中價機VS高價機 - 作者：李英立

bigpun1975

不少外國音響器材售價不菲，箇中原因與研發需時、工資高、外援參予、用料貴、手工貴、到產量低，凡此種種有一定程度影響。又當中某些產品，聲音強調招牌特色，世上衹此一家，某程度上亦調整了身價。
高價器材聲音別具流暢感，音質好，當中特別靚聲的，甚至有比真聲更靚的，好此道者趨之若鶩。久而久之，在不少發燒友心目中，這類人工化靚聲，有可能成為所謂一流聲音的標準；反而準確音色與表現形態屈居次席，在高傳真要求下，本末給倒轉過來。
不怕見笑，有時我覺得某些廉價但架構簡潔的重播系統，聲音還要比偏聲的高價系統來得自然不造作；想當然分析力、層次感、透明度、兩極延伸，乃至舞台規模等等，二者有著顯著差距。
畢竟電路設計決定器材基本級數，但設計者調整出他們自己喜歡與認同的聲音，或多或少左右了重播系統的聲音像真度(包括音色與表現形態等)。我玩音響多年，須早已不迷戀名牌，但認同高價產品某些獨特處，不輕易被超越，也不一定在中價器材裡找到，最明顯不過的例子是輸出可以做到很大，有能力在大地方推動多單元大型揚聲器，而且控制得很好，重現出龐大而具生命力的音響舞台來，就音響而言，這是嚴格的考驗，級數分高低的時刻；而高價器材的潛在價值，此刻算是顯露出來。反過來說，發燒友在細地方玩高價系統，因未能把潛質充分發揮，多少是暴殄天物。另一方面，由於科技進步，廠家設計經驗豐富了，同步加強對何謂好的聲音的認知，遂市場中逐漸出現了一批中價產品，於某幾方面表現與一些高價貨旗鼓相當，發揮得相當好，例如音樂生命力、彈跳力，激情與訊噪比方面便是。

https://www.facebook.com/newwellwick

smalltiger

李前輩所言甚是 模擬放大發展:包括放大元件:如電子管、晶體管和塲效應管、運算放大ＩＣ; 放大器偏壓或類别設定:如纯Ａ類、動態Ａ類、ＡＢ類、Ｂ類、Ｄ類; 放大级設計線路架構:如單端、平衡，多組單端、多組平衡、橋聯式; 放大级交連方式:如以全ＤＣ放大、經交連电容或交連偶合牛，等等的主流線路設計，已非常成熟，可再脫變有限。反而隨着數碼技術，高速化，大容量化，程序設定和内插訉息技術的日新月異，以往—些頂級數碼器材被後來中下價器材在聲音超越婁見不鮮 。

Holelighter

其實講真音響科技近幾十年無咩進步過...
前后級concept一早就有，到而家唔見咩突破
大廠只系改款換殼，提升少少分析力， 賣貴幾十倍.....

DAC 已經系進步變化最多一種產品， 所以換代最快， 跌價最快....
但需要用到就要買，同買最高spec 電腦無分別

smalltiger

Holelighter 發表於 2015-8-5 04:45
其實講真音響科技近幾十年無咩進步過...
前后級concept一早就有，到而家唔見咩突破
大廠只系改款 ...

同意Hole兄所説 ，模擬放大技術，發展十分成熟 ，近年進步多是用更高質零件和物質 ，在缐材接頭上使用更高純度金銀銠鉑銅原料 ，無所不用去提升音質 。

三文魚腩

反過來說，發燒友在細地方玩高價系統，因未能把潛質充分發揮，多少是暴殄天物。

So you can't enjoy a Bugatti in the city?

Holelighter

smalltiger 發表於 2015-8-5 09:01
同意Hole兄所説 ，模擬放大技術，發展十分成熟 ，近年進步多是用更高質零件和物質{:5_ ...

嘿嘿， 線材系另一話題了
接頭系高grade 唔同物料只系換口味, 音色取向多與音質
但近年線材技術真的很厲害，有電腦計算支持，  合金技術， 混線，編織， 避震， 屏蔽，黑盒， 百花爭鳴
只系荷包追唔到 以前器材同線材比例大概1比五，  而家已經差不多1比1了

Holelighter

三文魚腩 發表於 2015-8-5 10:44
反過來說，發燒友在細地方玩高價系統，因未能把潛質充分發揮，多少是暴殄天物。

So you can't enjoy a Bug ...

