你套機現在係正相，定反相？

HaiFaiYau@FB

試過一次，聽聽下點解甘怪把聲…右邊音場好似扭曲左甘…(定位結像同平時唔同…平時係平均散佈，但當時好似側埋一邊…中間偏右好空洞甘…)，但用試音碟試識別左右聲道等又無錯…。

都係唔心熄…再檢查接線，唉右邊嗽叭線轉線時…再插翻果時+-調轉左，果時先知單一聲道接『錯相』係乜效果

新漢陳Sir

momei 發表於 2019-9-27 18:12
"此現象為錯相 "
哈哈，錯相，㸃錯相，喺街畀被人打一身就最 無辜辜啦。
咪有些是反相的，尤其是膽咪錄人声 ...

兄臺所指的極可能是多軌錄音，而非單點錄音。我對後者畧懂一二，在Radio People的日子經常借咪回家錄太太頌讀聖經或在教會錄合唱。

momei

新漢陳Sir 發表於 2019-9-30 11:55
兄臺所指的極可能是多軌錄音，而非單點錄音。我對後者畧懂一二，在Radio People的日子經常借咪回家錄太太 ...

陳sir 是很有经驗的前輩

momei

陳sir 是很有經驗的前輩

Kong43

新漢陳Sir 發表於 2019-6-18 11:03
Conrad-Johnson的前級放大器輸出與輸入倒反，用戶手冊的説明非常清晰。

請教陳Sir, 小弟的Rogue 前級在說明書中都係話反相輸出的, 所以我覺得是廠方刻意做一部反相輸出的前級, 是否廠方認為市面上大部分錄音都係反相輸出？所以要負負得正, 或係另有原因？

el188

点解唱片公司會故意錄反相?

PhantomGTR

el188 發表於 2020-11-28 19:18
点解唱片公司會故意錄反相?

感覺上，越老牌越大的公司都係出反相.........

haha12

PhantomGTR 發表於 2020-11-28 20:23
感覺上，越老牌越大的公司都係出反相.........

如果計古典品牌 DG, Sony Classics 反相.  EMI, Decca, RCA 正相, 全部以正價初版為準. 而 立體聲初面世亦是  EMI, Decca 黃金盛世, 錄音水平明顯比其它品牌優異 ,出品绝大部份正相.

後來出再版或中價或平價版 CD  搞到天下大亂, 例如EMI 荷蘭版反相, Decca Ovation, RCA Gold Seal, Living Mercury又反相.  DG 又有約5%錄音正相原因不明 古靈精怪.

本地流行曲, Polygram, Universal Records, New Century remaster反相, Sony, EMI, WEA Wagner, 華聲, 新藝寶 正相,  近年少買新碟, 所以新牌子就冇乜研究啦.

PhantomGTR

haha12 發表於 2020-11-28 22:16
如果計古典品牌 DG, Sony Classics 反相.  EMI, Decca, RCA 正相, 全部以正價初版為準. 而 立體聲初面世 ...

邊隻反邊隻正的確係幾煩，但唔跟返相位又出唔到本來及應有的 focus 及 音場及深度。而且，喇叭唔同的擺位及房間反射聲亦都會影響聽感，令同一個 file 係唔同喇叭擺位時會聽錯相位....... 不過 so far 附圖中的分類係我到都係對的，除了 Polydor, Columbia, 同 Altantic，可能因為我手上既碟唔係佢地最早期未被收購時出既碟。

我有D 係自己 rip 自己碟的，有D係外國的大音樂 file 網店買的，當然仲有很多 album 好難分的。所以，其實到現在我仍未能十拿九穩分到所有手上的 album 係乜嘢相位。即係有某些 albums, 按現在喇叭擺位係正相，遲D移過對喇叭後，再聽返可能會變成反相。

》》EMI, Decca, RCA 正相, 全部以正價初版為準. 而 立體聲初面世亦是  EMI, Decca 黃金盛世, 錄音水平明顯比其它品牌優異 ,出品绝大部份正相.
我手上的 EMI, DECCA, RCA files 都係明顯反相的。

》》 Sony, EMI, WEA Wagner, 華聲, 新藝寶 正相,  近年少買新碟, 所以新牌子就冇乜研究啦.
Sony, EMI, WEA, Warner 係我到都係明顯反相。

如果以上我個兩個聽感無攪錯既話，加埋 Universal，香港這幾十年來出既碟絕大部份都係反相。

Just my 2 cents, 請師兄不要見怪。

haha12

PhantomGTR 發表於 2020-11-28 23:16
邊隻反邊隻正的確係幾煩，但唔跟返相位又出唔到本來及應有的 focus 及 音場及深度。而且，喇叭唔同的擺位 ...

