大家過完2011視聽展後. 唔知大家對音響既熱情有無增加到呢? 大家仲記唔記得Hiendy在音響展中的參與呢?
Hiendy多得各位會員同代理既支持, 而家係運作上亦都非常方便順暢, 可以好容易咁舉辦唔同種類既試聽會,比拼會. 令到更加多會員能夠相聚同分享.黎緊8月27日同9月3號. Hiendy將會舉辦兩場不同類型既兩聲道試聽會. 主題會盡快通知大家.
8月27日的試聽會包括Full gear上陣的Esoteric 旗艦 P01/D01 + G-0Rb Clock配旗艦Accuphase C3800 + M6000 mono block. 除左旗艦器材, 亦會有表演者即場示範表演.
而9月3日的會是在視聽展一致好評的老麥+限量版橙色喇叭. 而我地今次會加入一d新元素. 例如用老麥的CAS功能, 試試CAS在全套McIntosh既實力之類. 等大家可以在一場試聽會中有多樣收獲! 而限量橙色喇叭究竟好聲係邊度呢, 果日大家可以有個近距離接觸. 昇和影音亦都十分支持Hiendy會員, 每位參加會員除了每人有一份精美禮品, 亦都有抽獎. 入場時更加有飲品供應. 詳情會盡快公佈

至於AV方面呢? 在10月份會有1-2場非常壯觀頂級的AV 試聽會. 有好多傳聞話好好聲既Showroom, 我地都會嘗試去舉辦試聽會.等大家可以分享一下.
而網上討論區. 我地收集左唔少意見. 而家密鑼緊鼓籌備中..包括改良二手區, 網上器材,價錢店鋪搜查. 而首先將會推出的..就是品牌官方討論區. Hiendy與香港品牌代理聯合開設一些專門討論區. 裡面有官方職員回答各位發燒友問題. 初步邀請了數間品牌代理開設官方討論區. 如果反應良好, 我地會繼續與其他代理商量. 希望令大家可以更快更直接了解你地心愛既品牌最新資訊. 亦都希望大家熱烈討論. 令到整個Hiendy討論區更加熱鬧起黎!
謝謝大家一直支持Hiendy, 令到我地可以做我地想做既野. 而亦都要多謝代理們的幫助, 等大家可以互相分享!  |