Accustic Arts 同好會

AS881

AA 都有唔少用家, 但就遲遲未見有同好會
開個會大家分享吓啦!

小弟用緊Drive II transport, 晏 d post 相上嚟

多多指教

AS881

小弟只係一部機用家,愧不敢開個會做樓主,呢度大把AA fans! 但眼見冇人開, 忍唔住了

eosteven

Accustic Arts Drive I mk1 報到

Accustic Arts DAC I mk4 報到

一休大師

報到先，遲下補相及心路歷程

ncwah

一休大師 發表於 2012-6-15 10:19
報到先，遲下補相及心路歷程

非常期待

molina

小弟報到先 , 多多請教

一休大師

      終於有些空閒講講心路歷程。

    話說大概於五年前，有部法國既CD機做緊特價，咁啱小弟又搵緊CD機，所以就決定親身上去試一試啦，系試機既途中發現原來中環都有D hifi鋪既，咁就順便去聽下其他機囖，咁機緣巧合之下，就上到一間叫悠揚音響，入面所賣既機就系AA、ELAC..等等，而擺放系大房當中當然系D頂級既產品啦。當時小弟銀根有短缺，所以都冇乜性趣，但當時悠揚音響既主持人真系非常之客氣，咁小弟就咁俾佢感動左，入去聽下啦。當時既組合系AA配搭三角牌喇叭，當然系麥哲倫系列啦，真系唔聽好地地，一聽就舔曬野，最記得隻麥田之歌，音場人頭一清二楚，播放鋼琴既真實感又夠，大爆棚氣勢又夠，真系堅到震..心捻，最衰部法國CD機落左訂，如果唔系一定揀佢。由於自己八卦既心態，心想咁靚聲，系咪用D好貴既線吖？於是就走去望下佢後面D線，發覺，頂，全部雞既電源線，仲要系個奇勝牌拖板，再問一問佢信號線同喇叭線幾多錢？問完之後加上睇埋個拖板，真系唔到你唔服。咁既配搭都有咁正既聲音，自己屋企用咁貴既線，都完全唔系果皮，真系要檢討下。不過再望一望佢套前後級，都唔平！所以都系算啦，安分守己，玩好自己套野先啦。好衰唔衰，當時個FRD 又話，悠揚有部B牌既后級做特價，咁咪陪佢落去買囖。不過hifi最忌AB比較，當時佢買既時候依然系fell set AA加三角牌，去試佢部后級，只系調一調部后級啫，即時感覺到B牌后級被比下去了，雖然B牌既后級都做得唔錯，尤其系推力同控制力方面，但同AA比較之下，相對地有種硬橋硬馬的感覺。但因當時我朋友本錢有限，而佢又一心去買，所以我就冇出聲啦。但系就俾我知道左AA有幾正lor，從此就種下哩個情根。

    直至上兩個月，有個網友放套AA頂班既CD機出來，其實已經好鬼心動，無奈手頭上既金仔自己都十分鍾意，所以冇再捻。點知等左半年既accordo喇叭終於出現左，咁好明顯捻都唔使捻就走去買啦，無奈金嗓子系金色，而accordo就系電鍍銀色，心想金銀潤好核突啫，咁啱我FRD又話想要套金仔，經過內心一輪掙扎之後，心想金仔都陪左我年幾啦，好啦，就試下第樣野啦！咁我自己第一個目標系burmester，因為burmester同樣系電鍍色，夾落去會十分之靚仔，於是乎就走去問下價，點知加價幅度系不能接受既，心捻，今次大禍了，金仔又賣左，咁點算呢？於是乎把心一橫，既然個FRD都放套AA CD機出來，冇理由amp唔放架？於是咪膽粗粗打電話俾佢囖。點知問左佢之後，原來佢真系放喔..跟住我單刀直入，問佢，全套要曬，朋友價幾多，跟住佢就復我XXXXXX啦，聽完個價之後發覺多年既情根，終於可以解脫了，於是第二晚即刻去抬曬佢地翻來啦。捻翻起都真系好鬼開心架！

    咁AA俾我感覺系點咧..佢冇burmester咁貴氣，亦冇MBL咁雍容華貴，但系就俾到我一種好務實既感覺，而且系德國人，理性精准既聲音。坦白講，其實哩三隻品牌我都好鍾意，而且各有各好，鹹魚青菜既感覺。不過既然緣分已到，真系擋都擋不住，我自己感覺，AA比較強項的是后級同CD轉盤，解碼都非常之好，比較遜色既會系個前級，可能之前用過金仔既3800，所以可能有此感覺。系金工上面，我覺得佢冇B仔咁靚架啦，不過就會比塑膠機殼靚D。感覺上都唔錯既！而且系新一代頂級既AA裏面，系用料上都比以往進步好多，大家可以留意頂板，就會知道，不過如果比起金仔，都仍然輸一皮，可能金仔實在做得太靚了，每一個位置都做得好實凈，就算中級機既用料都系唔錯的，哩樣野我覺得歐洲機系應該要學習下。當然，用料還用料，較聲就還較聲，唔一定用靚料就一定靚聲D既。由金仔轉落AA既時候，坦白講真系唔系好習慣，好似突然間冇咁好聽咁，但系又令我覺得多左一份真實感，尤其古典方面，可能歐洲人，系調教古典既聲音都系比較擅長既。但系如果播翻譚詠麟，又真系唔系金仔果皮。加上我又轉左喇叭，變數都幾大架！所以以上既推斷純粹系一D感覺來架啫，事實又可能未必系咁。

