黑店

DIO

聽執啦香港啲hifi鋪。執6成啦。
Hifi行業，除左老闆，啲職員仔有邊個人工高?
啲客就算買平野，講吓價，身家都多數多過你多多聲啦，
都唔知你吋77 狗眼看人低做乜。

jjtiger

不只部分代理，二手店都如是

Midnighteye

racewong 發表於 2019-3-16 13:37
依家應該唔會咁掛?!

我都無考究係唔係咁, 因為根本無興趣上去

標高價, 無服務, 加上網購同水貨平太多

呢類鋪頭不適合我

但可能版主/熟客/豪客會適合

racewong

Midnighteye 發表於 2019-3-16 22:09
我都無考究係唔係咁, 因為根本無興趣上去

標高價, 無服務, 加上網購同水貨平太多

咁hiendy俱樂部實啱你， 因為我地無野賣， 只有得聽歌會友

dunsario

個幢野，已冇去好多年，都唔知佢地點做生意，好似去左黑社會商店。

geekee

唔開名啦，代理在港島網店promo一部合拼$29800.出開旺角見嗰棟嘢有兩個dealers, 去其中一間問。先報$43800, 我話代理幾多幾多喎，sales就打電話，跟住同我講$29800做比你，語氣好似好L幫手仁至義盡咁。我無出聲，佢竟然同我講"仲要諗？" 我駁佢同代理同價包送貨可碌卡比個理由我j要幫襯你？問下就要幫襯？有著數就別論仲要比你吋。最後和代理whatsapp落單快靚正！

radhk

DIO 發表於 2019-3-16 21:30
聽執啦香港啲hifi鋪。執6成啦。
Hifi行業，除左老闆，啲職員仔有邊個人工高?
啲客就算買平野，講吓價，身 ...

十幾年前行果幢大廈, d態度都係咁上下.

不過, 可能近年好少去問價, 真係想買野都大約知價先去買. 所以感覺佢地依家態度無咁差.

就算問價, 佢回一個大約數亦唔會再追問實價. 唔0岩價就去另一間, 真係買先會再問實個實價. (佢地好似覺得比0左個實價你, 你就一定要買)

dekiller

HIFI還是看港島吧。今日經過成棟樓根本冇嘢睇。

DIO

radhk 發表於 2019-3-17 16:35
十幾年前行果幢大廈, d態度都係咁上下.

不過, 可能近年好少去問價, 真係想買野都大約知價先去買. 所以 ...

十幾年前同而家喎。
可能係你變靚佬咗，有份富豪味/成功人仕味或大水魚味滲出黎，
而家就對你好啲囉。
對其他冇變，更衰，白鴿眼嚇死晒啲後生客。哈哈。

niqueen

只能講好參差，好的好好，差的比差更差，今日去友x頂層嗰間，一開口"唔該我想"都未講完，sales先生對我耍手擰頭指指叫我搵身後嘅另一位sales，啊，原來我阻住佢欣賞古天樂電影，真係唔好意思，打攪哂!

mic9998

有呢d環境即場問佢媽媽幾號電話
打開門口做生意你使驚佢
佢驚過你啦！

dekiller

旺角只適合賣波鞋，手機，相機。

澳門客

友誠我就完全無興趣上去, 我一見排隊等lift就怕怕

gykl3344

其實旺角D 八十年代HiFi舖仲未搬'上樓'時己經係咁，所以先搬晒上樓。仲係咁咪搬返屋企囉。

starhifi

其實今時今日買hifi, 平嘢價靓離不開地庫，新機二手也離不開友诚和添置，我就覺得今時今日hifi舖好過以前，幾多店鋪都可先试後買，甚至有代理提供home demo服務，連大大隻喇叭和電處都有先试役後買，生客放底按金便可攞番屋企使，熟客更唔驶按金，買错嘢機會很细。

好多hifi铺只要你幫襯過一次，我又得覺得番轉頭幫襯會冷待你。就算地庫近五年都冇幫襯過，上次同朋友星期六入去试Diablo 120推Focal N1聽了近2小時冇買到招呼都好好。

好似我買金仔，係笫一次幫襯阿二，年幾前先後2次聽了近3小時先買，第一次聽了超過一小時將部P7300, A70, C2850同C3850搬來搬去AB使，第一次使定都冇賣，招呼都唔知幾好

chakat

starhifi 發表於 2019-3-18 07:42
其實今時今日買hifi, 平嘢價靓離不開地庫，新機二手也離不開友诚和添置，我就覺得今時今日hifi舖好過以前， ...

如Ching所言，都唔係間間差，而且也看你遇到邊個Sales呢？我也有去X二和X京試音響，服務唔錯，基本上AV和兩聲度的盤和amp,都係幫佢地買，肯試，多問都冇話唔禮貌，近日開始玩head-fi，甚至家電都係搵X京買，服務唔錯啊。。。但其它幾層真係唔會上了。。。一來價錢好海鮮，二來態度真係令你唔舒服。

kelvinhin

sumchung 發表於 2019-3-16 18:34
有賣威達貨嗰間

上次去問佢ps audio dac的價錢, 佢個態度我覺得都ok...

sumchung

kelvinhin 發表於 2019-3-18 21:20
上次去問佢ps audio dac的價錢, 佢個態度我覺得都ok...

師兄, 我問佢價時我都有禮貌, 無擺架子比佢地睇!

James1967

17號星期日下午去咗友誠由13樓開始掃落去，點解個個埸刀咁靜嘅，有啲場靜到得我一個人，攪到咁嘅環境刀係佢地自己一手做成！

R33-Ng

chakat 發表於 2019-3-18 09:31
如Ching所言，都唔係間間差，而且也看你遇到邊個Sales呢？我也有去X二和X京試音響，服務唔錯，基本上AV和 ...

阿二以前OK，而家就…
事緣我以前都多幫襯阿二，近十年八年無上去。有位同事(斯文大叔)最近發燒迷上金仔，想睇部金仔合併，我就推薦佢上阿二聽聽。
點知過左幾日，同事話俾我聽：佢上到去阿二，剛好有sales接金仔播緊歌，佢就行埋去聽番一份。Sales當然問佢想睇咩機，佢答金仔合併擴音機，報埋用緊咩cd機同speakers。聽左前後大約10 min，印象好，但想考慮多陣，講聲唔該，無買走人。同事考慮完一晚，第二日再上去諗住仆鎚，見番同一Sales，表明想聽番尋日聽過個部金仔機，再聽真d。點知個sales話：我認得你，你尋日先聽過，今日又要聽？有乜好聽？！要買就買，唔好聽o黎聽去！
我同事斯文大叔一名，俾人凶完，無駁嘴，粒聲唔出，轉身搭lift走人。
仲問番我，乜個間鋪唔俾人聽多次部機先仆鎚咁惡死架？！
我即刻介紹佢去第二樹買o個部。