美國設計、韓國造 KLAUDIO-LP 200 超聲波洗碟機 開箱、使用、

老平

各位師兄：又來開箱POST，一波未平(另一POST來完)，一波又起，今次個POST主要分幾個部份，開箱，使用，拆解，保養，優點、缺點等。
先來開箱圖，『聲望』還未做代理已看中它，外國賣US＄4,000元，幾貴吓 對於我來講，又要就地方，又要佢耐用、實用，又要靚仔，又要平(發霉友一名)，有買貴無買錯宗旨下二年前買下它 ，開箱圖是影來搬家再入番箱用，所以求求其其

老平

開箱圖是影來搬家再入番箱用，所以求求其其。

老平

溫馨提示：注意一下部機擺放平水，高度要就手最好，工作時嘈音都幾大，未加配件前不可洗細過12寸黑膠碟，如你有大量16寸碟，四方碟，喱部機肯定幫你吾到你。
使非常簡單，入水前確保機尾水掣關妥，利用原裝跟來膠漏斗，將蒸餾水小心倒入機內指定入水口，加幾多水就要睇住面板透明窗仔加到FILL LEVEL即可，插電，開機，選擇清洗時間及風乾時間便可放只碟去洗，洗完會發出提示聲。

老平

所有黑膠碟清洗、吹乾都在這半圓不鏽鋼超聲波洗碟糟內處理，制作精美洗碟糟左右兩边各裝上二只超音波震子並聯接綫，總共四只好重料，吾怪得咁嘈，幾多w吾記得睇 添

老平

吹乾系統：左右兩边各裝一把豬籠扇負責，共2把，工作時勁嘈，用耐了會積少許塵，吾知厰方有無方法改善
溫馨提示：玩mc唱頭師兄留意，新碟洗2~3分鐘已足夠，但吹乾較耐小小，我就用4~5分鐘乾碟，動圈头忌水、濕氣等，會减壽、因線圈外露

racewong

老平 發表於 2016-11-14 21:28
吹乾系統：左右兩边各裝一把豬籠扇負責，共2把，工作時勁嘈，用耐了會積少許塵，吾知厰方有無方法改善{:5_4 ...

依部KLAUDIO要入幾多L水?

GREENSPAN

老平 發表於 2016-11-14 13:22
所有黑膠碟清洗、吹乾都在這半圓不鏽鋼超聲波洗碟糟內處理，制作精美洗碟糟左右兩边各裝上二只超音波震子並 ...

超音波工作時人耳聽唔到乜滯嘅, 最多都係開頭發力時 wee 一聲, 跟住工作就唔會再有聲.

覺得嘈都係摩打同吸水, 一般洗碟機吸水時大概用 400W, 所以覺得嘈.

老平

老平 發表於 2016-11-14 21:28
吹乾系統：左右兩边各裝一把豬籠扇負責，共2把，工作時勁嘈，用耐了會積少許塵，吾知厰方有無方法改善{:5_4 ...

無正式用量杯計算用幾多Ｌ水，三支屈臣430ml走吾甩。

racewong

老平 發表於 2016-11-15 10:17
無正式用量杯計算用幾多Ｌ水，三支屈臣430ml走吾包甩。

咁都唔超過2L啦

老平

GREENSPAN 發表於 2016-11-15 08:47
超音波工作時人耳聽唔到乜滯嘅, 最多都係開頭發力時 wee 一聲, 跟住工作就唔會再有聲.

覺得嘈都係摩打同 ...

多謝GREENSPAN提出超音波噪音問題，我另外有兩部較小型超音波清洗機，洗零件，眼鏡，錶帶果款机，工作時都會產生一定噪音，但肯定無四只震子一齊震囉
講番部KLAUDIO噪音問題，先了解內裡有啲乜東東會嘈生晒，(1)四只震子，(2)二把吹乾膠碟用豬籠扇，(3)一把水箱散熱扇，(4)二個小水泵，(5)一個帶碟囀動摩打，(6)提示用巴耍。
入只碟開工：第一聲來自巴耍〝必〞，第二聲是水泵泵水上洗碟槽聲音，第三聲大合奏水泵＋震子產生79ｄＢ(睇相)，洗完停機會泵水回下層水箱，部機稍停一陣。
到乾碟開工：碟囀動二把豬籠扇同時開工，產生77ｄＢ(睇相)完成后又〝必〞，講完

GREENSPAN

老平 發表於 2016-11-15 07:09
多謝GREENSPAN提出超音波噪音問題，我另外有兩部較小型超音波清洗機，洗零件，眼鏡，錶帶果款机，工作時 ...

老平 兄,

超音波 Ultrasound 嘅意思係人耳聽不到的, 聽得到的叫sonic, 但有唔少產品只要用 sonic 的一律叫超音波, 其實誤導.

老平

散熱水箱：類似汽車水箱，非常精巧

老平

GREENSPAN 發表於 2016-11-15 13:08
老平 兄,

超音波 Ultrasound 嘅意思係人耳聽不到的, 聽得到的叫sonic, 但有唔少產品只要用 sonic 的一律 ...

GREENSPAN兄，無錯被人誤導，誤導經常在HI FI界出現，舉例：換咗条幾拾万電源線會『好聲』咗，明明喺『變聲』，又有人肯俾錢 汽車『焗漆』幾時見到有咁大個焗爐，揾幾支紅外線燈照吓就叫『焗漆』 玩死。

老平

老平 發表於 2016-11-15 13:26
散熱水箱：類似汽車水箱，非常精巧

講番部KLAUDIO冷卻系统，由於震子工作会產生熱力，導至機內水温升高，所以設計了個小散熱水箱，內藏一把小方扇，將水降回常温，當水温上升到某個溫度，便会啓動這個冷卻系统，由另一水泵將水由水箱底途經散熱水箱，洗碟糟，再回流番水箱。
溫馨提示：當洗，吹程序完成后，必聲提示響起，如機內水温仍高時，冷卻系统還会不停工作，直至水温降至指定溫度，時間要睇當時室温，如無碟繼續要洗的話，可關上電源，待它自然降温，减少水泵、散熱扇損耗。

老平

帶碟轉動摩打及感應開關都在頂部(黃圈內)，留意黃箭咀中間凸起黑條，是防止入碟刮花小設計，機械結構参不多講晒，有部份去了這裡http://www.hiendy.com/hififorum/ ... hread&tid=98393所以不在這裡重覆  

waikeywi

好詳盡的拆解！

老平

下次番來講埋電,跟住講吓佢的缺點、優点，及同類機比較，謝謝收看

racewong

老平 發表於 2016-11-15 18:10
下次番來講埋電,跟住講吓佢的缺點、優点，及同類機比較，謝謝收看  ...

堅呀, 你識唔識砌番部機架?

老平

供電由一只裝在機側china造的降壓牛負責，再分電俾超声波振子电源板及裝在銀色面板內控制電路面板。

老平

racewong 發表於 2016-11-15 18:52
堅呀, 你識唔識砌番部機架?

回槍王：吾係好識砌呀砌吾番 俾個籍口自己，買多部分體供水 個水箱可收埋櫃內