EMT-981 laser pickup replacement

小強 · 發表於 2016-7-11 10:41:32

本帖最後由小強於 2016-7-11 13:04 編輯

咳唔...首先要同各CHING PM問我關於K-03換頭遲遲無反應講聲唔好思...如果大家對K03換頭, 買頭等等其實可以直接電郵我啦...雖然我成日黎呢度, 但老花的我成日睇漏消息提醒... 我地址係小強@小強.COM

至於今次, 算係我第一次為左貧友動手..因為從來都唔敢將人地既心愛器材較飛. 所以從來唔敢幫人做呢D高危動作, 有咩事真係十條命都唔夠賠.

今次呢位脂深既發燒友, 一句說話...

"呢部野係我乜乜送比我, 佢將會係我既陪葬品...無其它EMT981可以代替, 就算渠再播唔到CD, 我都嚮受著住佢, 睇住綠色字 "DISC" 發呆一整晚...

"唔好再講啦!" 我咸到收唔到腥.

"如果你整到...我請你飲二割三, 十四代...."

"O_O""

我發誓絕對唔係因為支十四代, 我絕對為左朋友!! 於是乎我走訪世界各地搜羅 PHILIPS CDM-1 MK2頭. 自問亦退出陰嚮介一段日子, 堅唔知道究竟如何入手. 如果大家睇完呢個POST覺得我柒上三干, 其實7-11有得買CDM-1 MK2的話, 請唔好太用力笑我...

EMT981換頭心得
1, 首先你要搵到個無壞既頭, 可能拆PHILIPS CD850黎換, 又或者搵第二部EMT981拆黎換...

如果你無SPARE頭, 可以搏一搏拆出黎, 再拆去CD頭上一粒小螺絲, 然後用消毒清洗入面兩側鏡片. 如果你開機見到CD頭有紅色激光射出的話, 洗頭救回機會係有既. (你唔好問我點解唔試下洗而直接換掉, 如果你有個SPARE頭, 拆到部機散晒, 部機又唔係你, 你會搏洗完裝返試下得唔得, 唔得再拆多鑊嗎?! 我就唔會啦!)

http://hifi-advice.com/under-the-hood-cdm-range.html

2, 搵日好日, 陽光充沛既下午....(因為太早老花好嚴重, 兼且太早又會手震, 所以最好下午食飽飯...)

1

搵過咁多頭, 呢部算最麻煩最難...要爆開晒個DRIVE先拎到個頭出黎.
  a, 個DRIVE用四粒螺絲固定, 一拆便拎出黎, 無難度
  b, 拎左出黎之後, 將兩邊碟壓連彈弓拆掉, 便可以成個TRAY拉出黎, 拆出黎同放入去都要留意MICROSWITCH推桿
  c, 拆左TRAY出黎之後, CD 頭同 DECODER 四粒螺絲拆出, 要十分小心勿拉斷排線
  d, 防震四小彈弓呢個時候會彈黎彈去, 小心唔知彈左去邊, 無任何固定螺絲
  e, 好啦見到個頭, 最煩呢度, 拆左兩粒羅絲就得實在太便直左你....中間有粒鋼珠, 同埋上方排線固定扣...稍一不腎, 排線斷, 鋼珠唔知彈左去邊.
  f, 因為CD頭係二手, 所以無任何焊點靜電保護...(只用一個萬能夾)

headcloseup