自己聴到啱心水就得啦！

師兄圖表中 Decca London ( Decca London, Ovation 仍中價再版） 亦是反相， Decca 正價原版多是正相。  RCA 市面絕大部份出品都係反相 ( 最早期正價 Red Seal 例外）

又一例子 Proprius 原版 麥田之歌正相， 另文提及好靚聲嘅 UHQ Remaster 又變咗反相。

待疫情冇咁嚴重時有機會可以互訪引證一下。

PhantomGTR

haha12 發表於 2020-11-29 06:02
自己聴到啱心水就得啦！

師兄圖表中 Decca London ( Decca London, Ovation 仍中價再版） 亦 ...

很期待，同phase 有關嘅 Setting 我都很有興趣，到時請師兄多多指教！

dvd-r

金嗓子一响反相

t1174

dvd-r 發表於 2020-11-29 12:33
金嗓子一响反相

金仔那不是叫反相，而是美式，就是 XLR 時， pin 2 是 -， pin 3 是 +. 不過後來美國機都多 pin2+ pin3 -。

要知 金仔 的 RAC 是正常，和當你全 set 機用 美式， 出來也是正相系統的。

PhantomGTR

我有個讀同工作都同古典音樂有關的朋友，佢玩了多年CD/SACD/LP，佢十幾年都無為意相位，但佢一直都覺得佢套LP 係家中係特別好聲，所以佢很花心機係LP上。佢家的ＣＤ／ＬＰ等大部份都係某幾個專出 classical music 既大 label。

我諗去到呢到，你都估到我講乜吧。

佢的 CD/SACD player 係正相，成套機都係正相。但佢呢碟幾乎全部都係反相！而佢部LP機，則是反相......

haha12

PhantomGTR 發表於 2020-11-29 13:08
我有個讀同工作都同古典音樂有關的朋友，佢玩了多年CD/SACD/LP，佢十幾年都無為意相位，但佢一直都覺得佢套 ...

咁又係, 纯數學统計, 反相命中率大過一半

PhantomGTR

haha12 發表於 2020-11-29 13:36
咁又係, 纯數學统計, 反相命中率大過一半

絕大部份本地音樂都係反相，連陳潔麗（雨林同環球) 都係反相。
外國很多 jazz/pop/folk/classical music 既大 Label 都係反相。

haha12

PhantomGTR 發表於 2020-11-29 13:48
絕大部份本地音樂都係反相，連陳潔麗（雨林同環球) 都係反相。
外國很多 jazz/pop/folk/classical music  ...

真係有點唏嘘.

從粵語流行曲初興起 百花齊放, Philips/Polydor, EMI, WEA 華纳,Sony,  華聲, 娛樂, 永恒, 新藝寶全是正相. 好快 Philips/Polydor 就 冇佐 變成polygram, 跟住Universal環球唱片崛起 俱是反相, 其他品牌相繼慢慢消聲匿跡, Canton Pops 亦同時夕陽西照. Those were the days!

本地仲係in Business 嘅, 明達以進口為主， 近年 有做remaster 而部份 搞得幾好聲, 其中亦有正相錄音.

dekiller

反正動一下相位選擇就是。不用去管套機或碟的相位。Polarity反轉的原因是每級放大的自然後果。用型像一點的例子就是針孔照相機。

PhantomGTR

haha12 發表於 2020-11-29 16:10
真係有點唏嘘.

從粵語流行曲初興起 百花齊放, Philips/Polydor, EMI, WEA 華纳,Sony,  華聲, 娛樂, 永恒 ...

做生意大食細，唔埋堆團結好快就被消失。就算簽到個天才，都難保佢唔啄跳糟。

澳門客

錄音正反相其實只是對聲波經咪頭變成電波時的觀念問題。
當第一個開始聲波凸出推動空氣壓力向咪頭振膜時，咪頭振膜第一個開始是凹入，這可以視為和聲波空氣壓力相反，第一個產生電波由反相開始。
但如果從重合錄音時的聲波去思考，第一個開始聲波凸出推動空氣，重播這錄音時也應要第一個開始聲波凸出推動空氣，這就應是同相。