    Anyway我現在已經系AA既一份子啦！各位member你地好！！！！

ncwah

一休大師 發表於 2012-6-18 00:32
終於有些空閒講講心路歷程。

    話說大概於五年前，有部法國既CD機做緊特價，咁啱小弟又搵緊CD機， ...

大師寫得非常正

molina

ncwah 發表於 2012-6-18 01:19
大師寫得非常正

大師寫得非常正 x 2

AS881

大師寫得好
點解我post 唔到相

一無閒

一休大師 發表於 2012-6-18 00:32
終於有些空閒講講心路歷程。

    話說大概於五年前，有部法國既CD機做緊特價，咁啱小弟又搵緊CD機， ...

大師對AA好正

AS881

謝謝ROA 師兄加分
其實我覺得AA 部Drive I 個樣仲靚過Drive II, 個頂有藍光閃閃吓

bianbian

我剛加入AA大家庭! 但無水買頂級+全套AA, 只入了CD PLAYER 1 MARK3!

Rickyhsc

可否告知?$
Any photo??

bianbian

Rickyhsc 發表於 2012-9-29 06:33
可否告知?$
Any photo??

今日取及POST相! $56000 !

一休大師

bianbian 發表於 2012-9-29 13:11
今日取及POST相! $56000 !

恭喜哂師兄，剛巧我身邊都有兩位人兄都買左，聽完，真係堅到咸 ，搞到我都想降級買呢部cdp

molina

bianbian 發表於 2012-9-29 13:11
今日取及POST相! $56000 !

恭喜恭喜

molina

名師兄請分享下AA用XLR線及喇叭缐的心得

ROA

bianbian 發表於 2012-9-29 13:11
今日取及POST相! $56000 !

Congratulation
等見肉照

一休大師

molina 發表於 2012-9-29 16:48
名師兄請分享下AA用XLR線及喇叭缐的心得

     反正今日有胸，等我分享下先啦
   
    其實我系哩套機入面，都用過唔少線，由於AA既性格真系非常之中性，所以每換一條線落去既時候，都好容易分辨到性格。就等我逐條逐條講下啦。

    1.AA原裝信號線&數碼線：基本上哩兩條線性格系極之一致既，用落AA度既時候，感覺聲音非常之細膩，背景都好靜，小提琴好靚，而且仲帶點幽怨添，而人聲既感情位系極之高分，惟獨高音伸延差少少，音場方面亦差少少。
    2.sommer excelsior：哩條線既細節同分析力真系好強，基本上用落去都冇咩欠缺，惟獨明位比較強少少，同埋有DD吵。
    3.sommer epilogue：哩條感覺上高低伸延又系好強，整體上系excelsior既低級版，中頻密度會差少少，所以人聲聽起上來會有D薄，同埋會比excelsior吵少少。
    4.vovox sonorus：哩條線現場咁真系一流，尤其是聽JAZZ現場錄音，真系冇得頂，惟獨金屬感方面系佢既弱點，所以聽古典既時候，會稍有欠缺，不過泛音都真系好靚，加上價錢又系冇乜嘢可以再要求。
    5.vovox textura：哩條線不得不贊既就系每樣野都咁靚，hifi味極之出色，古典、爵士、流行曲..基本上泛泛掂，喜歡的基本上冇咩好挑剔，但就系由於每樣野都咁靚，感覺上好似聽咩都系一樣既聲音，所以哩條線都好睇個人口味，但整體上都系一條好線，值得擁有。
    6.vovox link direct s：如果聽完textura，再聽哩條，有個感覺就系好cheap，但當你細心聽既時候，其實佢俾你既信息都幾真實、直接，由於佢系錄音室線，基本上冇咩抑制，有留意網上既錄音mic，都會跟哩條線，咁可知道佢接受既信息應該唔會點搞野，而聽感上面，佢既泛音冇sonorus同textura咁好，但相對來講，就來得直白、少修飾些，立體感更是強項。
    7.accuphase aslc：哩條線高音伸延又靚，轉彎位又好，所以當聽古典，尤其是巴羅克時期既作品時零舍引人入勝，背景又靜，低頻伸延又夠，惟獨中音稍薄少少，所以人聲方面，肉感差少少，但如果系AA上面用一對，都冇乜壞既。可以為佢加D音色添。
    講住咁多先，候補！