報價埋單機器便可......邊樹有心機試機吹水...

神秘的價格:
HiFi友成日覺得自己係最"so"嘅一個...."好啩, 現金超低價, 唔好同人講或上網post價錢": sale屎甲說........"d個價輸1、2千放二手大把人接啦":sale屎乙說.......真的嗎?  認真便輸了是我的感覺.   網上賣既2手價, 鬼知係唔係真正成交價。  轉代理及陳列品就可能真係有靚價.....利率轉變, 美元變強, 近期玩賣"香港水貨" 及 "真正水貨".....死未!  其實如果想大賣到成行成市, 透明的價格是必須的......."C兄, 請PM價錢": 網友甲問.....樓主覆你又知係堅?  相信所有出發點也是想keep住個二手價....如果大陸二手承接轉弱, 殘酷的二手價便出現了~~~~

有贊冇彈的報告:
新玩具, 自己唔覺得好都唔會買啦.  基本上所有開箱文也是絕對的正面, 合情合理.  但我卻想討論現在卻少了C兄們的PK戰....哈哈! 很殘酷但又幾過癮既非廣告報告....家下真係非常非常之小.....坦白說, 自覺這個論壇也有代理支持己不能暢所欲言的文章.....pros and cons, 直接用數字比較高低取向.  見議版主開多個版比網友自己評分及分享....就好似其他相機Forum咁, 大家在同一産品參與意見.

哈哈! 好似好多牢騷.....不喜見諒!  

sealteam4

代理與零售定位方面
其實我最初和你有一樣的睇法，但最來我漸漸明我是去錯地方
我以前會去友蛇或旺角幾間大店睇同問，結果和你睇法一樣
後來慢慢知道點先係正路避免去某些地方
試機直接約上大代理，通常總代理都幾好態度服務

至於報告有時聲好個人，買完新開通常只見其利未陳其弊，正常
想知好壞唔難，有時報告完短期就見人賣
就知一定有其個別缺點

7500martin

樓主！

MK sell屎係靠賺佣，底薪低到你吾信！因此對佢地黎講時間就係金錢！你想吾買凈試，吾黑面就有鬼啦！你搬劉華個套吾係吾得，去中環啦！音響市場就係咁畸形！睇你要服務定係要靚價(如果真係靚價！)? 你問我？服務都係成本！成本即係錢啦！

hohoiho

坦白說, 自覺這個論壇也有代理支持己不能暢所欲言的文章.....X 2

也有被某代理hijack了這個論壇現象出現.  談論到其產品時, 一衆'fans'都會出現捧場.  但當有網友提出負面意見時, 一衆'fans'便全程圍攻, 鏟到上十版...真惡!!!!

7500martin

PK戰！？我諗更加要小心！除非同時間有多套器材提供不同匹配！否則只以單一組合，分分鐘誤殺忠良！以試缐為例，得出結果只可説是這條線在這組合最為匹配。千萬不可解作這線好過其他線！另外評審人水平又是否如讀者所想像那樣，又是另一個問題！

w4waiki

我現在多數買碟聽算數，已在樽頸位好耐
其實器材同線，甚至去到釘腳，平同貴都要mix and match. 沒有一定答案，沒有最好。

nagramen

想有好的服务，要成为熟客！生客多數運吉只試唔買，怎會有好服务。多數資歷高的玩家都冇投訢。去MK只能比cash即取货，試就要去中環代理。現實是這樣，唔啱聽勿插！

nagramen

至于所謂review報告, 讀者要識read between the line, 也只能作參巧，因器材音效冇绝对。尤如食評，若你飲咖啡要淡味，expresso就不啱你口味！所以要各自執生啦！不要食古不化啊

mpv

7500martin 發表於 2015-8-2 17:03
PK戰！？我諗更加要小心！除非同時間有多套器材提供不同匹配！否則只以單一組合，分分鐘誤殺忠良！以試缐為 ...

C兄, 我所懷念的PK戰如以下.....明白唔同組合配搭會有不同效果, 只是想儘量把特性分享给大家, 不要避重就輕地表達...

http://www.hiendy.com/hififorum/ ... 8969&highlight=萬元
http://www.hiendy.com/hififorum/ ... 3975&highlight=比試
http://www.hiendy.com/hififorum/ ... 4639&highlight=線材

mpv

nagramen 發表於 2015-8-2 20:02
想有好的服务，要成为熟客！生客多數運吉只試唔買，怎會有好服务。多數資歷高的玩家都冇投訢。去MK只能比ca ...