無話唔得， 只系唔夠盡情

hakman

一個Hermes White Clemence Birkin包包要10萬，值唔值咁貴

有錢人趨之若鶩

三文魚腩

Holelighter 發表於 2015-8-5 12:41
無話唔得， 只系唔夠盡情

唔盡，咩叫盡？

水中一閣

Holelighter 發表於 2015-8-5 04:45
其實講真音響科技近幾十年無咩進步過...
前后級concept一早就有，到而家唔見咩突破
大廠只系改款 ...

實話

當有人提出左新既概念或者想法
有幾多人/市場又肯唔肯跟先？

就算係好野，大家唔跟，人地搵唔到食
最後大家都係係原點
然後再畀人話無進步

明明提出左進步方法
無人理，無人去用，咁當然無進步啦

水中一閣

反過來說，發燒友在細地方玩高價系統，因未能把潛質充分發揮，多少是暴殄天物。


整豉油雞
豉油貴過雞，就暴殄豉油
雞貴過豉油，就暴殄隻雞
兩樣都咁貴，又話貴，唔值，畀唔起，食唔出
兩樣都平野，你話性價比高還是豉油雞係唔好食？

買架車 300 匹，但有幾可行到盡呀？
咁唔通買部 100 匹當代步算數？
下下行到盡先唔叫暴殄？

值唔值係一件事，有無暴殄係另一件事

smalltiger

Holelighter 發表於 2015-8-5 12:39
嘿嘿， 線材系另一話題了
接頭系高grade 唔同物料只系換口味, 音色取向多與音質
但近年線材技術真的很厲 ...

Hole兄 ，如果將連接線當為獨立器材的一部份 ，就比較容易說服自己買入貴線材

smalltiger

水中一閣 發表於 2015-8-5 17:46
實話

當有人提出左新既概念或者想法

水中兄所言也是 ，新技術不是容易改變一般已廣被好評的設計，正如ＭＬ推出數碼放大器53,希望以此帶頭，令ＭＬ fan接受，但結果５３不受歡迎，之後下級机全改回模擬放大。但另一Ｄ字頭品牌，將细Ｗ數Ａ類結合大Ｗ數數碼放大器，在歐洲囗啤很好，但在日本較傳統的地方，囗啤只是—般，所以有時新技術能否被人接受，除了質素，也有天時地利因素 。

smalltiger

水中一閣 發表於 2015-8-5 17:55
反過來說，發燒友在細地方玩高價系統，因未能把潛質充分發揮，多少是暴殄天物。

Fayefei

又係十八子的文章
佢究竟係嘜水....

LineageII

水中一閣 發表於 2015-8-5 17:55
反過來說，發燒友在細地方玩高價系統，因未能把潛質充分發揮，多少是暴殄天物。

ching 睇法小弟又不能完全認同 ,

豉油貴過雞，就暴殄豉油 < 但有機會品嚐到貴豉油既味道
雞貴過豉油，就暴殄隻雞 < 但有機會食到走地雞肉味
ching 都識講 "有幾何 "用盡 300 匹 ... 即係有機會可以 ,
但在細地方玩高價系統，就係完全"冇機會"把潛質充分發揮.

澳門客

技巧高者，低價器材高價聲
技巧低者，高價器材低價聲

ccli1996

發燒音響器材係屬於「高級」消費品，跟一般消費品不同，賣價唔係睇它客觀應用咗咩技術，要幾多成本，市場實用價值值幾多，而係睇佢係市場上可以賣多少價，主觀成份(如好唔好聲及咩品牌，呢個其實又是互相影響，賣得貴又可影響主觀聽感)佔主要因素
與女仕們買名牌物品比較
我會覺得女仕們對男仕們用幾萬蚊買條音響線所產生嘅莫名感覺與
男仕們對女仕們用十萬八萬買個名牌手袋應該差唔多
反而女仕們可能會有點優越感，就係買咗個「靚」手袋可以主動地攞出街跟好友分享
但男仕買到條「靚」聲線就要被動式等人上嚟屋企至可以分享到
不過好彩有Hiendy論壇，可以主動地擺啲「靚嘢，好嘢」上去做分享

hakman

ccli1996 發表於 2015-8-6 08:28
發燒音響器材係屬於「高級」消費品，跟一般消費品不同，賣價唔係睇它客觀應用咗咩技術，要幾多成本，市場實 ...

發燒音響器材唔屬於「高級」消費品，應該算係奢侈品，奢侈品(Luxury)在國際上被定義為“一種超出人們生存與發展需要範圍的，具有獨特、稀缺、珍奇等特點的消費品”。
雖然音響技術進步，但很多資深發燒友還戀戀不捨古董器材，令人深思反省！

t1174

點解和偉多了個新字?公司改組了？