今次朋友借部機比我, 我諗佢知道我中意玩机, 成日屎忽痕周圍去家訪瞭解不同嘅機種特性同取向， 另外可能朋友又想毒我玩鴨毛, 所以佢就話借比我玩兩日, 因為工作忙又要照顧細路仔, 所以我都冇問佢借埋ARC Kit, 所以今次嘅試機, 主要係想聽下60仔嘅聲底, 希望可比到一些已有鬼佬av 前級嘅朋友是否要升級玩鴨毛的一個參考, 因為用緊鬼佬机嘅朋友一般對音質都比較有要求。
今次嘅set up 係7.1, 主要用手動調教音壓距離, 參考嘅聲音表現其中有自己用開的Arcam AV888 前級。
由於最近參加左atmos 前级大比拼印象猶新, 所以儘量用翻當天嘅軟件, 手頭上有葉問3同埋Mad Max, 另外會用演唱會藍光聽一聽呢部機播放出嚟音樂質素。
先播葉問3 chapter 11, 即系甄子丹同張晉對打那一段, 俾我嘅感覺60仔偏向走分析力, 中高比較出, 尤其系環繞聲, 但底频又鬆鬆地磅住d 声, 人声不厚不薄。
再播Mad Max, 呢套戲出名低頻勁, 但用60仔在我的系統播出來稍嫌低頻比較鬆及多, 相信配合一些比較收線條的線材会比較好。
播放過兩套戲之後, 感覺呢部AVM60 偏重空間感的表現。
輪到播放演唱會， 人聲及音樂感不俗，比一般的日本AV AMP 有感情， 但我有朋友有Anthem 前代AVM50 及D2V, 雖然其他器材不同， 但印象中AVM 50 播放音樂嘅彈跳力同厚度感比60好。
同 自己用開之AV888比較, 声音質感同低頻控制力都有距離, 極低音潜下去冇左果下slam， 畢竟兩部機定價已反影了分别。
結論:
如果你已在用中級或中上級的鬼佬av 前級, 相信這部60仔未必能夠滿足你嘅要求, 你可能要等再高一級的机種例如D3V,
但如果你要求是想玩最新嘅音效格式, 呢一部60仔會係你嘅考慮之列， 因為以價位計， 佢嘅表現已經交足功課。
註: 這次試玩，畢竟沒有使用Anthem 獨門絕學ARC, 及未有安装 atmos 喇叭作配合，更没有dts X 可試，相信如果有以上的配合， 聲音表現會更上一層樓。建議有興趣呢部機嘅准用家親身約代理聽一次再作決定。
。
|
樓主: bmb_hd
IP卡
狗仔卡
顯身卡
發表於 2016-4-9 23:58:44