成為熟客前咪就係生客囉 ....其實自己頭半年後己冇上旺角既特約零售....全是直上代理再去搵紅磡陳生, 又或同代理磨過 ......我只想指出香港代理與零售的奇怪關係. 近年, 身邊朋友己在二手鋪買新缐, 在缐材鋪買新機, 在歐美網買二手........

mpv

這篇也是本人極喜愛的器材分享....回憶總是美好的
http://www.hiendy.com/hififorum/ ... 5&highlight=cD8

7500martin

mpv 發表於 2015-8-2 20:54
C兄, 我所懷念的PK戰如以下.....明白唔同組合配搭會有不同效果, 只是想儘量把特性分享给大家, 不要避重就 ...

往事只能回味！

tst123

PK 戰都係自己鬥自己就容易寫，以前有比較 Pioneer SX-1 EX v Marten Getz， Pioneer SX-1 EX v Tidal Contriva G2， Chord Blu + QBD76 v Esoteric K-01X，全部自己野，所以唔會得罪人，亦冇利益衝突。至於寫地盒比併就較為困難，始終部份係友好師兄器材，但最後雖如實報告，但當然要聲明係以自己器材的結論，換上其它器材當然有不同結論，

mpv

tst123 發表於 2015-8-2 22:37
PK 戰都係自己鬥自己就容易寫，以前有比較 Pioneer SX-1 EX v Marten Getz， Pioneer SX-1 EX v Tidal Cont ...

玩過Symphonic Line頂班合併及Pioneer SX1, 就知是聽聲收貨非隨波逐流之人....再次謝謝邀請到府上豪宅送別SL....相信都冇乜機會可再嚐SL的味道......

CeLicA

Ching這個post解動了我想起av-forums.net

diamondblack

如果係要問代理借線或者器材嚟公開PK，我相信無代理會show你。要網友自己集合足夠有叫座力嘅線/器材去PK，以而家線材周邊配件動輒都萬萬聲嘅環境下，甚為艱難。幾十公斤嘅器材搬去測試，無十足幹勁係唔會成事。

家訪報告係一樣比較可行而具一定參考價值嘅post，但願意公開底牌嘅師兄其實又唔多。更稀有嘅係，有公信力嘅reviewer。

mainji

唔通只有音响行業係低底薪制？呢点唔覺得係可以態度惡劣嘅原因！
任何一行都應該有敬業心態！

7500martin

mainji 發表於 2015-8-3 02:35
唔通只有音响行業係低底薪制？呢点唔覺得係可以態度惡劣嘅原因！
任何一行都應該有敬業心態！ ...

尼點我都有諗過！事實上有一部分用家係對價格非常敏感，無論服務幾咁周到和貼身，樓下間舗平二舊，即刻就落樓下買！想買平野無可厚非，但有部分人甚至將Ａ鋪開個價再走去Ｂ鋪到再鍊！俾你做sell屎，你會點諗！當然你可以話尼個吾係藉口！但我相信做sell屎個班大哥應該比我尼Ｄ路過閒人更清楚！旺角始終旺角，生態環境和中環係吾同架！

heihei

其實有時有D Sale係唔底幫,唔識SELL又無料,不過亦有好多客好差,Sale報左個好價比你,大家就好鍾意去格價,格價都唔係問題,依係響朵話邊間邊間係呢個價喎,同埋好老實,如果完全係無心買的話,真係唔好隨便試咁耐,因為有可能會阻住人搵食,當然如果無咩人既時間同試一陣就另計

mainji

7500martin 發表於 2015-8-3 11:10
尼點我都有諗過！事實上有一部分用家係對價格非常敏感，無論服務幾咁周到和貼身，樓下間舗平二舊，即刻就 ...

小弟都係做服務性行業，亦明白有好多衰客或無理取閙嘅客，有時係好難忍，但有好多好有禮貌嘅客亦要受氣就唔太啱，点都好，和和氣氣，自己開心，人客開心，衰客一笑置之