膽粗粗華強北訂做牛輸出膽前

DICK1688

個人在睡房聽歌,器材都放床頭,現時用HUGO 直接一對CYRUS POWER X後級推新版ATC 7.因貼墻不敢追求音場,只想玩好音色,想買部小型膽前級!上星期無聊行華強北萬商,見有間無咁重商業味的舖頭,老板在內房整嘢,見佢擺對ATC40於是入去望下.
老板有細部膽前級?
有呀！呢部細機3千幾,重有部分體電源的萬零!
邊到出架?
我整架!
原來是高手!老板問我用來推咩機,我話推石後加ATC 7仔
.老板即話,咁就不行了,細果部推不了,分體都推唔足!
唔係話!有生意唔做!之前果間話3000零文膽合併可推得我對7仔好掂架喎！
佢過石後抗阻唔同膽後,而且7仔要求前級控制力十分高,果兩部控制唔到!
見佢甘誠實咪坐低吹下水,聽下佢d作品,
後來佢突然講可將佢部細前級改成牛輸出,佢正好有批古董輸出牛(正所謂千金難買靚牛),佢正幫人用古董牛整緊一部(2萬幾),仲調緊音,於是叫佢搬來聽下,又幾有感覺喎!再聽細前級,又真係無咁正!雖然價錢翻一翻,但都决定搏下!部機目前已開工並開聲,但仲要上多兩次深圳,一次試聽,聽完再按個人喜好調音!(訂做真好!但攞批文上次深圳不易!)期待中.
正所謂:搏一搏!
希望找到心目中的感覺!

wilmerworkshop

2 萬幾

febytam

真心祝你好運

小仇

大陸野,平平地玩下就得   http://world.taobao.com/item/201 ... 4.0.0.wgYXMs#detail

朋友用緊,好得!

timmywan

你真係膽色過人

高菲

千金難買心頭好, 真心恭喜師兄
又再引證一個真理,
有錢就係任性

DICK1688

呢部無兩皮咁貴,幾千姐,哈哈！可能會後悔!

wilmerworkshop

DICK1688 發表於 2016-3-5 00:50
呢部無兩皮咁貴,幾千姐,哈哈！可能會後悔!

幾千咋！？不過兩皮都唔係問題，問題係，佢知唔知你係香港人？内地好多商家係特登「做」香港人，因為普遍香港人講價唔會狠，什至語講價，如果可以，你揾個真正内地人朋友去打死狗講價埋唔埋到單就知道有冇「做」你

lamfatlun

wilmerworkshop 發表於 2016-3-5 02:00
幾千咋！？不過兩皮都唔係問題，問題係，佢知唔知你係香港人？内地好多商家係特登「做」香港人，因為普遍 ...

佢開三千時，你應該可以試下叫三百試一試水溫先！

chengvin

上淘寶揾膽前四舊人仔有馬仔線路添。試試。

DICK1688

我是返來香港先再微信聯絡佢,我都怕做水魚,我叫佢減一千,佢叫我試下其他前級!再唔得先搵佢整!見佢甘堅持!咪信下佢囉!下星期帶個資深膽友上去試聽!就會有結果了!

wilmerworkshop

DICK1688 發表於 2016-3-5 12:12
我是返來香港先再微信聯絡佢,我都怕做水魚,我叫佢減一千,佢叫我試下其他前級!再唔得先搵佢整!見佢甘堅持!咪 ...

高手在民間，好聲唔出奇，幫聽會有主觀性，到時叫你朋友幫幫眼，用返內地標準評「價」就真

AS881

雖然唔敢講上面做有幾勁, 但嘅然都用幾仟蚊不如正正經經加多少少找YS 做—部,  在HK, 又有service 又有得試淸楚!

DICK1688

老實講我都想找YS 不過問過佢地唔做細箱機,標準箱我放唔落,無計!上去做用人仔,香港用港紙,其實唔好唔抵!下星期就知中招定中獎!

DICK1688

今天去華強北收早前訂做的前級,心情上落十分大!
原本師傅叫我要上去兩次,一次調音一次收貨!我無太多機會上去於是决定一天內搞掂,於是11:30上到去!
用渡口及鼓詩來試!
開始試機,膽前接膽合併接鑑聽音箱,,力度分析都幾好,但無咩味道,接石機推ATC40則有些味道!師傅表示,這是基礎,再按自己喜好調音,心諗來啦！應該是叫我用靚料加錢了,我帶多少少架!不過唔好咁大口喎!
點知估錯,師傅開始用電阻調工作點,搞兩嘢再聽,有明顯進步,再問我想HIFId定重味精重口味D !我話我想聽人聲時甜d但,聽大棚時勁d!佢話咁平衡d啦!再搞幾搞!人聲和低音都達到我要求!特別是鼓詩得低頻下潛及收尾到極正,完全無多餘低音不良殘響!師傅話機內仲有粒國產電阻話換粒美國靚嘢,點知女聲係靚左但低音收唔齊,再換多只外國嘢都只一樣收唔靚低音,最終用回原配電阻,靚晒,再聽萬寶路！完全無腳軟!定位及動態都好正!比較佢部分體前級,力度贏九條街,再試唔用前級直接用佢部300b合併機,音色輸左d,但控制力及動態都贏唔少,有牛輸出果然不同!
轉眼兩點,同師傅食左個快餐,我就去行街買嘢,師傅整理線及封機!之後都有試少少,但未細試.6點打道回府!
點知返來一插,
頂!有電流聲!!心諗!呢次lai嘢啦！
師傅和老友都即時指導!用無水線電線!搬位!插膽!換膽!接第二部機!用第二個拖板!
都係有!最後比我試到插住唔著前級,著後級都有電流聲!
師傅話要上多次!唉！都係各位大佬講得對!香港買咪好囉！方便跟進!但真心無後悔!聲真係好正!在電流聲下播音樂都感受到出色的動態和音場!

wilmerworkshop

都話高手在民間，聲好唔好真係唔擔心，只係擔心呃錢

上面 d 電亂七八糟過香港，你再上去要睇下人地果度有冇點特别處理 d 電，揾吓 hum 聲原因

king0053

我上年係東莞做部仿kit 1 300B合併，佢AC，DC用銅管来阻格干擾

DICK1688

king0053 發表於 2016-3-13 15:55
我上年係東莞做部仿kit 1 300B合併，佢AC，DC用銅管来阻格干擾

King 兄部仿kit 1 效果好？

DICK1688

wilmerworkshop 發表於 2016-3-13 14:35
都話高手在民間，聲好唔好真係唔擔心，只係擔心呃錢

上面 d 電亂七八糟過香港，你再上去要睇下人地果度有 ...

多謝威馬SIR!呢次返去要睇清楚佢用咩電源處理!
奇怪的是前級不插電,只連rca去後級,關後級都一樣有電流聲,一文左線又無聲!是代表線產生回路干擾?

king0053

DICK1688 發表於 2016-3-13 17:09
King 兄部仿kit 1 效果好？

單端8w比想象中夠力，推jbl 4429